“რეალ სოსიედადის” მეკარე ხერონიმო რული, შესაძლოა, “ვალენსიას” მოთამაშე გახდეს.
მართალია, ბასკურმა კლუბმა და მოთამაშემ თანამშრომლობის გაგრძელეაზე მოილაპარაკებს, თუმცა გადამწყვეტი საინვესტიციო ფონდის სიტყვაა, რომელიც მოთამაშის სატრანსფერო უფლებებს ფლობს.
23 წლის რულიმ გასულ სეზონში საკუთარი გუნდის ღირსება 22 თამაშში დაიცვა. აქედან 6 მატჩში მან კარი მშრალად შეინახა.
“სოსიედადის” დამრიგებელმა, დევიდ მოიესმა განაცხადა, რომ ინგლისური კლუბების წინადადებების მიღებას არ აპირებს.
“ინგლისიდან საკმაოდ ბევრი წინადადება მივიღე, თუმცა მომდევნო სეზონშიც ესპნაეთში ვიმუშავებ. ჩემი აზრი ამ თემასთან დაკავშირებით არ შეიცვლება.
ახალი კულტურის გაცნობა და ლა ლიგას შესწავლა ძალიან მაინტერესებდა. ახლა ამ პროცესისგან სიამოვნებას ვიღებ.
დევიდ მოიესს “ბარნლიდან” დანი ინგზის შესაძლო ტრანსფერზეც ჰკითხეს: “ბრიტანულ ბაზარს ძალიან კარგად ვიცნობ, თუმცა მოთამაშეს მხოლოდ იმ შემთხვევაში შევიძენ, თუ მის შესაძლებლობებში დარწმუნებული ვიქნები.”
შეგახსენებთ, რომ მოიესმა “რეალ სოსიედადი” ნოემბერში ჩაიაბარა და მიმდიანრე სეზონის მე-11 ადგილზე დაასრულა.
ესპანეთის ჩემპიონატის 36-ე ტურში “ბარსელონამ” საკუთარ მოედანზე “რეალ სოსიედადი” ანგარიშით 2:0 დაამარცხა. კატალონიური გუნდის რიგებიდან გოლები ნეიმარმა და პედრომ გაიტანეს.
“ბარსელონას” ლიდერმა ლიონელ მესიმ პრიმერადივიზიონში პირველად დიდი ხნის შემდეგ გოლის გატანა ვერ შეძლო. არგენტინელმა ფეხბურთელმა ლა ლიგაში გოლი უკანასკნელად 5 აპრილს ვერ გაიტანა, როდესაც “ბარსელონამ” “სელტა” ანგარიშით 1:0 დაამარცხა. ესპანეთის ჩემპიონატის მიმდინარე გათამაშებაში მესიმ 40 გოლი გაიტანა და 18 საგოლე გადაცემა გააკეთა.
სამაგიეროდ, დღევანდელ მატჩში გატანილი გოლი ნეიმარისთვის მიჯრით მეექვსე გახლავთ. ეს ბრაზილიელი ფეხბურთელისთვის კატალონიური გუნდის რიგებში მოწყობილი საუკეთესო სერიაა. აქვე აღსანიშნავია, რომ ნეიმარისთვის აღნიშნული გოლი “ბარსას” ფორმით 50-ე გატანილი ბურთია. ბრაზილიელ გარემარბს “ბლაუგრანას” შემადგენლობაში სულ 88 მატჩი აქვს ჩატარებული.
“რეალ სოსიედადის” მთავარმა მწვრთნელმა, დევიდ მოიესმა, “დეპორტივოსთან” გამართული სადებიუტო მატჩი შეაფასა.
“ესპანეთის ჩემპიონატში დებიუტით გახადებული ვარ. ჯერჯერობით მოთამაშეებს კარგად არ ვიცნობთ, თუმცა მალე “სოსიედადი” უკეთესი გუნდი გახდება.
პირველი ტაიმი კარგი გამოვიდა, მეტოქეს ვაჯობეთ. შესვენების შემდეგ კი “დეპორტივომ” გვაჯობა.
ფრით კმაყოფილი არ ვარ, გამარჯვებები გვჭრდება, თუმცა უნდა ავღნიშნო, რომ ფრე კანონზომიერი შედეგია” – განაცხადა მოიესმა.
“რეალ სოსიედადის” მთავარი მწვრთნელის პოსტზე დევიდ მოიესის სადებიუტო მატჩი მეტნაკრებად წარმატებული გამოდგა. მისი გუნდი გასვლაზე ლა კორუნიის “დეპორტივოსთან” უგოლოდ დაზავდა. ამრიგად, ბასკებმა უკანასკნელი შვიდი თვის მანძილზე კარი მშრალად პირველად შეინახეს.
აღსანიშნავია, რომ მატჩის მიმდინარეობის დროს “დეპორტივოს” მწვრთნელი გაგულისდა და მოიესთან რაღაცის გაპროტესტება დაიწყო, თუმცა შოტლანდიელი სპეციალისტი სიტყვიერ ბრძოლაში არ ჩაერია და ოპონენტს ჟესტით დამშვიდებისკენ მოუწოდა. მოიესმა ესპანური ენა არ იცის და სავარაუდოდ, მან მეტოქე გუნდის მწვრთნელის სიტყვები ვერც გაიგო.
“რეალ სოსიედადის” ხელმძღვანელობას ანტუან გრიზმანის “ტოტენჰემში” გაშვება არ სურს. ინგლისური კლუბი ფრანგ შემტევში 19 მილიონ ევროს იხდიდა, თუმცა ესპანურ მხარეს მეტი მიღება სურს.
ბრიტანული პრესის ცნობით “სოსიედადის” ხელმძღვანელები 31,5 მილიონ ევროს ითხოვდნენ. 23 წლის ფეხბურთელის მიმართ ინტერესს “მონაკო” და “ჩელსიც” იჩენდნენ.
გასულ სეზონში გრიზმანმა პრიმერას 35 მატჩში მიიღო მონაწილეობა და თავი 16 გოლით გამოიჩინა.
ესპანეთის პრიმერადივიზიონის 32-ე ტურში მადრიდის „რეალმა“ სტუმრად „რეალ სოსიედადი“ ანგარიშით 4:0 გაანადგურა. მატჩის შემდეგ გამართულ პრესკონფერენციაზე „სამეფო კლუბის“ მთავარმა მწვრთნელმა კარლო ანჩელოტიმ „რეალის“ მიმართ საქებარი სიტყვები არ დაიშურა.
„ჩემი გუნდის მიერ ნაჩვენებ თამაშს მაღალ ქულას დავუწერდი, კარგად და ჭკვიანურად ვითამაშეთ. მატჩი მაღალ ტემპში დავიწყეთ და კარგი თამაში გამოვიდა. ბედნიერი ვარ. მე მყავს გუნდი, რომელიც ბრძოლისთვის მზად არის და ამით ვამაყობ.
ამ გამარჯვებამ ძალა შეგვმატა. გუნდი მშვენიერ ფორმაშია. სატურნირო ცხრილში ლიდერები არ ვართ, მაგრამ ჩემპიონობისთვის ბოლომდე ვიბრძოლებთ“, – ანჩელოტის სიტყვები „მარკამ“ გამოაქვეყნა.
მუხლის მცირეოდენი ტრავმის გამო გუშინდელ შეხვედრაში არ უთამაშია კრიშტიანუ რონალდუს. გოლები ასიერ ილიარამენდიმ, გარეტ ბეილმა, პეპემ და ალვარო მორატამ გაიტანეს.
ბექა დოგრაშვილი
“რეალ სოსიედადის” თავდამსხმელმა ხარის სეფეროვიჩა საკუტარ 22-ე დაბადების დღეზე პარტნიორებისგან შესანიშნავი საჩუქარი მიიღო: “სოსიედადმა” კატალონიის “ბარსელონას” დაამარცხა – 3:1. მატჩის დასრულების შემდეგ შვეიცარიის ნაკრების ფეხბურთელი მეგობარ გოგონასთან ერთად სან-სებასტიანის ერთ-ერთი კლუბში წავიდა, საიდანაც უკვე პოლიციის გამოსაყვანი გახდა. შვეიცარული პრესის ცნობით ახალგაზრდებმა კლუბში სკანდალი მოაწყვეს, რომელსაც ხელჩართული ჩხუბიც მოჰყვა და საქმეში პოლიციიშ ჩარების აუცილებლობა შეიქმნა.
ღამე სეფეროვიჩმა განყოფილებაში გაატარა, თუმცა მეორე დღეს ფეხბურთელი გაათავისუფლეს.
ესპანეთის სამეფო თასის ნახევარფინალურ ეტაპზე „სოსიედადსა“ და „ბარსელონას“ შორის განმეორებითი მატჩი შედგა. შეგახსენებთ, რომ პირველი შეხვედრა კატალონიურმა გუნდმა ანგარიშით 2:0 მოიგო.
სან-სებასტიანში გამართულ მატჩში ანგარიში 27-ე წუთზე „ბარსელონამ“ გახსნა: სწრაფი კონტრშეტევა ლიონელ მესიმ 18 მეტრის მანძილიდან დარტყმით დააგვირგვინა. მასპინძლებმა ანგარიშის გათანაბრება მატჩის დასრულებამდე სამი წუთით ადრე მოახერხეს. გოლი ანტონი გრიზმანის ანგარიშზეა. საბოლოოდ, შეხვედრა ფრედ, ანგარიშით 1:1 დასრულდა და „ბარსელონამ“ ფინალში თამაშის უფლება მოიპოვა, სადაც მადრიდის „რეალს“ დაუპირისპირდება. ფინალური მატჩი 19 აპრილს შედგება.
ესპანეთის თასი
ნახევარფინალი (II მატჩი)
„სოსიედადი“ — „ბარსელონა“ 1:1 (0:1)
გოლები: გრიზმანი 87′ — მესი 27′.
გაფრთხილებები: ველა 31′, გასტანიაგა 52′, ზურუტუზა 56′ — ბუსკეტსი 26′, ფაბრეგასი 89′.
ესპანეთის სამეფო თასის ნახევარფინალურ ეტაპზე „ბარსელონასა“ და „რეალ სოსიედადს“ შორის გამართული მატჩი კატალონიელთა უპირატესობით წარიმართა და მათივე გამარჯვებით, ანგარიშით 2:0 დასრულდა. აღსანიშნავია, რომ შეხვედრას მხოლოდ 38 505 გულშემატკივარი დაესწრო. დიდი უპირატესობის მიუხედავად, მასპინძლებმა ანგარიში მხოლოდ 44-ე წუთზე გაიტანეს, როცა კუთხურის შესრულების შემდეგ ბასკთა საჯარიმოში არეულობა შეიქმნა, ბურთი სერხიო ბუსკეტს მიუვიდა და მასაც ახლო მანძილიდან გატანა არ გასჭირვებია. სტუმართა ვითარება მცველ ინიგო მარტინესის გაძევებამ კიდევ უფრო დაამძიმა. მეორე გოლი საკმაოდ კურიოზული გამოდგა: ფრანჩესკ ფაბრეგასის გადაცემის შემდეგ ალექსის სანჩესი მეკარესთან პირისპირ გავიდა, თუმცა მისი დარტყმული კარის ძელს მოხვდა, შემდეგ გორკა ელუსტონდომ ბურთი მოიგერია, რომელიც პირდაპირ მეკარე ენიაუტ ზუბიკარაის მოარტყა და კარში შეგორდა — 2:0.
განმეორებითი მატჩი 13 თებერვალს შედგება
ესპანეთის თასი
ნახევარფინალი
„ბარსელონა“ — „სოსიედადი“ 2:0 (1:0)
გოლები: ბუსკეტსი 44′, ზუბიკარაი 60′ (ა.გ.)
გაფრთხილებები: ბუსკეტსი 26′, მასკერანო 36′, მესი 73′ — ველა 40′, ელუსტონდო 57′, გასტანიაგა 62′, ზუბიკარაი 86′, სალდუა 89′.
გაძევება: ინიგო მარტინესი 44′.
2 ოქტომბერს, ჩემპიონთა ლიგის გათამაშებაში, ლევერკუზენის “ბაიერმა” საკუთარ მოედანზე “რეალ სოსიედადი” მიიღო და მეტოქე ანგარიშით 2:1 დაამარცხა. გერმანელთა მხრიდან, ერთ-ერთი გოლი იენს ჰეგელერმა გაიტანა. 25 წლის ფეხბურთელმა მეტოქის კარი შორეული საჯარიმოთი დალაშქრა.
ესპანეთის პრიმერადივიზიონის მე-6 ტურში, “ბარსელონასა” და “რეალ სოსიედადს” შორის გამართული მატჩის (4:1) მიმდინარეობისას, კატალონიელთა კიპერმა ვიქტორ ვალდესმა გუნდის მცველ ხერარ პიკეს უხამსი ჟესტი უჩვენა. ესპანელი მცველი მეკარეს ბურთს სთხოვდა, თუმცა ვალდესმა თანაგუნდელს გადაცემა არ გაუკეთა, რასაც პიკეს გაღიზიანება და გუნდის გოლკიპერის ჟესტი მოჰყვა. შეხვედრა სამშაბათს შედგა, თუმცა აღნიშნული ფაქტის ამსახველი ვიდეომასალა ინტერნეტ-სივრცეში ახლახანს გავრცელდა.
