დღეს გამთენიისას რონალდინიო გაუჩოს ფანების ოფიციალურ გვერდზე უჩვეულო რამ მოხდა. ბრაზილიელი ფეხბურთელის ქომაგების ვერიფიცირებულ გვერდზე პორნოგრაფიული შინაარსის ვიდეოს ბმული გამოქვეყნდა, რასაც გაკვირვებული მომხმარებლების მხრიდან უმალ მოჰყვა კომენტარები და გაზიარებები.
გარკვეული ხნის შემდეგ რონალდინიოს გვერდიდან აღნიშნული პოსტი წაშალეს.
ბრაზილიური ტელეკომპანია SporTV-ის კომენტატორი ანდრე ლოფრედუ თვლის, რომ „ატლეტიკო მინეიროს“ ნახევარმცველ რონალდინიოს ბრაზილიის ერვნულ ნაკრებში დაბრუნების შანსი აღარ აქვს. ცნობილი კომენტატორის თქმით, საკლუბო მსოფლიოს ჩემპიონატის ფინალურ მატჩში ვერგასვლით რონალდინიომ 2014 წლის მუნდიალზე თამაშის იმედი დაკარგა.
„მიუხედავად იმისა, რომ ლუიშ ფელიპე სკოლარი ჯერ კიდევ მოედნის ცენტრში მოთამაშე ფეხბურთელების ძიებაშია, რონალდინიოს ბრაზილიის ნაკრებში კვლავ თამაშის იმედი აღარ აქვს. მას „სელესაოს“ რიგებში დაბრუნების შესანიშნავი შანსი ჰქონდა, ამისთვის კი საკლუბო მსოფლიოს ჩემპიონატის თასი უნდა მოეგო ან ფინალურ მატჩში მიუნხენის „ბაიერნის“ წინააღმდეგ კარგი თამაში ეჩვენებინა, თუმცა არც ერთი მოხდა და არც მეორე“, – განაცხადა ლოფრედუმ სატელევიზიო ეთერში.
ბექა დოგრაშვილი
ბრაზილიის ნაკრებისა და „ლიონის“ ყოფილი ნახევარმცველი ჟუნინიო პერნამბუკანო თვლის, რომ რონალდინიოს კვლავ შეუძლია უმაღლეს დონეზე თამაში და მისი ევროპაში დაბრუნება ურიგო არ იქნებოდა.
„ვფიქრობ, რონალდინიო უკეთეს ფორმაშია, ვიდრე ის ბექჰემი იყო, რომელიც „პარი სენ-ჟერმენმა“ დაიმატა.
რონალდინიოს მიერ ნაჩვენები თამაშები ვნახე ბრაზილიის ლიგისა და კოპა ლიბერტადორესის ტურნირებზე. კვლავ შეგიძლიათ, იხილოთ ნამდვილი რონალდინიო, თუმცა ეჭვი მეპარება, „პარი სენ-ჟერმენმა“ ის დაიბრუნოს, რადგან გუნდი სრულად დაკომპლექტებულია და ჩემპიონთა ლიგის მოსაგებად იბრძვის“, – აცხადებს ჟუნინიო.
33 წლის რონალდინიო ბრაზილიის ნაკრების განაცხადში აპრილის თვის შემდეგ აღარ შეუყვანიათ.
„ის „ბარსელონას“ დონეს ვეღარ მიაღწევს, თუმცა რონალდინიოს კვლავ ძალუძს ბევრი რამის გაკეთება. მას ამ ასაკშიც შეუძლია, რომ მრავალი რამ შემოგვთავაზოს. ის იტანს გოლებს და ატანინებს სხვებსაც. მის მსგავსად ვერავინ აკეთებს. რონალდინიო შესანიშნავი პიროვნებაა, ის კვლავ ბრწყინავს“, – ჟუნინიოს სიტყვები Goal.com-მა გამოაქვეყნა.
ბექა დოგრაშვილი
