ჭდე: სერხიო რამოსი

მადრიდის „რეალის“ მცველმა სერხიო რამოსმა „რეალ სოსიედადთან“ მოგებული მატჩი შეაფასა. მიუხედავად იმისა, რომ „სამეფო კლუბს“ აღნიშნულ შეხვედრაში კრიშტიანუ რონალდუ აკლდა, ანჩელოტის გუნდმა სასურველ შედეგს მაინც მიაღწია.

„გუნდს სწრაფად გაშვებულ გოლზე მომენტალური რეაქცია ჰქონდა, ანგარიში მალევე გავათანაბრეთ. ფეხბურთში ზოგჯერ შეცდომები არის, თუმცა მათ გამოსწორებაზე უნდა ვიფიქროთ და, როგორც გუნდმა, წინსვლა გავაგრძელოთ. რა თქმა უნდა, რონალდუ მნიშვნელოვანი მოთამაშეა, თუმცა დღეს ვნახეთ, რომ ფეხბურთელებმა სათამაშო დრო კარგად გამოიყენეს.

„რეალთან“ კონტრაქტი კიდევ ორი წელი მაკავშირებს და ასე მშვიდად ჯერ არასდროს ვყოფილვარ. საკუთარ თავს სხვა კლუბის მაისურში ვერც კი წარმოვიდგენ“, – ციტირებს სერხიოს მადრიდელთა ოფიციალური საიტი.

მადრიდის „რეალის“ მცველი სერხიო რამოსი ერთ-ერთი ის ფეხბურთელია, რომელსაც ბევრი ტატუ აქვს – ესპანელის სხეულზე მისი ახლობლების ინიციალების, წარწერების, ჩინური იეროგლიფების, „სევილიას“ გარდაცვლილი ფეხბურთელის ანტონიო ოუერტას ტატუს და სხვადასხვა სიმბოლოს პოვნა ადვილია.

გუშინ რამოსმა ახალი ტატუ გაიკეთა, რომელზეც „პოპის მეფე“ მაიკლ ჯექსონია ასახული:

როგორც აქამდე ევროპული პრესა წერდა, მადრიდის „რეალის“ ხელმძღვანელობის გუნდის წამყვან ფეხბურთელებთან ახალი კონტრაქტის თაობაზე მოლაპარაკებებს შედეგი ჯერ არ მოჰყოლიათ.

ამის თაობაზე „ბლანკოსის“ მცველმა სერხიო რამოსმაც ისაუბრა, რომელიც განვლილი მსოფლიოს საკლუბო ჩემპიონატის საუკეთესო მოთამაშედ დასახელდა.

„ეს ის საკითხია, რომელიც საერთოდ არ მადარდებს. კლუბთან მიმდინარე კონტრაქტი კიდევ ორი წლით მაკავშირებს. ამ თემაზე ვისაუბრეთ, თუმცა ჯერ არ ვჩქარობთ“, – განუცხადა რამოსმა „Cadena Ser“-ს.

„ფლორენტინო პერესთან კარგი ურთიერთობა მაქვს, მისი წყალობით, ჩემი ოცნება რეალობად იქცა. ძალიან ახლო ურთიერთობა გვაკავშირებს, ერთმანეთს ხშირად ვესაუბრებით“, – დაამატა სერხიომ.