ჭდე: სამპდორია

იტალიის ნაკრების ყოფილი მწვრთნელი ვალტერ ძენგა დღეს “სამპდორიას” მთავარი მწვრთნელის პოსტზე წარადგინეს. ძენგა, რომელიც “სამპას” ღირსებას 1994-1996 წლებში იცავდა, კლუბს მინიმუმ ერთი წლის განმავლობაში უთავკაცებს. ამ პოსტზე 55 წლის ძენგამ სინიშა მიჰაილოვიჩი შეცვალა.

“სახლში დავბრუნდი. ერთწლიანი კონტრაქტის სიტუაციის გართულების თავიდან აცილების მიზნით გავაფორმე. სამქე თუ კარგად წავიდა, ხელშეკრულებას აუცილებლად გავახანგრძივებთ” – განაცხადა “სამპდორიას” ახალმა მწვრთნელმა.

სინიშა მიხაილოვიჩმა „სამპდორიას“ მთავარი მწვრთნელის პოსტი დატოვა, რის შესახებაც სერბმა თავად განაცხადა.

„პატივცემულო „სამპდორიას“ გულშემატკივრები! ჩემთვის მეტად რთული მომენტი დადგა – უნდა დაგემშვიდობოთ. ამას „სამპდორიას“ მთავარი მწვრთნელის სტატუსით ვამბობ. ჩემთვის ეს თავგადასავალი დასასრულს მიუახლოვდა.

დარჩენა შემეძლო, რადგან აქ როგორც ხელმძღვანელები, ასევე გულშემატკვირები დიდ პატივს მცემენ. ამის მიუხედავად, საკუთარი თავისა და ამბიციების მიმართ ეს არასწორი იქნებოდა.

მიზანი დავისახე, რომელსაც მივაღწიე. ახლა ახალ გამოწვევას ველი“, – ნათქვამია გენუური კლუბის ოფიციალურ საიტზე გამოქვეყნებულ განცხადებაში.

იტალიური პრესის ცნობით, მიხაილოვიჩი უახლოეს დროში „ნაპოლის“ თავკაცი გახდება.