ჭდე: სანჩესი

მოურინიო: “სანჩესი აქ მოვიდა, რათა ჩემპიონთა ლიგაზე ითამაშოს”

Posted on by კახა ყიფიანი

ლონდონის “არსენალის” უკვე ყოფილი ფეხბურთელი, ალექსის სანჩესი “მანჩესტერ იუნაიტედში” გასულ სატრანსფერო ფანჯარაზე გადავიდა. მის შესახებ “წითელი ეშმაკების” დამრიგებელმა, ჟოზე მოურინომ ისაუბრა.

“ჩვენ ახალი მოთამაშე გვყავს ალექსის სანჩესის სახით. შეგვეძლო, მოგვეცადა ზაფხულამდე და მერე გადმოსულიყო ის აქ. თუმცა, ჩილელის შეძენა ახლა ვარჩიეთ. ვიგრძენით, რომ გვჭრდებოდა. “მანჩესტერ იუნაიტედი” ჩემპიონთა ლიგაზე წარმატებული გუნდია. სწორედ ამიტომ, ალექსისი დიდ დახმარებას გაგვიწევს, რათა ამ ტურნირზე წარმატებას მივაღწიოთ.”

“როგორც მწვრთნელისთვის, რთული იყო, შარშან ჩემი ფეხბურთელებისთვის ევროპის ლიგაზე მოტივირება გამეკეთებინა. თუმცა, რადგანაც ის მოვიგეთ, ახლა ჩემპიონთა ლიაგზე გამოვდივართ. ჩვენ გვინდა, დიდი გუნდების წინააღმდეგ ვითამაშოთ. სწორედ ეს სურს სანჩესსაც!” – ამბობს პორტუგალიელი.

პრემიერ ლიგის 26-ე ტურის სიმბოლური გუნდი

Posted on by კახა ყიფიანი

დღეს ლონდონის “ჩელსისა” და “უოტფორდის” შეხვედრით სრულდება პრემიერ ლიგის 26-ე ტური.

Goal.Com-ი აღნიშნული ტურის სიმბოლურ გუნდს გვთავაზობს.

უეინ ჰენესი (“კრისტალ პალასი”), ანტონიო ვალენსია (“მანჩესტერ იუნაიტედი”), ლორან კოსჩელნი (“არსენალი”), მარკოს როხო (“მანჩესტერ იუნაიტედი”), დანილო (“მანჩესტერ სიტი”), მარიო ლემინა (“საუთჰემპტონი”), აარონ რემზი (“არსენალი”), მუჰამედ სალაჰი (“ლივერპული”), ჰენრიხ მხითარიანი (“არსენალი”), ალექსის სანჩესი (“მანჩესტერ იუნაიტედი”), პიერ ემერიკ-ობამეიანგი (“არსენალი”).

ვენგერი: “არსენალი” იოზილს და სანჩესს იანვარში არ გაყიდის”

Posted on by კახა ყიფიანი

ლონდონის “არსენალის” მთავარმა მწვრთნელმა, არსენ ვენგერმა თავისი გუნდის ლიდერების იანვარში გაყიდვა გამორიცხა.

“რა თქმა უნდა, იოზილისა და სანჩესის წასვლას გამოვრიცხავ. ამაზე ყოველ დღე არ ვფიქრობ. იმ დროის მანძილზე, რაც ისინი ჩვენთან არიან, ძალიან ბევრი რამ გააკეთეს გუნდისთვის. ჩემი ხედვით, ეს დუეტი სეზონის ბოლომდე დარჩება ჩვენთან. თუ რამე წარმოუდგენელი არ მოხდა, ეს მართლაც ასე იქნება. ხოლო, სეზონის ბოლოს ისინი თვითონ მიიღებენ გადაწყვეტილებას. მხოლოდ ჩემზე, ამ მხრივ, ბევრი რამ ნამდვილად არაა დამოკიდებული.”

“უილშირი? ყველამ და პირველ რიგში მან იცის ყველაზე კარგად, რომ მის სურვილს ბოლომდე ვითვალისწინებდი. ჩემი პრიორიტეტი იმის გაკეთება იყო, რაც მისთვის იქნებოდა საუკეთესო. თუ ჩავთვლი, რომ მას აქ დარჩენა სურს, ამისთვის 100 პროცენტით დავიხარჯები,” – ამბობს ვენგერი.

ვენგერი: “იანვარში შესაძლოა, სანჩესი და იოზილი გავყიდოთ”

Posted on by კახა ყიფიანი

ლონდონის “არსენალი” პრემიერ ლიგაში ამ სეზონშიც ვერ ამართლებს იმ მოლოდინს, რაც გულშემატკივრებს აქვთ. ეს, რა თქმა უნდა, გავლენას ახდენს ალექსის სანჩესისა და მესუთ იოზილის გადაწყვეტილებაზე, დარჩნენ თუ არა კლუბში. მათ კონტრაქტი 2018 წლის ზაფხულში ეწურებათ.

“მეთოფეთა” მთავარმა მწვრნელმა, არსენ ვენგერმა ჟურნალისტებთან ორი ლიდერის წასვლა-დარჩენის თემაზე ისაუბრა.

“ყველა შესაძლებელ ხერხს მოვსინჯავთ, რომ იოზილი და სანჩესი ჩვენთან დარჩნენ. როგორც დავასკვენი, ამ ეტაპზე მესუთს აქ თამაში სურს. თუმცა, არც ეს საქმეა მარტივად. იმედი მაქვს, ყველაფერი საპირისპიროდ შემობრუნდება და ფეხბურთელებს შევინარჩუნებთ. ჯერ რამის ზუსტად თქმა ძალიან რთულია. ნამდვილად არაა გამორიცხული, იანვარში ორივე ფეხბურთელი გავყიდოთ. ყველაფერს დრო გვიჩვენებს,” – აცხადებს ფრანგი.

ვენგერი სანჩესის კლუბში დარჩენაზე: “სუპეროპტიმისტი არ ვარ!”

Posted on by კახა ყიფიანი

ალექსის სანჩესი ლონდონის “არსენალის” უდავო ლიდერია. ჩილელი უმაღლესი დონის ფეხბურთელია და გასაკვირი არაა, რომ მას ბევრი ტიტულის მოგება სურს. ამას “მეთოფეებთან” ერთად ვერ ახერხებს. სანჩესს ლონდონურ კლუბთან ერთწლიანი კონტრატქიღა აკავშირებს, შემდეგ კი არავინ იცის, რა მოხდება.

გუნდის მთავარმა მწვრთნელმა, არსენ ვენგერმა ალექსისის მიერ “არსენალის” შესაძლო დატოვებაზე ისაუბრა.

“ახლო მომავლის მანძილზე ის ჩვენი გუნდის ფეხბურთელად დარჩება. გავახანგძრლივებთ თუ არა მასთან კონტრაქტს? შესაძლოა, მომავალ ზაფხულში ეს მოვახერხოთ, ან – ვერა. ფაქტია, რომ ამ  მომენტში ეს შეუძლებელია. ვერ ვიქნები სუპეროპტიმისტი და ზუსტად არ შემიძლია თქმა, რომ სანჩესი ჩვენთან ამ სეზონის დასრულების შემდეგაც დარჩება. მთავარი მიზანია, ის არცერთ ფასად არ გავყიდოთ,” – განაცხადა ფრანგმა სპეციალისტმა.

სანჩესი ვარჯიშს დაუბრუნდა

Posted on by კახა ყიფიანი

ალექსის სანჩესი “არსენალს” შეუერთდა. ფეხბურთელი დღეს ჩაფრინდა ლონდონში და ამის შესახებ საზოაგდოებას სოციალური ქსელის საშუალებით ამცნო. მან დღესვე ივარჯიშა.

საგულისხმოა, რომ ჩილელი გასულ სეოზნში უკმაყოფილი იყო გუნდში არსებული მდგომარეობით და აღარ სურდა “მეთოფეობა”. სანჩესმა ის კონტრაქტი არ გაახანგრძლივა, რომლის ვადაც 2018 წლის ზაფხულში იწურება. ამით “მანჩესტერ სიტიმ” და “პსჟ”-მ ისარგებლეს და 28 წლის მოთამაშეს საოცნებო პირობები შესთავაზეს. თუმცა, როგორც ირკვევა სანჩესი არსად წასვლას არ აპირებს და ლონდონელთა რიგებში ბედს კიდევ ერთხელ სცდის.

შეგახსენებთ, რომ ჩილელი მოთამაშე “არსენალს” 2014 წლის ზაფხულზე “ბარსელონადან” შეუერთდა.

 

ვენგერი: “იდეალურია, როცა ფეხბურთელებს კონტრაქტის ბოლო წელსაც ინარჩუნებ”

Posted on by კახა ყიფიანი

ლონდონის “არსენალმა”, თუ კონკრეტულ შვიდ ფეხბურთელს არ გაყიდის, შესაძლოა, დაკარგოს ის 100 მილიონი ფუნტი (დაახლოებოთ), რომელსაც ის ტრანსფერებით გამოიმუშავებდა. საქმე იმაშია, რომ იოზილს, სანჩესს, კასორლას, უილშირს, ჩემბერლენს, გიბსს და დებუშის კონტრაქტები მომავალ ზაფხულში ეწურებათ. თუ ისინი არ გაიყიდებიან ან ახალ ხელშეკრულებას არ დადებენ, შეეძლებათ, ამ სეზონის დასრულების შემდეგ თავისუფალი აგენტის სტატუსი მიიღონ და წავიდნენ გუნდიდან.

არსენ ვენგერმა ზემოთ აღნიშნულ თემაზე ისაუბრა.

“იდეალურია, როცა ფეხბურთელებს კონტრაქტის ბოლო წელსაც ინარჩუნებ. რატომ? იმიტომ, რომ ისინი ვალდებულნი არიან, ხელშეკრულებით გათვალისწინებული მთლიანი პერიოდის მანძილზე გუნდისთვის ბოლომდე დაიხარჯონ. ზოგი ამბობს, რომ სწორედ უკანასკნელ სეზონში სპორტსმენები სათანადოდ არ ირჯებიან. არ მესმის, ჩემი კლუბის წევრებთან დაკავშირებით ასეთი რამეები საიდან მოაქვთ. თუნდაც მათ არ გააფორმონ ახალი კონტრაქტი, მაინც დადებითად მიმაჩნია გუნდში მოთამაშეების წინასწარ განსაზღვრული დროის ბოლომდე დარჩენა,” – აცხადებს ვენგერი.

“ბაიერნი” ზაფხულში 100 მილიონი ევროს დახარჯვას გეგმავს

Posted on by იაკობ კაპანაძე

საკმაოდ ავტორიტეტული გერმანული გამოცემა Welt ირწმუნება, რომ მიუნხენის “ბაიერნის” ხელმძღვანელები ზაფხულის სატრანსფერო ფანჯარაზე აქტიურობას გეგმავენ.

როგორც იცით, მიმდინარე სეზონის დასასრულს, კარიერას მიუნხენის “ბაიერნის” ორი ფეხბურთელი, ფილიპ ლამი და ჩაბი ალონსო ასრულებენ, მათი შემცვლელების პოვნა კი კლუბისთვის სასიცოცხლოდ მნიშვნელოვანია.

წყაროს ცნობით, ხელმძღვანელებმა ხუთკაციანი სია შეადგინეს, რომელთა ტრანსფერებიც დაახლოებით 100 მილიონი ევრო უნდა დაჯდეს.

სიაში შემდეგი ფეხბურთელები მოხვდნენ: ალექსის სანჩესი (“არსენალი”), ლეონ გორეცკა (“შალკე”), სერჯი გნაბრი (“ვერდერი”), იულიან ბრანდტი (“ლევერკუზენი”) და მარკო ვერატი (“პსჟ”).

ალექსის სანჩესი: “მინდა, ლონდონში დავრჩე და ვითამაშო იმ კლუბში, რომელსაც გამარჯვებული მენტალიტეტი აქვს”

Posted on by კახა ყიფიანი

ალექსის სანჩესი რომ ლონდონის “არსენალში” არსებული სიტუაციით უკმაყოფილოა, ეს ყველამ კარგად იცის. მის სახელს რამდენიმე გრანდს უკავშირებენ, თუმცა ზუსტად არაფერია გადაწყვეტილი.

ჩილელმა მის მომავალაზე ისაუბრა.

“მინდა, ლონდონში დავრჩე და ვითამაშო იმ კლუბში, რომელსაც მოგებულის მენტალიტეტი აქვს.”

“ბედნიერი ვარ ამ ქალაქში. იმედია, “არსენალში” კონტრაქტით გათვალისწინებული ვადის ბოლომდე დავრჩები. მინდა, ამ კლუბთან ერთად დიდი ტიტულებისთვის ვიბრძოლო.”

“28 წლის ვარ. დიდი გამოციდლება მივიღე და წინ ბევრი კარგი რამ მელის,” – განაცხადა ალექსისმა.

კარიკატურა: სად გარბის სანჩესი? (ფოტო)

Posted on by კახა ყიფიანი

14 თებერვალს ჩემპიონთა ლიგის მერვედფინალში მიუნხენის “ბაიერნმა” ლონდონის “არსენალი” ანგარიშით, 5-1 გაანადგურა.

გავრცელებული ინფორმაციის თანახმად, “მეთოფეთა” ლიდერმა, ალექსის სანჩესმა, გაბრაზებულმა დატოვა გუნდის გასახდელი და გერმანიიდან პირდაპირ იტალიაში გაემართა. პრესამ ეს ამბავი მაშინვე დაუკავშირა “არსენალიდან” ჩილელის წასვლას.

ომარ მომანიმ ამასთან დაკავშირებით კარიკატურა შემოგვთავაზა

 

ადებაიორი: “არსენალი” ამ ფეხბურთელების გარეშე არაფერია”

Posted on by კახა ყიფიანი

ლონდონის “არსენალის” ლიდერებს, მესუთ ოზილსა და ალექსის სანჩესს კლუბთან კონტრაქტები 2018 წლის ზაფხულზე ეწურებათ. გერმანელი და ჩილელი ახალი ხელშეკრულებების დადებას არ ჩქარობენ.

ლონდონური კლუბის ყოფილმა (2005-2009) თავდამსხმელმა, ემანუელ ადებაიორმა ჟურნალისტებთან ნახსენები ორი მოთამაშის მნიშვნელობაზე ისაუბრა.

“არსენალს” შესანიშნავი ფეხბურთელები ჰყავს, თუმცა, თუ სანჩესი ტრავმას მიიღებს, არ ვიცი, რომელი სპორტსმენით შეძლებენ მის შეცვლას.”

“როცა “ჩელსიში” აზარმა ტრავმა მიიღო, იგი ვილიანმა ჩაანაცვლა. როცა ვილიანსაც დაზიანება ჰქონდა, მოზესი დადგა მის ადგილზე. “არსენალის” მთავარი პრობლემა კი ისაა, რომ ისინი მთლიანად სანჩესსა და ოზილზე არიან დამოკიდებულნი,” – აცხადებს ტოგოელი.

დღის მთავარი სატრანსფერო ამბები (11 იანვარი)

Posted on by იაკობ კაპანაძე

“ჩელსი” “ლევერკუზენს” დაუკავშირდა

ლონდონის “ჩელსის” ხელმძღვანელებმა “ბაიერ ლევერკუზენს” თურქი ნახევარმცველის, ჰაკან ჩალხანოღლუს ტრანსფერის თაობაზე მიმართეს, რომელსაც “არისტოკრატთა” თავკაცი, ანტონიო კონტე ოსკარის შემცვლელად მოისაზრებს. (Turkish-football.com)

“ატლეტიკომ” ალექსის სანჩესს დაუმიზნა

მადრიდის “ატლეტიკოს” ხელმძღვანელები მზად არიან ფრანგული “პარის სენ-ჟერმენის” სამიზნისათვის, ალექსის სანჩესისათვის იბრძოლონ. აღნიშნულ ინფორმაციას ჩილური გამოცემები ავრცელებენ. (El Grafico)

ჩიჩარიტო “ლევერკუზენის” დატოვებას არ აპირებს

“ბაიერ ლევერკუზენის” მექსიკელმა ფორვარდმა, ხავიერ ერნანდესმა ყველასათვის ნათელი გახადა, რომ ის ზამთარში გერმანული კლუბის დატოვებას არ აპირებს. “ეს ყველაფერი უბრალო სპეკულაციაა. არც მე და არც ჩემს აგენტს არ უსაუბრია სხვა კლუბის წარმომადგენლობასთან. აქ თავს ბედნიერად ვგრძნობ და ჩემი ერთადერთი სურვილი ამ კლუბში დარჩენაა.” (Kicker)

1

“ბორნმუთს” იჯარით ჯონ ტერის აყვანა სურს

ბრიტანული გამოცემა “დეილი მეილი” იუწყება, რომ “ბორნმუთის” ხელმძღვანელობამ ლონდონის “ჩელსის” სეზონის ბოლომდე ჯონ ტერის იჯარის წესით აყვანის წინადადებით მიმართა. მას შემდეგ, რაც “ლურჯებმა” “ბორნმუთში” განათხოვრებული ნათან აკე დათქმულზე ადრე უკან დაიბრუნეს, ედი ჰაუს გუნდს დაცვის ხაზში პრობლემები გაუჩნდა. (Daily Mail)

ოფიციალურად: “ბენფიკამ” ტაარაბტი “ჯენოაში” გაანათხოვრა

სულ ცოტა ხნის წინ ოფციალურად დადასტურდ, რომ პორტუგალიური “ბენფიკას” ფეხბურთელი, ადელ ტაარაბტი იჯარით გადავიდა იტალიურ “ჯენოაში”. 27 წლის ფეხბურთელი სეზონის ბოლომდე დარჩება “ჯენოაში”.

“ტოტენჰემს” ნიკო გაიტანი სურს

ლონდონის “ტოტენჰემის” მთავარმა მწვრთნელმა, მაურისიო პოჩეტინომ გუნდის გაძლიერება გადაწყვიტა. ბრიტანული პრესის ცნობით, “მამლებმა” უკვე მიმართეს “ატლეტიკოს” ნიკო გაიტანის ტრანსფერის თაობაზე, თუმცა მადრიდელები ჯერ უარზე არიან. (London Evening Standard)