“მანჩესტერის” თავკაც ლუი ვან გაალის თანაშემწე რაიან გიგზი გუნდის ნახევარმცველ ანხელ დი მარიას გამოექომაგა, რომელსაც მძიმე პერიოდი აქვს.
“დი მარიას საკუთარი ძალებისადმი რწმენა არ დაუკარგავს. იგი უმაღლესი კლასის ფეხბურთელია და ჩვენ მისგან გადამწყვეტ მატჩებში შედეგიანი თამაშის მოლოდინში ვიქნებით. ხანდახან, ფეხბურთელებს ადაპტაციისთვის დიდი დრო სჭირდებათ. ანელმა საუცხოოდ დაიწყო სეზონი, მაგრამ მისი ტიპის ფეხბურთელებს სტაბილურობის შენარჩუნება უჭირთ,”-აღნიშნა გიგზმა.
“მანჩესტერ იუნაიტედის” ყოფილ ფეხბურთელ რაიან გიგზს მანჩესტერში, “ოლდ ტრაფორდთან” ახლოს სასტუმრო აქვს, რომელსაც Hotel Football-ი ჰქვია.
გთავაზობთ ფოტოებს:
ბრაზილიური “სან პაულუს” კარის დარაჯმა როჟერიო სენიმ უელსელი რაიან გიგზის რეკორდი დაამხო.
28 ოქტომბერს, ბრაზილიის ჩემპიონატში “სან პაულუმ” “გოიასი” მიიღო და მეტოქე დამაჯერებელად, ანგარიშით 3:0 დაამარცხა. აღსანიშნავია, რომ ამ მატჩის შემდეგ, 41 წლის როჟერიო სენის ერთ კლუბში მოპოვებული 590 მოგებული შეხვედრა დაუგროვდა, რაც სარეკორდო მაჩვენებელია.
აქამდე, ერთ კლუბში ყველაზე მეტი გამარჯვება რაიან გიგზს ჰქონდა მოპოვებული, რომლის ანგარიშზეც “მანჩესტერ იუნაიტედში” 589 წარმატებით დასრულებული მატჩია.
„სან-პაულუს“ მეკარემ, 41 წლის როჟერიო სენიმ ერთი გუნდის შემადგენლობაში ოფიციალური მატჩების რაოდენობის მსოფლიო რეკორდი დაამყარა.
„გოიასთან“ ანგარიშით 3:0 მოგებული მატჩი სენისთვის თავისი კლუბის რიგებში 590-ე აღმოჩნდა.
აღსანიშნავია, რომ ამ მაჩვენებლით სამხრეთ ამერიკელმა გოლკიპერმა „მანჩესტერ იუნაიტედის“ ექს-ნახევარმცველს რაიან გიგზს აჯობა, რომელმაც „წითელი ეშმაკების“ მაისურით 589 ოფიციალური შეხვედრა ჩაატარა.
აღსანიშნავია, რომ სენის ანგარიშზე კარიერაში ჯამში 123 გოლია.
“მანჩესტერ იუნაიტედის” მთავარი მწვრთნელის ლუი ვან გაალის თანაშემწემ, რაიან გიგზმა, მანჩესტერული კლუბის ახალწვეულზე, ანხელ დი მარიაზე ისაუბრა.
“დი მარია? მწვრთნელს მასთან მუშაობა არ სჭირდება. ის თავისუფალია და მას არანაირი შეზღუდვა არ აქვს. დი მარია უბრალოდ გამოვა მოედანზე და გოლებს გაიტანს. ვარჯიშებზე ანხელი წარმოუდგენელ რაღაცებს აკეთებს. ხშირ შემთხვევაში უბრალოდ გაკვირვებული ვრჩები” – განაცხადა რაიან გიგზმა.
მიმდინარე სეზონში დი მარიამ “მანჩესტერის” შემადგენლობაში 5 მატჩი ჩაატარა და სამი გოლის გატანა შესძლო.
“მანჩესტერ იუნაიტედს” არაერთი გამორჩეული ფეხბურთელი ჰყოლია. სერ ალექს ფერგიუსონმა მანჩესტერულ კლუბში ძალიან დიდი დრო გაატარა და ცხადია, მის გუნდში ბევრ ვარსკვლავს უთამაშია.
Daily Mail-მა ფერგიუსონის ერაში ათი საუკეთესო ვარსვკლავი დაასახელა.
10. ბრაიან რობსონი
9. გარი ნევილი
8. პეტერ შმეიხელი
7. უეინ რუნი
6. დევიდ ბექჰემი
5. როი კინი
4. პოლ სქოულზი
3. კრიშტიანო რონალდუ
2. ერიკ კანტონა
1. რაიან გიგზი
“მანჩესტერ იუნაიტედის” მთავარი მწვრთნელის ასისტენტმა, რაიან გიგზმა განაცხადა, რომ “არსენალში” დენი უელბეკის გაყიდვით “ეშმაკებს” ტრადიციებისგან არ გადაუხვევიათ.
23 წლის უელბეკი, რომელიც სატრანსფერო ფანჯრის უკანასკნელ დღეს “არსენალში” გაიყიდა, უკანასკნელი ფეხბურთელი იყო, რომელიც “მანჩესტერის” აღზრდილი იყო და თანაც პირველ გუნდში თამაშობდა. თუმცა გიგზი აცხადებს, რომ “იუნაიტედს” არ დაუკარგავს საკუთარი თავი, როგორც ეს ერთხელ მიკ ფელანმა განაცხადა.
“ეს კლუბი არასდროს შეიცვლება. ამ კლუბის ისტორია სანახაობრივი ფეხბურთის თამაშს, ახალგაზრდებისთვის შანსის მიცემასა და ტრადიციების დაცვას მოიცავს. გასაგებია, დენი წავიდა და ეს დიდი იმედგაცრუებაა, რადგან ის უკანასკნელი აღზრდილი იყო, მაგრამ ჩვენ გვყავს მწვრთნელი, რომელმაც შანსი მისცა ზეედორფს, კლუივერტს, ჩავის, ინიესტასა და ტომას მიულერს.”
“ვან გაალს ახალგაზრდებისთვის შანსის მიცემის გრძელი ისტორია აქვს. ტაილერ ბლეკეტმა ამ სეზონის ყველა შეხვედრაში ითამაშა. ვან პერსისა და რუნის ფონზე ადნან იანუზაი და ჯეიმს უილსონი გვყავს. მოთამაშეები ყოველთვის წავლენ “მანჩესტერ იუნაიტედიდან”, მაგრამ დარწმუნებულნი უნდა ვიყოთ, რომ ახალგაზრდები შანსს მიიღებენ, რადგან ამას “იუნაიტედის” ქომაგი ითხოვს.”
“მე თავადაც მინდა იმის ხილვა, თუ როგორ იჩენენ თავს ახალგაზრდები “იუნაიტედში”. გულშემატკივარი არასდროს დაგმობს ახალგაზრდას შეცდომისთვის. ისინი მათ წააქეზებენ. ეს ყოველთვის “მანჩესტერ იუნაიტედის” ისტორიაში იყო და მისი დაკარგვა არ გვსურს.” – განაცხადა გიგზმა.
წყარო: მანჩესტერ იუნაიტედის ქართული ფან-კლუბი – http://redarmy.ge/
“მანჩესტერ იუნაიტედის” ყოფილ ფეხბურთელებსა და სელდფორდს” შორის გამართულ მატჩში რაიან გიგზმა მეტოქეს პანენკას სტილში გაუტანა.
“მანჩესტერ იუნაიტედის” მთავარი მწვრთნელის ასისტენტი, რაიან გიგზი მის ამჟამინდელ და ყოფილ მწვრთნელს, სერ ალექს შორის მსგავსებას ხედავს.
მართალი გიგზმა ეს-ესაა დაიწყო ვან გაალთან ერთად მუშაობა, მაგრამ ამას სულაც არ შეუშლია ხელი მსგავსების აღმოჩენაში.
“დიახ, მსგავს თვისებებს ვხედავ. ორივე მათგანს აქვს აურა, მაგრამ ეს უმეტესად მათ მიერ მიღწეული წარმატების დამსახურებაა. ისინი მოთამაშეებისგან თავდადებასა და პატივისცემას მოითხოვენ. იმ მცირე დროში, რაც ვან გაალთან ერთად გამიტარებია, ნამდვილად შეიძლება იმის დანახვა, თუ რატომ არის ასეთი წარმატებული.”
“ხომ არ მახსენებს მექსიკის ნაკრებთან (ჰოლანდიის ნაკრების) შეხვედრა რამეს? დიახ, მახსენებს, რადგან ჩვენც გვყავს გუნდი, რომელიც არასდროს ნებდება.”
“ვფიქრობ, ეს ხასიათზე, ფიზიკურ ფორმასა და მწვრთნელის გადაწყვეტილებისუნარიანობაზეა დამოკიდებული. თუ მას აქვს ისეთი ფეხბურთელის გამოყვანის უნარი – როგორც იმ შეხვედრაში ჰუნტელაარი – რომელიც თამაშის მიმდიანრეობას შეცვლის, ეს ნიშნავს, რომ მან კარგი გადაწყვეტილება მიიღო. სწორედ ეს განასხვავებს ტოპ-კლასის მწვრთნელებს.”
“თუ რამე ის არ მოხდა, ის ამას ელოდა. თუმცა ის სრულად დარწმუნებულია თავის გადაწყვეტილებაში და სწორად იღებს მათ. სწორედ ასე უნდა იქცეოდე.”
“ეს ასეც უნდა გააკეთო, თუ “მანჩესტერ იუნაიტედს” წვრთნი. გადაწყვეტილება უნდა მიიღო, მისი პრაქტიკაში გამოყენება უნდა შეგეძლოს.” – ციტირებს გიგზის სიტყვებს The Telegraph.
წყარო: მანჩესტერ იუნაიტედის ქართული ფან-კლუბი – http://redarmy.ge/
მას შემდეგ, რაც დევიდ მოიესის საშინელი შედეგების გამო შოტლანდიელმა კლუბი დატოვა, სეზონის უკანასკნელ ოთხ შეხვდრაში კლუბის მმართველობა რაიან გიგზმა ჩაიბარა.
გამომდინარე იქიდან, რომ გიგზი ძალიან დიდი პატივისცემით სარგებლობს “მანჩესტერ იუნაიტედის” გულშემატკივართა შორის, კლუბი მას არ განშორდა და მწვრთნელის ასისტენტად დანიშნა.
თავის ახალ შენაძენთან დაკავშირებით საუბრისას, რომელსაც სწორედ “იუნაიტედიდან” წასული რიო ფერდინანდი წარმოადგენს, რედნაპმა აღნიშნა, რომ იგი მოხარულია ამ ტრანსფერით და მას ჯერ კიდევ სჯერა რიოსი.
“ის შესანიშნავია ამ როლისთვის. მე ის 14 წლის ასაკში გადმოვიბირე, ასე რომ მას სხვებზე უკეთ ვიცნობ.”
“ძალიან მოხარული ვარ, რომ ის კლუბში მყავს.”
“რაიან გიგზმა მითხრა, რომ მისი მწვრთნელად დარჩენის შემთხვევაში რიოს ნომერ 1 ცენტრალურ მცველად დატოვებდა.” – განაცხადა რედნაპმა.
წყარო: მანჩესტერ იუნაიტედის ქართული ფან-კლუბი – http://redarmy.ge/
24 წლის შემდეგ, “მანჩესტერ იუნაიტედის” 11 ნომრიანი მაისური პირველად გახდა ვაკანტური, მაგრამ განსხვავებით 7 ნომრიანი მაისურისა, მისი ნათელი ჩამცმელი არ არსებობს.
ამ შემთხვევაში ყველაფერი დამოკიდებულია იმაზე, შეძლებენ თუ არა ფეხბურთელები გაბრწყინებასა და იმის ჩვენებას, რომ ისინი ნამდვილად არიან ასეთი ღირსების ტარების ღირსნი – რაც თავისებურ “ლეგენდარულ მაისურად” შეიქმნა კლუბისთვის, რომელსაც შემადგენლობაში ჰყავდა კაცი, რომელმაც ხანგრძილი და წარმატებული კარიერა შექმნა და რომლის სახელიც რაიან გიგზია. თუმცა შეიძლება გამოვყოთ ერთადერთი კანდიტატი, რომელსაც ესპანელი ფეხბურთელი, ხუან მატა წარმოადგენს. ის უკვე გახლავთ გულშემატკივართა “საყვარელი” ფეხბურთელი და მას საკმაო ოსტატობაც აქვს იმისთვის, რომ ეს როლი იტვრითოს. თუმცა გუნდში მოსვლისას მან განაცხადა, რომ კლუბის ძვირფას ნომრებს არ მოირგებდა და საეჭვოა ამ ზაფხულს რამე შეიცვალოს.
ზოგიერთი გულშემატკივარი თვლის, რომ ეს ნომერი ტომ ლოურენსს უნდა ერგოს. მას ძალუძს “იუნაიტედის” პირველ გუნდში შესვლა, მაგრამ ამ ბიჭმა მხოლოდ ერთი მატჩის ჩატარება მოასწრო და სეზონის დანარჩენი ნაწილი “იოვილისა” და “კარლაილის” მსგავს გუნდებში გაატარა.
თუ მაისური მორგებულია იმისთვის, რომ მან მისი მფლოებელის ნიჭს გასუვას ხაზი, რა თქმა უნდა ის არა მორგებული, არამედ გამომუშავებული უნდა იყოს, რაც ნიჭისა და თავდადების ხარჯზე უნდა მოხდეს და არა ქველომოქმედების შედეგად. ამ მიზეზით, თუ “წითელი ეშმაკები” მოინდომებენ 11 ნომრიანი მაისურის ვინმესთვის მიცემას, მას ახალი ხელწერა უნდა ჰქონდეს.
ფლანგის ამჟამინდელი მოთამაშეებისგან ვინ იმსახურებს ამას? ნანი – ალბათ დატოვებს “ოლდ ტრაფორდს”. ანტონიო ვალენსიას თამაში კი უბრალოდ ჩავარდა მას შემდეგ, რაც 7 ნომრიანი მაისური მოირგო. რაც შეეხება ეშლი იანს, შეიძლება ითქვას მან უკვე ჩაახშო ეს მოსაზრება, როცა 18 ნომრიანი მაისური მოირგო, რომელიც კარიერის უდიდეს პერიოდში ლეგენდარულ ფეხბურთელს, პოლ სქოულზს ეკუთვნოდა.
ლუი ვან გაალი პირველ რიგში ფლანგებს გაამაგრებს და სწორედ ამის გამო ჰოლანდიელი ვუნდერკინდი, მემფის დეპაი აქტიურად არის დაკავშირებული “მანჩესტერ იუნაიტედთან”. ის კარგი კანდიდატი იქნებოდა ამ ნომრისთვის – მემფისი მთელი სეზონის განმავლობაში 12 გატანილი გოლითა და 7 საგოლე გადაცემით “პსვ”-ს საუკეთესო ფეხბურთელად ითვლებოდა.
როცა კრიშტიანუ რონალდუ მოვიდა “ოლდ ტრაფორდზე” სერ ალექსმა საკმარისი სიმამაცე გამოიჩინა და მას 7 ნომრიანი მაისური უბოძა, მიუხედავ იმისა, რომ რონალდუს სხვა ალტერნატივაც ჰქონდა. ბოლოს კი რონალდუ იქცა ერთ-ერთ საუკეთესო 7-ანად, რომელიც “იუნაიტედს” ოდესმე ჰყოლია.
მოთამაშეთა ნომრები აღარ არის ისეთი მნიშვნელოვანი როგორც ადრე იყო, მაგრამ ზოგიერთი მათგანი ისტორიას ეკუთვნის და ფეხბურთელი, რომელიც გიგზის კვალს გაჰყვება გარკვეული ზეწოლის ქვეშ მოექცევა.
წყარო: მანჩესტერ იუნაიტედის ქართული ფანკლუბი – http://redarmy.ge/
ოთხშაბათს რაიან გიგზი ჰოლანდიაში გაემგზავრება, რათა ლუი ვან გაალს, რომელიც “მანჩესტერ იუნაიტედს” ჩაიბარებს თავის მომავალზე ესაუბროს.
სწორედ დღესაა მოსალოდნელი, რომ 62 წლის ვან გაალი “წითელი ეშმაკების” მთავარ მწვრთნელად დანიშნონ. ამასთან დაკავშირებით კი ლუიმ პირადად გამოთქვა გიგზთან შეხვედრის სურვილი.
გამომდინარე იქიდან, რომ ლუი ვან გაალმა უკვე დაიწყო ჰოლანდიის ნაკრების მზადება მუნდიალისთვის, მას არ ჰქონდა საშუალება მანჩესტერში გამგზავრებულიყო, ამიტომ გიგზს მოუხდა ჰოლანდიაში ჩაფრენა.
შეგახსენებთ, რომ გიგზმა “წითლები” დევიდ მოიესის გაშვების შემდეგ ჩაიბარა. თავად გიგზი კი თავის მომავალში ჯერ არ გარკვეულა და ყველა სახის ვარიანტისთვის ღიაა.
წყაროს თანახმად 40 წლის უელსელს ვან გაალი ასისტენტობას შესტავაზებს. ხოლო თუ გიგზს არ მოეწონება ეს ვარიანტი, მაშინ მას შეეძლება მოთამაშის კარიერა გააგრძელოს, ან დამოუკიდებელი სამწვრთნელო წამოიწყოს.
გიგზთან ერთად ჰოლანდიაში გაემგზავრა კლუბის აღმასრულებელი დირექტორი, ედ ვუდვორდიც. მოსალოდნელია, რომ მხარეებმა ყველაფერთან ერთად სატრანსფერო პოლიტიკაც განიხილონ.
წყარო: მანჩესტერ იუნაიტედის ქართლი ფან-კლუბი – http://redarmy.ge/
