ჭდე: საუთჰემპტონი

ინგლისის პრემიერ ლიგის მოქმედი ჩემპიონის, “ლესტერ სიტის” თავკაცი თვლის, რომ დღევანდელ მატჩში, რომელიც ფრედ, 0-0 დამთავრდა, გამარჯვებას “საუთჰემპტონი” იმსახურებდა.

“ვთვლი, რომ “საუთჰემპტონი” ამ მატჩში გამარჯვებას იმსახურებდა. მათ უფრო მეტი შანსიც შექმნეს და თამაშსაც აკონტროლებდნენ. სამუშაოს უნდა დავუბრუნდეთ.

კმაყოფილი ვარ, ამ მატჩიდან ქულა რომ ავიღეთ, რამეთუ მეტოქეს 3 ქულის მოპოვების ბევრი შანსი მივეცით. საბედნიეროდ, კასპერ შმეიხელმა დიდებული სეივების განხორციელება შეძლო.

თუმცა, ესეც ახალი გამოცდილებაა. ჩემპიონთა ლიგას ვეჩვევით. “საუთჰემპტონმა” დღეს 7 ცვლილება განახორციელა. ალბათ ამიტომაც დაგვჯაბნეს.”

კლაუდიო რანიერის ბიჭებმა დღეს შინ “წმინდანები” მიიღეს. “კინგ პაუერ” სტადიონზე საკმაოდ დაძაბული ბრძოლა გაიმართა. ჩემპიონობაზე მეოცნებე “ლესტერი” პრაგმატულად სცდილობდა თამაშს, კუმანის გუნდს კი 3 ქულა ჰაერივით ესაჭიროებოდა.

მატჩში ერთადერთი გოლი “ლესტერ სიტის” კაპიტანმა, ვეს მორგანმა გაიტანა 38-ე წუთზე – ფუქსის მარცხენა ფლანგიდან ჩაწოდებულს მეტოქის საჯარიმოში მყოფი მორგანი, დახვდა, რომელმაც ფორსტერს შანსი არ დაუტოვა.

“ლესტერი”: შმეიხელი, სიმპსონი, მორგანი, ჰუტი, ფუქსი, მარეზი (გრეი 79′), დრინკვოტერი, კანტე, ოლბრაიტონი (დაიერი 90′), ვარდი, ოკაზაკი (ულოა 64′).

“საუთჰემპტონი”: ფორსტერი, სოარეში, ვან დეიკი, ფონტე, ბერტრანი, კლასი (ოსტინი 73′), ვანიამა, დევისი (უორდ-პრაუსი 73′), მანე, ტარგეტი (ტადიჩი 46), პელე.