ჭდე: Steven Gerrard

სტივენ ჯერარდის მომავალი ბურუსითაა მოცული.

გუშინ “ლოს ანჯელეს გალაქსიმ” MLS-ის დასავლეთ კონფერენციის ნახევარფინალურ ეტაპზე “კოლორადო რეპიდზის” წინააღმდეგ განმეორებითი მატჩი ჩაატარა და თერთმეტმეტრიანების სერიაში დამარცხდა. თავად ჯერარდი შეხვედრაში 76-ე წუთზე ჩაერთო და მატჩისშემდგომი პენალტიც გაიტანა, თუმცა მომდევნო ორი თერთმეტმეტრიანი მისმა თანაგუნდელებმა გააფუჭეს და შედეგად, “ლოს ანჯელეს გალაქსი” ტურნირს გაემოეთიშა. შესაბამისად, კლუბისთვის სეზონი დასრულებულია.

36 წლის ინგლისელ ნახევარმცველს “გალაქსისთან” კონტრაქტი მიმდინარე წლის დეკემბრამდე აქვს და რა იქნება შემდეგ, კაცმა არ იცის. ცნობილია, რომ “ლივერპულის” თავკაც იურგენ კლოპს ჯერარდის საკუთარ შტაბში ხილვა სურს. ერთ-ერთი ვარიანტის თანახმად, ინგლისელმა “ლივერპულში” შესაძლოა, მოთამაშე-მწვრთნელის ფუნქციები შეასრულოს. თავად ჯერარდი ამბობს, რომ თავს ჯერ კიდევ მხნედ გრძნობს და ფეხბურთის თამაში არ მობეზრებია, თუმცა რაიმე კონკრეტულ გადაწყვეტილებამდე საქმე ჯერჯერობით არ მისულა. ჯერარდი მზადაა, ექვსთვიანი ან 12-თვიანი წინადადებები განიხილოს, ხოლო შემოთავაზებების არქონის შემთხვევაში, ბუცებს ლურსმანზე დაკიდებს და ბედს სამწვრთნელო საქმიანობაში ცდის.

ბრიტანული გამოცემა “სანი” იუწყება, რომ “ლოს ანჯელეს გალაქსის” ნახევარმცველი” სტივენ ჯერარდი მომდევნო სეზონიდან “ლივერპულის” სამწვრთნელო შტაბში იმუშავებს. 35 წლის ინგლისელმა ფეხბურთელმა განაცხადა, რომ წელს კარიერის დასრულებას აპირებს. მან ისიც აღნიშნა, რომ მერსისაიდული გუნდის მთავარ მწვრთნელ იურგენ კლოპთან საკმაოდ მჭიდრო კავშირი აქვს. წყაროს თანახმად, “წითლების” სამწვრთნელო შტაბში ჯერარდის დასაქმების ერთ-ერთი მთავარი ინიციატორი სწორედ კლოპი გახლავთ.

შეგახსენებთ, რომ სტივენ ჯერარდი “ლივერპულის” პირველი გუნდის ღირსებას 1998-დან 2015 წლამდე იცავდა. ამ დროის განმავლობაში მან 695 მატჩი ჩაატარა და 180 გოლი გაიტანა. ჯერარდმა მერსისაიდული გუნდის რიგებში ინგლისის ფეხბურთის ასოციაციის თასი (2001, 2006), ქვეყნის ლიგის თასი (2001, 2003, 2012), ჩემპიონთა ლიგის თასი (2005), უეფას თასი (2001) და უეფას სუპერთასი (2001, 2005) მოიგო.

“ლოს ანჯელეს გალაქსის” ნახევარმცველმა სტივენ ჯერარდმა გაანცხადა, რომ “ლივერპულის” წარმომადგენლებთან მჭიდრო კონტაქტს ინარჩუნებს. ინგლისელი ფეხბურთელი ამბობს, რომ მერსისაიდულ გუნდს სიცოცხლის ბოლომდე უქომაგებს.

“იურგენ კლოპი და მე ხშირად ვუგზავნით ერთმანეთს ტექსტურ შეტყობინებებს. მასსა და მთელ გუნდს წარმატებებს ვუსურვებ, თუმცა ჩემი ეს სიტყვები უფრო მეტია, ვიდრე უბრალოდ სურვილი. მე “ლივერპულის” დიიდ ფანი ვარ და ვიქნები სიკვდილამდე. “ლოს ანჯელეს გალაქსის” პატივს ვცემ და მისი წარმატებისთვის ძალისხმევას არ დავიშურებ, თუმცა “ლივერპულს” არასდროს დავივიწყებ”, – ციტირებს ჯერარდის სიტყვებს “ტელეგრაფი”.

“ლივერპულის” ყოფილმა კაპიტანმა სტივენ ჯერარდმა მერსისაიდულ გუნდს ინგლისის ლიგის თასის ფინალურ მატჩში წარმატებები უსურვა. შეგახსენებთ, რომ “წითლები” “მანჩესტერ სიტის” წინააღმდეგ ითამაშებენ.

“წარმატებები, “წითლებო”, – დაწერა სოციალურ ქსელში ჯერარდმა და 2011/12 წლების მოგებული სეზონის ფოტოც გამოაქვეყნა.

ფინალური მატჩი “ლივერპულსა” და “მანჩესტერ სიტის” შორის დღეს, თბილისის დროით 20:30 საათზე დაიწყება. შეხვედრა ლონდონის “უემბლის” სტადიონზე შედგება.