ჭდე: სერია A

სერიას მთავარი ინტრიგა მილანური კლუბების საევროთასო პოზიციისთვის ბრძოლაა. მოახლოებული ტურის ცენტრალური მატჩები რომსა და ნეაპოლში შედგება. 

 

რომა – მილანი

იტალიის ჩემპიონატის 35-ე ტური დღეს რომში აიღებს სტარტს, სადაც ტურის ცენტრალურ შეხვედრაში ერთმანეთს “რომა” და “მილანი” დაუპირისპირდებიან.

რომალებს მეორე ადგილი ფაქტობრივად განაღდებული აქვთ. რჩება ჩემპიონობის თეორიული შანსიც, თუმცა ეს ნაკლებად რეალურია.

“მილანს” კი ქულები ჰაერივით ესაჭიროება. ზეედორფის გუნდი ბოლო დროს შესანიშნავად ასპარეზობს და გამარჯვებების სერიის გაგრძელებას რომში შეეცდება.

 

ინტერი – ნაპოლი

მილანში “ინტერი” მესამე პოზიციაზე გამაგრებულ “ნაპოლის” მიიღებს. მაცარის გუნდს რთული კონკურენ “მილანზე” არანაკლებ რთული შეხვედრა ელის, თუმცა “ინტერი” სახლში თამაშობს, რაც მას გარკვეულ უპირატესობას ანიჭებს. გასათვალისწინებელია ის ფაქტიც, რომ მილანელები შეხვედრას კარგ ფორმაში ხვდებიან. ბოლო ორ შეხვედრაში მოპოვებული ექვსი ქულა მაცარის შეგირდებისთვის და თავად სპეცილიასტისთვისაც ძალიან მნიშნველოვანი იყო.

 

სასუოლო – იუვნეტუსი

ტურის კიდევ ერთი საინტერესო მატჩი რეჯიო ემილიაში გაიმართება, სადაც აუტსაიდერ “სასუოლოს” ტურინის “იუვენტუსი” ესტუმრება.

მასპინძლებს ამ შეხვედრაში ქულები ჰაერივით ესაჭიროებათ, რადგან “სასუოლო” გავარნის ერთ-ერთი კანდიდატია. დი ფრანცესკოს გუნდის შანსებს ის ფაქტი ზრდის, რომ “იუვემ” ევროპის ლიგაზე საკმაოდ მძიმე მატჩი გადაიტანა და დიდი ალბათობით განმეორებითი შეხვედრის წინ ლიდერებს დასვენების საშუალებასაც მისცემს.

 

25/04/14

რომა – მილანი

26/04/14

ბოლონია – ფიორენტინა

ინტერი – ნაპოლი

27/04/14

ვერონა – კატანია

სამპდორია – კიევო

ლივორნო – ლაციო

კალიარი – პარმა

ტორინო – უდინეზე

ატალანტა – ჯენოა

28/04/14

სასუოლო – იუვენტუსი

“რომას” დაბრუნება ჩემპიონთა ლიგაში და მილანური კლუბების გამარჯვებები სერიას 34-ე ტურის მიმოხილვაში. 

 

ფიორენტინა – რომა

“ნაპოლის” ფრის ფონზე რომაელთა მოგებმა გარსიას გუნდს მეორე ადგილი და ჩემპიონთა ლიგაში პირდაპირი საგზური გაუნაღდა. ასე რომ, ცხრილის ზედა ნაწილში ფაქტობრივად არანაირი ინტრიგა აღარ რჩება.

:”მოედანზე გასვლის წინ ვიცოდით, რომ “იუვენტუსმა” საკუთარი თამაში მოიგო და უკან დასახევი გზა აღარ გვქონდა. მინიმუმ მეორე ადგილი გავინაღდეთ, რაც ძალიან გვახარებს, თუმცა სეზონის დასრულებული ჯერ არ არის. სანამ ჩემპიონობის მათემატიკური შანსი მაინც გვექნება, ბოლომდე ვიბრძოლებთ” – განაცხადა რუდი გარსიამ.

ასეთი დამოკიდებულება პატივისცემას იმსახურებს, თუმცა რეალურად რომ ვთქვათ “რომას” შანსი ძალიან მცირეა. “იუვენტუსი” უპირატესობას ხელიდან არ გაუშვებს.

 

მილანი – ლივორნო

კლარენს ზეედორფის გუნდმა ზედიზედ მეხუთე მატჩი მოიგო და მეექვსე პოზიციამდე აღზევდა. თუმცა, სანუკვარ მეხუთე ადგილამდე, რომელზეც “ინტერია” გამაგრებული კვლავ ხუთი ქულა რჩება.

გასულ ტურში “მილანმა” აუტსაიდერ “ლივორნოს” უმასპინძლა და დიდი ანგარიშით, 3:0 დაამარცხა. აღნიშნულ შეხვედრას “ლივორნოს” მთავარი მწვრთნელი, დომენიკო დი კარლოს პოსტი შეეწირა.

“მილანის” გამაჯრვებაში დიდი წვლილი გოლების ავტორებმა: ბალოტელიმ, ტაარაბტმა და პაზინიმ შეიტანეს.

 

პარმა – ინტერი

ევროპული საგზურის კიდევ ორი მაძებლის უშუალო შეხვედრა ტურის ერთ-ერთი საინტერესო დაპირისპირება იყო.

პარმელებმა სეზონში შესანიშნავი მონაკვეთი კი ჩაატარეს, მაგრამ გადამწყვეტ მომენტში ჩავარდნა დაეწყოთ, რაც უშუალო კონკურენტთან მარცხით “დაგვირგვინდა”.

თამაშის ბედი მეორე ნახევარში გადაწყდა. “ინტერმა” გოლები ტაიმის დასაწყისში და ბოლოს გაიტანა. როლანდომ და გუარინმა მილანურ კლუბს უმნიშნველოვანესი გამარჯვება მოუპოვეს.

 

19/04/14

ჯენოა 1-2 კალიარი

გოლები: დე მაიო 3′ (1:0); საუ 37′ (1:1); იბარბო 82′ (1:2)

ატალანტა 1-2 ვერონა

გოლები: დონატი 53′ (0:1); ტონი 72′ (0:2); დენისი 87′ (1:2)

პარმა 0-2 ინტერი

გოლები: როლანდო 48′ ; გუარინი 89′ 

მილანი 3-0 ლივორნო

გოლები: ბალოტელი 43′ ; ტაარაბტი 51′ ; პაცინი 83′ 

უდინეზე 1-1 ნაპოლი

გოლები: კალიეხონი 39′ (0:1); ბრუნო ფერნანდესი 54′ (1:1)

კატანია 2-1 სამპდორია

გოლები: ლეტო 45′ (1:0); ოკაკა 61′ (1:1); ბერგესიო 63′ (2:1)

კიევო 0-1 სასუოლო

გოლი: ბერარდი 40′ 

ლაციო 3-3 ტორინო

გოლები: მაური 42′ (1:0); კურტიჩი 52′ (1:1); კანდრევა 61′ (2:1); ტახტსიდისი 67′ (2:2); იმობილე 89′ (2:3); კანდრევა 90′ (3:3)

იუვენტუსი 1-0 ბოლონია

გოლი: პოგბა 64′ 

ფიორენტინა 0-1 რომა

გოლი: ნაინგოლანი 26′ 

ერთდღიანი იტალიური ტური დღეს შედგება და რამდენიმე საინტერესო მატჩსაც გვპირდება.

 

მილანი – ლივორნო

“მილანი” სან-სიროზე “ლივორნოს” უმასპინძლებს და მოგებათა სერიის 5 მატჩამდა გაზრდას შეეცდება, რაც “ლივორნოს” სათამაშო ფორმიდან გამომიდნარე საკმაოდ რეალურიც არის.

დი კარლოს შეგირდებს ხუთმატჩიანი მოუგებელი სერია აქვთ და ბუნებრიავია, რომ ასეთი მაჩვენებლით გუნდი გასვარდნი ზონიდან ვერ ამოდის.

გარდა ამისა, “მილანის” კონკურენტების უშუალო შეხვედრის ფონზე ზეედორფის გუნდის გამარჯვება ორმაგად მნიშვნელოვანი ხდება.

 

პარმა – ინტერი

მეხუთე საევროპო პოზიციისთვის მებრძოლი გუნდები ერთამანეთს პარმაში შეხვდებიან.

მაცარის გუნდი “პარმას” ორი ქულით უსწრებს. ასე რომ, ამ შეხვედრის მნიშნველობაზე ბევრი საუბარი არც ღირს.

აღნიშნული მატჩის შედეგით, უშუალო მონაწილეებზე არანკალებ არის დაინტერესებული “მილანი”, რომელიც ქულების დაკარგვას ორივე გუნდისგან ელის.

 

ფიორენტინა – რომა

ტურის პროგრამას ფლორენციაში გასამართი მატჩი დაასრულებს. შეიძლება ითქვას, რომ “ფიორენტინასაც” და “რომასაც” დაკავებული მეოთხე და მეორე პოზიციები განაღდებული აქვთ და ფლორენციაში უბრალოდ მაღალი დონის ფეხბურთს ვიხილავთ.

თანაც, პირველ წრეში განცდილი მარცხის გამო ფლორენციელებს რევანში სწყურიათ და ამის გაკეთებას საკუთარი გულშემატკივრის თვალწინ შეეცდებიან.

 

19/04/14

ჯენოა – კალიარი

ატალანტა – ვერონა

პარმა – ინტერი

მილანი – ლივორნო

უდინეზე – ნაპოლი

კატანია – სამპდორია

კიევო – სასუოლო

ლაციო – ტორინო

იუვენტუსი – ბოლონია

ფიორენტინა – რომა

“მილანის” ევროპული შანსი, “ინტერის” გამარჯვება და უხვგოლიანი მატჩი ნეაპოლში სერიას მორიგი ტურის მიმოხილვაში. 

 

დაუმარცხებელი მილანი

კლარენს ზეედორფის გუნდს პროგრესი აშკარად ეტყობა. ფეხბურთის ხარისხი რა თქმა უნდა უკეთსის სურვისლ ტოვებს, მაგრამ “მილანისთვის” ახლა მთავარი შედეგია, რომელიც ბოლო დროს ზეედორფს აქვს. უკანასკნელი ხუთი მატჩიდან “მილანმა” ოთხის მოგება მოახერხა და ერთიც ფრედ დაასრულა. შედეგად “როსონერი” მერვე პოზიციაზე აღზევდა. ჩემპინატის დასრულებამდე 5 ტურით ადრე “ინტერთან” ჩამორჩენა 5 ქულას შეადენს.

გასულ ტურში “მილანმა” გათამშების გამოკვეთილ აუტსაიდერს, “კატანიას” უმასპინძლა და რიკარდო მონტოლივოს 23-ე წუთზე გატანილი ულამაზესი გოლით მოახერხა სამი ქულის მოპოვება.

 

დიდი ხნის ნანატრი გამარჯვება

თითქმის ერთი თვე მოგებული მატჩის გარეშე. “ინტერი” “სამპდორიასთან” სათამაშოდ ოთხმატჩიანი მოუგებელი სერიით ჩავიდა და გენოაში უმნიშვნელოვანესი სამი ქულის მოპოვება მაოხერხა. კიდევ ერთი წარუამტებელი შეხვედრა მაცარის გუნდისთვის მეხუთე პოზიციის დაკარგვას ნიშნავდა, რაც “ინტერის” ევროშანსებს დიდი კითხვის ნიშნის ქვეშ დააყენებდა.

თუმცა, მილანური კლუბი სამქეს პასუხისმგებლობით მოეკიდა და მასპინძელთა კარში ოთხი უპასუხო გოლის გატანა მოახერხა. ანგარიში იკარდიმ მე-13 წუთზე გახსნა. მე-20 წუთზე კი მატჩის ერთ-ერთი საკვანძო ეპიზოდი მოხდა. “სამპდორიელმა” ედერმა წითელი ბარათი მიიღო და “ინტერს” საქმე მნიშვნელოვნად გაუადვილა. მეორე ტაიმში სტუმრებმა კიდევ სამი გოლის გატანა მოახერხეს და ნანატრი გამარჯვებაც მოიპოვეს.

 

იგუაინის ბენეფისი ნეაპოლში

ნეაპოლში ტურის ერთ-ერთი ყველაზე საინტერესო დაპირისპირება შედგა. “ნაპოლის” სტუმრად რომაული “ლაციო” ეწვია და ორი ბურთის გატანაც მოახერხა, თუმცა საკუთარ კარში ორჯერ მეტი მიიღო.

შესანიშნავი მატჩი ჩაატარა გონსალო იგუაინმა. არგენტინელმა სტუმართა გუნდის კარში სამი გოლის გატანა მოახერხა. თუმცა, შეხვედრაში ანგარიში “ლაციომ” გახსნა. 21-ე წუთზე რომაელები ლულიჩმა დააწინაურა. ტაიმის ბოლოს მერტენსმა აღადგინა წონასწორობა. შემდეგ კი, იგუაინის ჯერიც დადგდა. კიდევ ერთი რომაული გოლის ავტორი ონასი გახდა.

 

12/04/14

სასუოლო 1-1 კალიარი

გოლები: ზაზა 36′ (1:0); იბრაიმი 47′ (1:1)

რომა 3-1 ატალანტა

გოლები: ტადეი 13′ (1:0); ლიაიჩი 44′ (2:0); ჟერვინიო 63′ (3:0); მიგლიაჩიო 78′ (3:1)

13/04/14

ბოლონია 1-1 პარმა

გოლები: ჩერუბინი 44′ (1:0); პალადინო 79′ (1:1)

ლივორნო 2-4 კიევო

გოლები: სილიგარდი 6′ (1:0); პალოსკი 9′ (1:1); თერეუ 23′ (1:2) პაულინიო 34′ (2:2); პალოსკი 45′ (2:3); პალოსკი 56′ (2:4)

ვერონა 3-5 ფიორენტინა

გოლები: სალა 14′ (1:0); კუარდადო 31′ (1:1); აკვილანი 44′ (1:2); ბორხა ვალერო 63′ (1:3); ტონი 73′ (2:3); მატრი 83′ (2:4); აკვილანი 86′ (2:5); იტურბე 90′ (3:5)

ტორინო 2-1 ჯენოა

გოლები: ჯილარდინო 85′ (0:1); იმობილე 90′ (1:1); კერჩი 90′ (2:1)

სამპდორია 0-4 ინტერი

გოლები: იკარდი 13′ ; სამუელი 60′ ; იკარდი 63′ პალასიო 79′ 

ნაპოლი 4-2 ლაციო

გოლები: ლულიჩი 21′ (0:1); მერტენსი 42′ (1:1); იგუაინი 49′ ; 67′  (3:1); ონასი 82′ (3:2); იგუაინი 90′ (4:2)

მილანი 1-0 კატანია

გოლი: მონტოლივო 23′ 

14/04/14

უდინეზე 0-2 იუვენტუსი

გოლები: ჯოვინკო 16′ ; ლიორენტე 26′ 

 

იტალიური ლიგის მთავარი ინტრიგა ევროთასებზე გამსვლელი გუნდების ვინაობის გარკვევაა. ტრადიციულად, გთავაზობთ მორიგი ტურის პრევიუს. 

 

სამპდორია – ინტერი

მეხუთე პოზიციაზე მყოფი “ინტერის” “სამპდორიაში” ჩავა. მილანელებს ოთხმატჩიანი მოუგებელი სერია აქვთ. თუმცა, ამ ოთხი შეხვედრიდან უკანასკნელი სამი მაცარის შეგირდებმა ფრედ დაასრულეს. მიუხედავად ასეთი წარუმატებელი ასპარეზობისა “ინტერი” მეხუთე პოზიციის შენარჩუნებას მაინც ახერხებს.

“სამპდორია” კი თამამად შეიძლება ითქვას, რომ მიმდინარე სეზონში არაფრისთვის აღარ იბრძვის. გენუელები მე-12 პოზიციაზე არიან და ევროზონას 9 ქულით ჩამორჩებიან, რაც ჩემპიონატის დასრულებამდე 6 ტურით ადრე სოლიდური უპირატესობაა.

 

მილანი – კატანია

ბოლო დროს კარგ ფორმაში მყოფი “მილანი” გათამაშების გამოკვეთილ აუტსაიდერს, “კატანიას” უმასპინძლებს. ზეედორფის შეგირდებს უკანასკნელ 4 ტურში 10 ქულა მოუგროვდათ, რაც წლევანდელი “მილანისთვის” შესანიშნავი შედეგია.

კარგ თამაშს უშედეგოდ არ ჩაუვლია და ევროთასებზე მოხვედრის შანსები მნიშვნელოვნად გაიზარდა, თუმცა ჯერ კიდევ მაინც თეორიულია. კონკურენცია საკმაოდ დიდია, მილანური კლუბი კი, ჯერ მხოლოდ მეთერთმეტე პოზიციაზე არის დამკვიდრებული.

 

ნაპოლი – ლაციო

ევროსაგზურის კიდევ ერთი მაძიებელი, რომის “ლაციო” ნეაპოლს ესტუმრება და მესამე ადგილზე დამკვიდრებულ “ნაპოლისთან” მოსინჯავს ძალებს.

გასულ ტურში “ნაპოლი” “პარმასთან” დამარცხდა და საკუთარი გულშემატკივრის წინ რეაბილიტირებას სწორედ “ლაციოსთან” შეეცდება.

თუმცა, ისიც აღსანიშნავია, რომ ქულები ამ დუელში გაცილებით მეტად რეიას შეგირდებს სჭირდებათ. “ნაპოლის” მესამე პოზიცია ფაქტობრივად გარანტირებული აქვს.

 

12/04/14

სასუოლო – კალიარი

რომა – ატალანტა

13/04/14

ბოლონია – პარმა

ლივორნო – კიევო

ვერონა – ფიორენტინა

ტორინო – ჯენოა

სამპდორია – ინტერი

ნაპოლი – ლაციო

მილანი – კატანია

14/04/14

უდინეზე – იუვენტუსი

 

“მილანის” მნიშვნელოვანი გამარჯვება, მილიტოს გაცუდებული პენალტი და 17 წლის მინალას დებიუტი “ლაციოში” იტალიის ჩემპიონატის მორიგ ტურში.

 

 ჯენოა – მილანი 

კლარენს ზეედორფის “მილანმა” ზედიზედ მესამე მატჩის მოგება შესძლო და ევროზონასთან ჩამორჩენა 5 ქულამდე შეამცირა. წარმატებული სერიის გაგრძელების შემთხვევაში მილანელებს ევროპაში მოხვედსი შანსი უჩნდებათ, რაც ჩავარდნილი სეზონის გადარჩენის ერთადერთი გზა არის.

“ჯენოასთან” მატჩი “მნილანი” ტაარაბტის და ჰონდას გოლებით დაწინაურდა. აღსანიშნავია, რომ იაპონელმა სერიაში პირველად მოახერხა შედეგიანი დარტყმის შესრულება. დარჩენილ დროში მასპინძლება აბიატის უშუალო დახმარებით ერთი ბურთის გაქვითვა მოახერხეს, თუმცა გამაჯრვებული “მილანი” დარჩა.

 

ინტერი – ბოლონია

შაბათს “ინტერმა” მორიგი ფრე ითამასა. “ბოლონიასთან” გამართული საშინაო შეხვედრა 2:2 დასრულდა. მატჩის შემდეგ ერიკ ტოჰირის უკმაყოფილო სახემ “ინტერის” გულშემატკივარი  ვალტერ მაცარის მილანურ მომავალზე დააფირა. თუმცა, ტოჰირმა განაცხადა, რომ მწვრთნელის გაშვებას ამ ეტაპზე არ აპირებს.

“ინტერს” მატჩის მიწურულს მოგების შესანიშნავი შანსი მიეცა. 84-ე წუთზე მილიტომ პენალტის გატანა ვერ მოახერხა. მატჩის ბოლოს კი, მოგება “ბოლონიას” შეეძლო. სტუმრების შესანიშნავი კონტრშეტევი შემდეგ “ინტერი” ჰანდანოვიჩმა ორჯერ იხსნა.

 

ლაციო – სამპდორია

რომში “ლაციო” სამპროდიას უმასპინძლა და 2-0 დაამარცხა. გოლები კანდრევამ და ლულიჩმა გაიტანეს. აღნიშნული გამარჯვებით რომაელებმა მეშვიდე პოზიციაზე აინაცვლეს და ახლა უკვე სანუკვარ მეხუთე პოზიციას სულ რაღაც 2 ქულით ჩამორჩებიან.

შეხვედრა კიდევ იმით იყო აღსანიშნავი, რომ სერია A-ში 17 (?) წლსი კამერუნელის, ჯოზეფ მინალას დებიუტი შედგა. შეგახსენებთ, მინალას ირგვლივს რამდენიმე თვის წინ დიდი სკანდალი აგორდა. უცნაურია, როდესაც 17 წლის ახალგაზრდა 40 წლის კაცს გავს. აფრიკელს რეიამ 15 წუთ გამოუყო, თუმცა მინალამ ვერაფერი ღირებული ვერ შექმნა.

 

05/04/14

კიევო 0-1 ვერონა

გოლი: ტონი 65′ 

ინტერი 2-2 ბოლონია

გოლები: იკარდი 6′ (1:0); კრისტალდო 35′ (1:1); იკარდი 63′ (2:1); კონე 73′ (2:2)

06/04/14

ლაციო 2-0 სამპდორია

გოლები: კანდრევა 42′ ; ლულიჩი 73′ 

კალიარი 1-3 რომა

გოლები: დესტრო 32′ ; 56′ ; 73′ (0:3); პინილა 89′ (1:3)

ატალანტა 0-2 სასუოლო

გოლები: სანსონე 33′ ; 71′ 

კატანია 1-2 ტორინო

გოლები: ბერგესიო 2′ (1:0); ფარნერუდი 79′ (1:1); იმობილე 83′ (1:2)

ფიორენტინა 2-1 უდინეზე

გოლები: კუარდადო 25′ (1:0); როდგირესი 72′ (2:0); პასუკუალი 82′ (2:1)

პარმა 1-0 ნაპოლი

გოლი: პაროლო 55′ 

07/04/14

იუვენტუსი 2-0 ლივორნო

გოლები: ლიორენტე 32′ ; 35′

ჯენოა 1-2 მილანი

გოლები: ტაარაბტი 20′ (0:1); ჰონდა 56′ (0:2); აბიატი 73 (ს.კ. 1:2)

 

 

იტალიური ჩემპიონატში გამარჯვებულის ვინაობ ფაქტობრივად გარკვეულია. თუმცა, სერიაში ჯერ კიდევ რჩება პასუხგაუცემელი კითხვები. მორიგ ტურში რამდენიმე საინტერესო მატჩი გველის. 

 

ინტერი – ბოლონია

ევროსაგზურისთვის მებრძოლი “ინტერი” საკუთარ მოედანზე “ბოლონიას” მიიღებს. ვალტერ მაცარის გუნდს სამმატჩიანი მოუგებელი სერია აქვს, თუმცა მიუხედავად ამისა მილანელები მეხუთე პოზიციას ინარჩუნებენ. რაც “პარმას” ცუდი თამაშის ბრალი უფრო არის. შესანიშნავი წაუგებელი სერიის შეწყვეტა პარმელებზე ცუდად აისახა. თუმცა, ინტერს კიდევ ერთი ძლიერი კონკურენტი ჰყავს “ატალანტას” სახით. ამიტომ აუტსაიდერ “ბოლონიასთან” შეხვედრაში სამი ქული მოპოვება აუცილებელი საქმეა.

ბოლონიელები გასავარდნ ზონას მხოლოდ 1 ქულით უსწრებენ, რაც მათ მშვიდად ყოფნის საშუალებას არ მისცემს. ბალარდინის შეგირდები მილანიდან მინიმუმ ქულის წამოღებას მაინც აპირებენ.

 

იუვენტუსი – ლივორნო

ტურინელები ევროპა ლიგაზე მოპოვებული გასვლითი გამარჯვების შემდეგ საკუთარ მოედანზე აუტსაიდერ “ლივორნოს” მიიღებენ. სავარაუდოდ კონტე ახალგაზრდა ფეხბურთელებს მისცემს თამაშის საშუალებას და გადაღლილ ლიდერებს დაასვენებს. “იუვეს” სერიაშ ფაქტობრივად არანაირი მოტივაცია აღარ დარჩა, თუ ჩემპიონობის ფორმალურ გაფორმებას არ ჩავთვლით.

მიუხედავად იმისა, რომ “ლივორნოს” ამ მატჩში ქულები ძალიან სჭირდება, მაინც რთული წარმოსადგენია, რომ სტურმები სენსაციას მოახდენენ. თუმცა, გასულ ტურში “ინტერთან” მოპოვებული ფრე, “ლივორნოს” გულშემატკივრებს გარკვეულ იმედებს უსახავს.

 

ჯენოა – მილანი

ტურს “ჯენოასა” და “მილანის” დაპირისპრიება დახურავს. ზეედორფის გუნდმა ბოლო დროს თამაშის გამოსწორება მოახერხა. “მილანმა” ბოლო სამ ტურში 7 ქულას მოუყარა თავი, რაც ცუდი მაჩვენებელი ნამდვილად არ არის. შანსები მცირეა, თუმცა მილანურ კლუბს კვლავ რჩება ევროსაგზურის მოპოვების შანსი. თანაქალაქელ “ინტერს”, რომელიც მეხუთე პოზიციაზეა გამაგრებული, “მილანი” 7 ქულით ჩამორჩება.

გენუელებს მიმდინარე სეზონში არც გავარდნა ემუქრებათ და არც მარალი მიზნებისთვის ბრძოლის შანსი აქვთ. ასე რომ, დიდი ალბათობით “მილანი” წაუგებელ სერიას ოთხ მატჩამდე გაზრდის.

 

05/04/14

კიევო – ვერონა

ინტერი – ბოლონია

06/04/14

ლაციო – სამპდორია

კალიარი – რომა

ატალანტა – სასუოლო

კატანია – ტორინო

ფიორენტინა – უდინეზე

პარმა – ნაპოლი

07/04/14

იუვენტუსი – ლივორნო

ჯენოა – მილანი

იტალიურ ლიგაში სეზონის დასკვნით ნაწილში მთავარი ბრძოლები ევროსაგზურებისთვის და უმაღლეს სერიაში ადგილის შესანარჩუნებლად გაიმართება. 

 

ლაციო – პარმა 

რომში გასამართი შეხვედრას სატურნირო თვალსაზრისით დიდი მნიშნველობა აქვს. მასპინძლები მარცხის შემთხვევაში ევროთასებისთვის ბრძოლას ფაქტობრივად ეთიშებიან. გამარჯვება კი, რომაელებს რბოლაში დააბრუნებს. რეიას შეგირდები გასულ ტურში “ჯენოასთან” დამარცხდნენ და საქმე მნიშნველოვნად გაირთულეს.

მარცხი გასულ ტურში “პარმამაც” იწვნია. ტევესის დუბლმა  პარმელების რეკორდული დაუმარცხებელი სერია დაასრულა. არადა გამარჯვების შემთხვევაში, “პარმა” სატურნირო ცხრილში “ინტერს” გადაასწრებდა.

 

ლივორნო – ინტერი

“უდინეზესთამ” უგოლო ფრის შემდეგ მაცარის გუნდი აუსტაიდერ “ლივორნოს” სტუმროს. ცხრილში არსებული ვითარებიდან გამომდინარე ქულებს ორივე გუნდისთვის სასიცოცხლო მნიშვნელობა აქვს, მაგრამ ფავორიტები რა თქმა უნდა მილანელები არიან.

“ლივორნო” გასულ ტურში აღმავლობის გზაზე მდგომ “ატალანტასთან” დამარცხდა და გასავარდნ ზონაში დაეშვა.

 

ნაპოლი – იუვენტუსი 

ტურის ცენტრალურ დაპირსიპირებას ნეაპოლი უმასპინძლებს, სადაც სტუმრად თითქმის დაუმარცხებელი “იუვენტუსი” ჩავა.

შეხვედრას ფაქტობრივად არანაირი ინტრიგა არ ახლავს. გულშემატკივარი კარგი გუნდების შესრულებული ლამაზი ფეხბურთის მოლოდინშია. უნდა ვივარაუდოთ, რომ ეს მოლოდინი გამართლდება კიდეც.

რა თქმა უნდა, “ნაპოლის” ჯერ კიდევ აქვს მეორე პოზიციაზე გასვლის შანსი და ამის იმედი გუნდის ერთგულ ფანებს არ დაუკარგავთ. მაგრამ, წლევანდელი “რომა” ის გუნდი არ არის, რომ სოლიდურ უპირატესობა გაანიავოს. ისიც გასაწვალისწინებელია, რომ გარსიას შეგირდები ამ ტურში არც თუ ისე ძლიერ სასუოლოს ხვდებიან და არ არის გამორიცხული  სხვაობა მე-2 და მე-3 პოზიციებს შორის კიდევ უფრო გაიზარდოს.

“იუვენტუსზე” კი ბევრი რომ არ ვილაპარაკოთ, ყველაფერი სატურნირო ცხრილიდანაც კარგად ჩანს.

 

29/03/14

ბოლონია – ატალანტა

მილანი – კიევო

 

30/03/14

სასუოლო – რომა

ტორინო – კალიარი

სამპდორია – ფიორენტინა

ვერონა – ჯენოა

ლაციო – პარმა

ნაპოლი – იუვენტუსი

 

31/03/14

უდინეზე – კატანია

ლივორნო – ინტერი