დონეცკის “შახტარის” ოფისში შეიარაღებული პირები შეიჭრნენ. ინფორმაციას ამის შესახებ კლუბის ოფიციალური ვებგვერდი ავრცელებს. მიმდინარეობს ინციდენტის მოკვლევა.
შეგახსენებთ, რომ რამდენიმე დღის წინათ “შახტარის” ბაზა სერიოზულად დაზიანდა. კლუბის საცხოვრებელი კორპუსის ზედა სართულებს ორი ჭურვი მოხვდა, რის შედეგადაც გაჩნდა ხანძარი, მთლიანად განადგურდა მოსასვენებელი და სავარჯიშო დარბაზები.
29 აგვისტოს დონეცკის “შახტარსა” და “ილიჩივეცს” შორის გამართულ მატჩში ლუის ადრიანო წინააღმდეგ უხეშად ითამაშეს, ბრაზილიელი ფეხბურთელი კი გაითიშა.
ლონდონის “არსენალი” დონეცკის “შახტარის” ბრაზილიელი ლეგიონერის, დუგლას კოსტას გადაბირებით არის დაინტერესებული. ბრიტანული პრესის ცნობით, “მეთოფეები” მზად არიან 23 წლის ფეხბურთელში დონეცკელებს 20 მილიონი ევრო შესთავაზონ.
შეგახსენებთ, დუგლას კოსტამ და “შახტარის” სხვა ლეგიონერებმა საფრანგეთში გამართული ამხანაგური მატჩის შემდეგ უკრაინაში არსებული მდგომარეობის გამო ქვეყანაში დაბრუნებაზე უარი თქვეს. დუგლას კოსტა კლუბის შეცვლის სურვილს არ მალავს.
29 ივნისს, ავსტრიაში შეკრებაზე მყოფი “ზესტაფონი” დონეცკის “შახტარს” დაუპირისპირდა და მეტოქესთან ანგარიშით 3:4 დამარცხდა.
მე-6 წუთზე დონეცკელები ლუის ადრიანომ დააწინაურა. 54-ე წუთზე გიორგი კუხიანიძემ თერთმეტმეტრიანი ზუსტად შეასრულა და ანგარიში 1:1 გახადა. ზუსტად ორ წუთში, “შახტარი” ისევ წინ გავიდა – პენალტის გატანა შეძლო გლადკიმ. 77-ე წუთზე ზესტაფონელებმა კვლავ გაათანაბრეს, თავი მიხეილ სარდალიშვილმა გამოიჩინა. 82-ე წუთზე გლადკიმ დუბლი გაიფორმა – 3:2, მაგრამ ერთ წუთში თედორე გრიგალაშვილმა თავით ზუსტად ითამაშა და ანგარიში ისევ საყაიმო გახდა. ამის შემდეგ, “ზესტაფონს” გოლის გატანის კარგი შანსი ჰქონდა, თუმცა პირიქით, 89-ე წუთზე ბურთი საკუთარ კარში მიიღეს – ალექს ტეიშეირამ შეხვედრის საბოლოო ანგარიში დააფიქსირა.
მიმდინარე წლის 24 ივნისს საფეხბურთო კლუბი ”ზესტაფონი”, ახალი სეზონისათვის მზადების მეორე ეტაპის გასავლელად, ავსტრიის რესპუბლიკაში გაემგზავრება. ავსტრიული ალპების კარგად ნაცნობ გარემოში საქართველოს ვიცე-ჩემპიონები ხუთ საკონტროლო შეხვედრას გამართავენ.
თუმცა, დავიწყოთ იმით, რომ მარგველები ტიროლის მხარის ქალაქ ზანქტ-იოჰანიდან ჩრდილოეთით სულ რაღაც 3 კილომეტრში მდებარე დაბა კირხდორფის სასტუმრო ”Das Seiwald ”-ში დაბანაკდებიან. ამ სასტუმროს სტუმართა განკარგულებაშია ულტრათანამედროვე კონფერენც-დარბაზები, აუზები, საუნა და სატრენაჟორო დარბაზი. უნდა ითქვას, რომ 2011 წელს, ჩემპიონთა ლიგის მატჩებისათვის მზადებისას, იმერლები სწორედ ამ სასტუმროში ცხოვრობდნენ…
ალპურ შეკრებაზე პირველ საკონტროლო შეხვედრას საფეხბურთო კლუბი ”ზესტაფონი” კიევის საფეხბურთო კლუბ “დინამოს” წინააღმდეგ გამართავს. საბჭოთა კავშირისა და უკრაინის 13-13-გზის ჩემპიონ, სსრკ-ს თასის 9-გზის და უკრაინის თასის 10-გზის მფლობელ, უეფას თასების მფლობელთა თასის 2-გზის და უეფას სუპერთასის მფლობელ კიეველებთან იმერელთა დაპირისპირება 26 ივნისს გაიმართება.
თავის მეორე სპარინგ-მატჩს მარგველები 30 ივნისს ჩაატარებენ. ჩვენი მეტოქე ამჯერადაც უკრაინული ფეხბურთის წარმომადგენელი – უკრაინის 9-გზის ჩემპიონი და ამდენივეჯერ თასის მფლობელი, უეფას ევროპალიგის 2009 წლის გამარჯვებული, დონეცკის საფეხბურთო კლუბი “შახტარი” იქნება. ქართველთათვის რიგით მესამე საკონტროლო შეხვედრა 3 ივლისს გაიმართება, ამ შეხვედრაში ქართველთა მეტოქის ვინაობა ჯერაც ზუსტდება და ის უახლოეს დღეებში გახდება ცნობილი.
ავსტრიაში გასამართ მეოთხე შეხვედრას იმერლები რუმინული “ბოტოშანის” წინააღმდეგ გამართავენ. მატჩი რუმინეთის ჩემპიონატის მერვე გუნდთან 6 ივლისსაა დანიშნული. წლევანდელი ალპური “ვოიაჟის” დასკვნითი, რიგით მეხუთე სპარინგი კი 9 ივლისს გაიმართება. სამშობლოში დაბრუნებამდე ზესტაფონელები საბერძნეთის ჩემპიონატის წარმომადგენელ დაპირისპირებაში “ასტერას ტრიპოლისთან ” მოსინჯავენ ძალებს.
საფეხბურთო კლუბ ”ზესტაფონის” პრეს-სამსახური
იტალიური პრესის ცნობით “რომას” ინტერესთა სფერაში დონეცკის “შახტარის” ნახევარმცველი დუგლას კოსტა მოხვდა. რომაული კლუბის ხელმძღვანელების თქმით, ფეხბურთელი კლუბის სათამაშო სტილს იდეალურად მოერგება.
გარდა ამისა, “რომაში” თვლიან, რომ უკრაინაში შექმნილი ვითარება ტრასნფერს გააიოლებს.
23 წლის კოსტამ უკრაინის ჩემპიონატის გასულ გათამაშებაში 27 მატჩი ჩაატარა და 4 გატანილ გოლთან ერთად 10 საგოლე პასი ჩაიწერა აქტივში.
პოლტავაში გამართული უკრაინის თასისი ფინალი კიევის “დინამოსა” და დონეცკის “შახტარს” შორის კიეველთა გამარჯვებით დასრულდა.
ფინალური შეხვედრა საინტერესო გამოდგა. კიეველები პირველი ტაიმის დამთავრებამდე ხუთი წუთით ადრე დაწინაურდნენ. კუჩერმა ბურთი საკუთარ კარში ჩაჭრა. ზუსტად სამ წუთში კი, ვიდამ “დინამოს” უპირატესობა ორამდე გაზარდა.
მეორე ტაიმში “შახტარმა” დუგლას კოსტას გოლით შესძლო სხვაობის შემცირება, თუმცა მეტის გაკეთება დონეცკელებმა ვეღაღ მოახერხეს და თასს “დინამო” დაეუფლა.
მატჩის ბოლო წუთები საკმაოდ დაძაბული იყო. “შახტარის” მცველის, კუჩერის უხეში თამაში გუნდებს შორის ჩხუბში გადაიზარდა, რაც ორმხრივი გაძევებით დასრულდა.
დღეს, კიევში გადადებული “დინამო” – “შახტარის” მაგივრად “ოლიმპისკის” მოედანზე ამ გუნდების ფანები გავიდნენ და ამხანაგური მატჩი ჩაატარეს.
“ერთიანობის მატჩი” (სწორედ ასე ეწოდა ამ შეხვედრას), წლების მანძილზე ერმანეთისადმი მტრულად განწყობილი გუნდების ფანების ინიციატივით შედგა, რითაც “ულტრასებმა” უკრაინაში არსებული ვითარება გააპროტესტეს და ხალხს ერთიანობისაკენ მოუწედეს.
შეხვედრას ცნობილი უკრაინელი ფეხბურთელებიც დაესწრნენ. მათ შორის ალექსანდრ შოვკოვსკი და ვლადიმერ ეზერსკი.
მატჩი, როგორც მოსალოდნელი იყო, ფრედ 1-1 დასრულდა. ვრცელდება ინფორმაცია, რომ ასეთი ტიპის ღონისძიებები უკრაინის სხვა ქალაქებშიც გაიმართება.
დონეცკის “შახტარის” ფორვარდი მაიკონ პერეირა დე ოლივეირა, რომელიც ბოლო დროს იჯარის წესით “ილიჩივეცის” ღირსებას თორნიკე ოქრიაშვილთან და დავით თარგამაძესთან ერთად იცავდა, ავტოავარიაში დაიღუპა.
სამწუხარო ფაქტი დღეს დილის 4 საათზე მოხდა ქალაქ დონეცკში. ოლივეირა მოძრაობის საპირისპირო ზოლში გადავიდა და შემხვედრ ავტომობილს დაეჯახა, რომლის მძღოლიც მძიმე ტრავმებით საავადმყოფოში გადაიყვანეს. ფეხბურთელის გადარჩენა კი სამწუხაროდ ვერ მოხერხდა.
საქართველოს ეროვნული ნაკრების ფეხბურთელი თორნიკე ოქრიაშვილი “ჩერნომორეცში” გადავიდა, სადაც 7-ნომრიანი მაისურით იასპარეზებს – ეს ინფორმაცია ახალგაზრდა შემტევმა სოციალური ქსელის საშუალებით დაადასტურა.
“ჩემი ბავშვობი ნომერი დამიბრუნდა – 7”, – წერს ოქრიაშვილი.
შეგახსენებთ, რომ 21 წლის მოთამაშე 2011 წლიდან დონეცკის “შახტარის” კუთვნილებაა. თორნიკე გასულ სეზონებში “ილიჩევეცში” იჯარით ირიცხებოდა.
ცნობისთვის, ოქრიაშვილმა თავის გუნდთან ერთად თურქეთში შეკრებაზე იმყოფება, სადაც ერთ-ერთ ამხანაგურ მატჩში გოლის გატანა მოახერხა.
საქართველოს ნაკრებისა ფეხბურთელი თორნიკე ოქრიაშვილი, რომელიც დონეცკის „შახტარის“ საკუთრებაშია კარიერას იჯარის წესით ოდესის „ჩერნომორეცში“ გააგრძელებს.
შეგახსენებთ, რომ 21 წლის ქართველი ორი სეზონის განმავლობაში მარიუპოლის „ილიჩივეცის“ ღირსებას იცავდა, რომლის შემადგენლობაშიც 60 შეხვედრა ჩაატარა და 4 გოლის გატანა მოახერხა. ყოფილი კლუბიდან ოქრიაშვილი მწვრთნელთან უთანხმოების გამო წამოვიდა.
ოდესის „ჩერნომორეცი“ შეკრებაზე ანტალიაში იმყოფება. ოქრიაშვილი გუნდს თურქეთში შუერთდება.
“მანჩესტერ სიტის” ნახევარმცველი ფერნანდინიო გულშემატკივართა გამოკითხვის შედეგად, მანჩესტერული კლუბის დეკემბრის საუკეთესო მოთამაშე გახდა. ბრაზილიელმა ფეხბურთელმა მეორე ადგილზე გასულ მილნერზე სამჯერ მეტი ხმა მიიღო. საპატიო მესამე ადგილი ხესუს ნავასს ერგო. დეკემბერში ფერნანდინიომ “არსენალთან” დუბლი გაიფორმა.
შეგახსენებთ, რომ 28 წლის ფერნანდინიო “სიტიში” 2013 წელს დონეცკის “შახტარიდან” გადავიდა. სატრანსფერო თანხამ 40 მილიონი ევრო შეადგინა.
