ოფიციალურად დადასტურდა, რომ “სუონსის” ფრანგმა ფორვარდმა, ბაფეტიმბი გომისმა უელსური კლუბი დატოვა. 30 წლის მოთამაშე ერთ წლიანი იჯარით მარსელის “ოლიმპიკში” იასპარეზებს.
გომისმა უელსური კლუბის შემადგენლობაში, 71 შეხვედრაში 17 გოლის გატანა შეძლო.
ჭდე: სუონსი
კონტეს ანდრე აიუ სურს, გვიდოლინის – ბორხა ბასტონი
ანტონიო კონტემ ლონდონური “ჩელსის” ხელმძღვანელობას “მარსელის” ყოფილი ფეხბურთელის, ანდრე აიუს გადაბირება დაუსახა. აღნიშნული ტრანსფერის განხორციელება “ლურჯებს” 12 მილიონი ფუნტი დაუჯდებათ.
ანდრე აიუს, რომლის გადაბირების სურვილი “სანდერლენდმაც” გამოთქვა, “ლიბერთი სტედიუმის” დატოვება აქვს განზრახული. უელსელებმა კი უკვე იპოვეს მისი ჩამნაცვლებელი – “ატლეტიკო მადრიდის” ფორვარდი, ბორხა ბასტონი.
23 წლის ბასტონმა გასული სეზონი “ეიბარში” გაატარა არენდის წესით. “ეიბარის” რიგებში ესპანელმა შემტევმა 16 გოლის გატანა მოახერხა გასულ სეზონში.
მისმა ასეთმა კარგმა ასპარეზობამ ფრანჩესკო გვიდოლინის ყურადღება მიიპყრო, რომელიც მზად არის 4.5 მილიონი ფუნტი გადაიხადოს მის სანაცვლოდ.
დღის მთავარი სატრანსფერო ამბები (15 ივლისი)
“ლივერპულს” კიდევ ერთი ცენტრალური მცველი სჭირდება
კოლო ტურე – გაუშვეს. მარტინ შკრტელი – გაყიდეს. მამადუ სახო – ტრავმირებულია. ჯო გომესი – ტრავმირებულია. სტივენ კოკერი – “ქპრ-ში” დაბრუნდა. ამ ყველაფერზე დაყრდნობით, Daily Mirror ირწმუნება, რომ იურგენ კლოპი სეზონის დაწყებამდე კიდევ ერთ ცენტრალურ მცველს დაიმატებს.
ალარდაისი თუ კლინსმანი?
ინგლისის ნაკრების მთავარი მწვრთნელის პოსტზე სემ ალარდაისის მოსვლის ვარიანტი ყველაზე რეალურია, თუმცა არ ინგლისში არ გამორიცხავენ იურგენ კლინსმანსაც. Indepedent იუწყება, რომ აშშ-ს მთავარი მწვრთნელი ამ პოსტის დასაკავებლად მზადყოფნას გამოთქვამს.
უფორვარდოდ დარჩენილი “სუონსი” გამოსავალს ეძებს
ევრო 2016-ის გმირი ედერი “ლილს” შეუერთდა. ალბერტო პალოში – “ატალანტას”. ბაფეტამბი გომისი კი “მარსელში” აპირებს გადაბარგებას.
გიოტცე და შაქირი “დორტმუნდში”?
Daily Mirror გვამცნობს, რომ დორტმუნდის “ბორუსიამ” მხითარიანის, ჰუმელსისა და გიუნდოგანის გაყიდვის შედეგად მიღებული ფულის პროდიქტიულად გამოყენებას აპირებს. ტომას ტუხელი გუნდში მარიო გიოტცესა და ჟერდან შაქირის მოყვანას აპირებს.
დიეგო კოშტა “ატლეტიკოში”?
დიეგო კოშტამ ლონდონური “ჩელსის” ხელმძღვანელობას განუცხადა, რომ “ატლეტიკო მადრიდში” აპირებს დაბრუნებას. As-ის ცნობით, მადრიდელებისთვის ესპანელი ფორვარდის გადაბირება ყველაზე პრიორიტეტულია.
“ტოტენჰემს” ვეინალდუმი სურს
მართალია, ლონდონელებმა უკვე გადაიბირეს ვინსენტ იანსენი და ვიქტორ ვანიამა, თუმცა ისინი გაჩერებას მაინც არ აპირებენ – “მამლებს” ჯორჯინიო ვეინალდუმის გადაბირება სურთ, რომელიც 25 მილიონ ფუნტად არის შეფასებული.
“სუონსის” ხელმძღვანელებმა მიზნად “უელსელი პირლოს” დაბრუნება დაისახეს
Sky Sports-ის მიერ მოპოვებული ინფორმაციის თანახმად, უელსური “სუონსის” ხელმძღვანელები “ლივერპულის” ნახევარმცველის, ჯო ალენის დაბრუნებას აპირებენ.
შეგახსენებთ, რომ ალენმა “სუონსი” 2012 წელს დატოვა, რისთვისაც “წითლებს” 15 მილიონი ფუნტის გადახდა დასჭირდათ. ალენის არსებული კონტრაქტი ერთ წელიწადში იწურება, ახალ კონტრაქტზე კი ჯერ არაფერი ისმის.
26 წლის “უელსელმა პირლომ” იურგენ კლოპის “ენფილდზე” მოსვლის შემდეგ, ძირითადში ადგილი ფაქტიურად დაკარგა. მან პრემიერ ლიგის მხოლოდ 8 მატჩი დაიწყო სასტარტოდან.
როგორც იცით, “ლივერპულმა” უკვე დაიწყო მზადება ახალი სეზონისათვის, თუმცა ალენი ჯერ “ლივერპულის” გუნდს არ შეერთებია. ევრო 2016-ის ნახევარფინალში გასვლის შემდეგ მან საკმაოდ გრძელვადიანი შვებულება აიღო.
“სუონსი” ულოას სანაცვლოდ 10 მილიონი ფუნტის გადახდას აპირებს
უელსური “სუონსი სიტის” ხელმძღვანელებმა უკვე გაუგზავნეს ოფიციალური შეთავაზება “მელიებს” მათი ფეხბურთელის, ლეონარდო ულოას ტრანსფერთან დაკავშირებით.
როგორც იცით, ძალიან დიდია იმის შანსი, რომ ფრანჩესკო გვიდოლინის გუნდი მომავალ სეზონში ანდრე აიუსა და ბაფეტიმბი გომისის გარეშე დარჩეს, ამიტომაც უელსელები თანახმანი არიან 10 მილიონი გაიღონ ჩემპიონის სანაცვლოდ.
ამასთანავე ნიშანდობლივია ის ფაქტიც, რომ “ლესტერმა” ახლახან დაასრულა აჰმედ მუსას ტრანსფერი (16 მილიონი ფუნტი), რამაც ულოას წასვლის შანსები კიდევ უფრო გაზარდა.
აქვე დავამატებთ იმასაც, რომ აპრილში 29 წლის ულოამ ორჯერ მოახერხა “სუონსის” კარის აღება (“ლესტერ სიტი” 4-0 “სუონსი”).
“სევილია” “ლივერპულის” ორი ფეხბურთელით ინტერესდება
დღეს “სევილიას” სპორტულმა დირექტორმა, მონჩიმ ოფიციალურად დაადასტურა, რომ ამ სატრანსფერო ფანჯარაზე გუნდისთვის სასურველ ფეხბურთელთა სიაში ორი “ლივერპულელი” – ჯო ალენი და ლუის ალბერტო არიან.
აღსანიშნავია, რომ ლუის ალბერტო 2013 წელს მერსესაიდულ გუნდში სწორედ “სევილიადან” გადავიდა 8 მილიონ ევროდ. ჩატარებული ერთი სეზონის შემდეგ, ესპანელი ფეხბურთელი ჯერ “მალაგაში”, ხოლო შემდეგ “დეპორტივოში” იყო განათხოვრებული. ახლა იგი “ლივერპულმა” დაიბრუნა და ანდალუსიური კლუბისგან მასზე 7 მილიონიანი (ფუნტი) შემოთავაზება მიიღო. მოლაპარაკების სხვა დეტალები არ საჯაროვდება.
რაც შეეხება ჯო ალენს, უელსის ნაკრებისა და “ლივერპულის” ფეხბურთელში “სევილიელი დალაქები” 10 მილიონ ფუნტს სთავაზობენ მერსესაიდელებს. აქვე გეტყვით, რომ ალენის შეძენა აქამდე “სუონსის” სურდა, თუმცა “ლივერპულს” უელსური გუნდის შემოთავაზებული 8 მილიონი ფუნტი ეცოტავა და “სუონსი” უარით გაისტუმრა.
გვიდოლინი სატრანსფერო ფანჯარაზე აქტიურობას აპირებს
უელსური “სუონსის” მთავარ მწვრთნელს, ფრანცესკო გვიდოლინის გონებაში უკვე ჩამოწერილი აქვს იმ ფეხბურთელთა სია, რომლის გადაბირებასაც გუნდი ზაფხულის სატრანსფერო ფანჯარაზე შეეცდება.
“მე ჩვენს დირექტორს ვესაუბრე საყვარელ ფორმაზე და ფეხბურთელთა იმ ტიპებზე, რომლებიც ჩვენს გუნდს ესაჭიროება.
თუმცა უნდა ვაღიარო, რომ მე კლუბს მხოლოდ იმას ვეუბნები, თუ როგორი ფეხბურთელი გვჭირდება, დანარჩენი კლუბზეა. არ შემიძლია ვთქვა ‘მინდა კონკრეტულად ეს ფეხბურთელი მყავდეს გუნდში’.”
როგორც იცით, გვიდოლინიმ “სუონსიში” საკუთარი სამუშაო უმაღლეს დონეზე შეასრულა, რასაც თვითონაც აღიარებს: “ძალიან ბედნიერი ვარ, რომ ჩემი პირველი გამოწვევა წარმატებით მივიღე. ახლა სხვა გეგმები გვაქვს.”
Daily Star: ბრენდან როჯერსი “სუონსის” ხელმძღვანელობას შეუთანხმდა
Daily Star-ის მიერ გავრცელებული ინფორმაციის თანახმად, “სუონსი სიტის” ხელმძღვანელები ბრენდან როჯერსს შეუთანხმდნენ.
წაროს ცნობით “ლივერპულის” ყოფილი ბოსი კვირაში 90 000-იან ხელფასს დათანხმდა. ის მზადაა ფრანჩესკო გვიდოლინი ჩაანაცვლოს, რომლის კონტრაქტის სეზონის ბოლოს იწურება.
ბრენდანი გასული წლის ოქტომბრის შემდეგ უქმადაა, მას შემდეგ, რაც ის “ლივერპულში” იურგენ კლოპმა ჩაანაცვლა.
აქვე შეგახსენებთ, რომ როჯერსს უელსში აქამდეც უმუშავია – მან “სუონსში” 2 წელი დაჰყო და გუნდი პრემიერ ლიგაში დააწინაურა.
“მელიებმა” “გედებს” ადვილად მოუგეს
დღეს პრემიერ ლიგის მოგების მთავარმა კანდიდატმა, “ლესტერმა” შინ “სუონსი” მიიღო. აღნიშნულ მატჩში მონაწილეობას ვერ ღებულობდა ჯეიმი ვარდი, რომელმაც “ვესტ ჰემთან” მატჩში წითელი ბარათი მიიღო, ამიტომაც რანიერის ექსპერიმენტული თერთმეტეულის გამოყვანა მოუწია მოედანზე.
ანგარიში მე-10 წუთზე რიად მარეზმა გახსნა, რომელიც მიმდინარე სეზონის ნამდვილი აღმოჩენაა. 20 წუთში ულოამ სხვაობა ორამდე გაზარდა, რამაც ლესტერშილელებს კომფორტული ჰანდიკაპი მისცა. მეორე ნახევარში ულოამ დუბლის გაფორმება შესძლო, რაშიც მას შლიუპის პასი დაეხმარა, მატჩის მიწურულს კი თავი ახლადშემოსულმა ოლბრაიტონმაც გამოიჩინა და საბოლოო ანგარიშიც დააფიქსირა, 4-0.
“ლესტერის” მომდევნო მეტოქე “მანჩესტერ იუნაიტედი” იქნება, უელსელები კი შინ იურგენ კლოპის “ლივერპულს” მიიღებენ.
“ლესტერი”: შმეიხელი, ფუქსი, მორგანი, სიმპსონი, ჰუტი, მარეზი, კანტე, დრინკვოტერი, შლიუპი (ოლბრაიტონი 82′), ულოა (კინგი 79′), ოკაზაკი (გრეი 73′).
“სუონსი”: ფაბიანსკი, ტეილორი, უილიამსი, ფერნანდესი, რენჯელი, ფერი (პალოში 46′), ბრიტონი, კორკი, სიგურდსონი, აიუ, რუტლეჯი (მონტერო 46′).
#შაბათის ევროტური: ბასკური კოშმარები “ბარსას” კვლავ არ ასვენებს, ჰიდინკმა კი როგორც იქნა წააგო
შაბათი, 2016 წლის 9 აპრილი: დღე, როდესაც “ვესტ ჰემმა” და “არსენალმა” ქულები გაიყვეს, რანიერი კი გახარებულია.
ინგლისი. ქალაქელები ბრძოლას კვლავ განაგრძობენ
“ქალაქელებმა” შინ “ვესტ ბრომვიჩი” მიიღეს, რომელიც პირველ მატჩში ადვილად, 0-3 დაამარცხეს გასვლაზე. თუმცა “ეტიჰადზე” მოვლენები სხვაგვარად წარიმართა: მეექვსე წუთზე სტეფან სესენიონმა შესანიშნავი გოლი გაუტანა ჰარტს, თანაც ახლო კუთხეში – ასეთი რამ იბრამაც ვერ გააკეთა ოთხშაბათს. გოლის მომენტში კოლაროვმა იმდენად ინერტულად ითამაშა, რომ პეპმა მაშინვე გადაურეკა შეიხებს და მისი რომელიმე ჩემფიონშიპის გუნდში გაყიდვა მოსთხოვა.
თუმცა, სერბმა მცველმა 10 წუთში ისეთი შეუსრულა “ვესტ ბრომვიჩს”, რომ გვარდიოლამ თავში ხელი ირტყა – ეს რა ვქენიო. საუბარია კოლაროვის ბრწყინვალე გარღვევაზე, რომლის შედეგადაც მასპინძლებმა პენალტი მოიპოვეს. პენალტი აგუერომ გოლად გარდასახა. მატჩი კი 66′-ე წუთზე დასრულდა, როცა აგუეროსა და ნასრის აქტიურობას მომდევნო გოლი მოჰყვა.
მაილი საირუსის მსგავსად მელირებულმა თმებმა შედეგი გამოიღო: დააბნია მეტოქე გუნდის ფეხბურთელები, რამაც საბოლოოდ ნასრი მატჩის საუკეთესო ფეხბურთელი გახადა.
Nasri lowkey looks like Miley Cyrus pic.twitter.com/lqiHYYTtI2
— Nathan (@synqi) April 9, 2016
და კიდევ: • გუნდმა, რომელიც ინგლისის ჩემპიონობაზე აცხადებს პრეტენზიას, ლიდის ზედიზედ ორი მატჩი პირველად მოიგო ოქტომბრის შემდეგ.
ინგლისი. გუსის მოსვლის შემდეგ, “არისტოკრატებმა” ლიგაში პირველად იწვნიეს მარცხი
როგორც ჩანს, “ჩელსი” მომავალ სეზონს ევროპული ტურნირების გარეშე გაატარებს. მართალია, რომ ჰიდინკის ხელში “არისტოკრატები” არც თუ ისე ცუდად გამოიყურებიან, თუმცა არის ჩავარდნებიც. ისეთი, როგორიც შაბათს იყო. გუს ჰიდინკის მოსვლიდან გუნდს პრემიერ ლიგაში არცერთი მატჩი არ ჰქონდა წაგებული, თუმცა ზღაპარი დასრულდა: გვიდოლინის “სუონსი” გახდა პირველი გუნდი, რომელმაც ჩემპიონატში “ჩელსი” დაამარცხა. მატჩის ერთადერთი გოლი კი მონტეროს მიერ იქნა ორგანიზებული, სიგურდსონის მიერ კი შესრულებული.
Chelsea have lost their first Premier League game since Guus Hiddink took charge in December 2015. pic.twitter.com/gtAfaRxM4Z
— Squawka Football (@Squawka) April 9, 2016
საბოლოო ჯამში გუნდი ყველა ტურნირიდან გამოვარდა და ყველანაირი შანსი დაკარგა წარმატებისა. ეს ყველაფერი კი “მელიების” თავკაცს, კლაუდიო რანიერის ძალიან ახარებს, რამეთუ ჩემპიონატის მიწურულს მის კლუბს უმოტივაციო ლონდონელებთან მოუწევთ დაპირისპირება.
ინგლისი. “ვესტ ჰემისა” და “არსენალის” მატჩში გამარჯვება მხოლოდ ნეიტრალურ მაყურებლებს დარჩათ
შაბათის ყველაზე გამორჩეული მატჩი. არსენ ვენგერის გუნდი 0:2-ს უგებდა “ჩაქუჩებს” (იოზილისა და სანჩესის გოლების წყალობით), თუმცა 44-ე წუთზე ნამდვილი შოუ დაიწყო, რომლის მთავარი გმირიც ენდი ქეროლი გახლდათ.
44-ე წუთზე ქეროლმა კრესუელის პასი გამოიყენა, 46-ე წუთზე კი პაიეს დაუფასა შრომა. ასე რომ პირველი ტაიმის ბოლოს ანგარიში 2-2 იყო. მატჩის მეორე ნახევრის დაწყებისთანავე “ჩაქუჩებმა” “მეთოფეთა” კარისკენ გაიწიეს. ანტონიოს დარტყმის შემდეგ ბურთი ძელს მოხვდა, რის შემდეგაც ქეროლთან მივიდა, ამ უკანასკნელმა კი დიდი სიამოვნებით გაიფორმა ჰეთ-ტრიკი.
Andy Carroll has just scored his second ever Premier League hat trick.
What a time to do it. pic.twitter.com/XKTX158G8R
— Squawka Football (@Squawka) April 9, 2016
მართალია “არსენალმა” (კერძოდ კი კოშელნიმ) გაათანაბრა, თუმცა სიტუაცია მაინც მძიმზე: “ლესტერთან” ჩამორჩენა უკვე 10 ქულაა. სამაგიეროდ ქეროლის საქმეები ბრწყინვალედ მიდის – მედია უკვე ალაპარაკდა მის ევრო-2016-ზე მოხვედრის შანსებზე.
და კიდევ:
• ქეროლმა 10-ჯერ დაარტყა კარის მიმართულებით – წლევანდელი სეზონის რეკორდი. მათი ნახევარი კი კარში წავიდა.
და კიდევ, ინგლისში:
• ალან პარდიუს “კრისტალმა” 2016 წლის პირველი გამარჯვება მოიპოვა – პარდიუს შეგირდებმა “ნორვიჩს” აჯობეს (1-0).
ესპანეთი. “ბარსელონამ” “ატლეტიკოსთან” მატჩამდე კარგად დაისვენა
და წააგო “სოსიედადთან”, “სოსიედადის” სტადიონზე ზედიზედ მეოთხეჯერ. ერთადერთი გოლი მიკელ ოიარსაბარმა და ხავი პრიეტომ შექმნეს მატჩის დაწყებისთანავე. დარჩენილი დრო კი “ბარსელონა” ცდილობდა, ცდილობდა თუმცა ამაოდ.
იქნებ მასპინძლებს უბრალოდ გაუმართლათ?
ბურთის ფლობის მხრივ, “ბლაუგრანა” უდიდეს უპირატესობას ფლობდა: 72% 28%-ის წინააღმდეგ. პასების სიზუსტის მხრივაც: 86% 62%-ის წინააღმდეგ. კატალონიელებმა კუთხურიც მეტი ჩამოაწოდეს: 9, 5-ის წინააღმდეგ. კარშიც მეტჯერ დაარტყეს – 13-ჯერ, მასპინძლებმა – 5-ჯერ. მოკლედ რომ ვთქვათ, ეს “ბარსას” ტიპიური მარცხი იყო.
Barcelona. One love.
Подорожник к фотке нужно приложить ???????????? pic.twitter.com/W2VJKYF5ug— Johnny Jr. Todd (@blaugranas_91) April 9, 2016
და კიდევ ესპანეთში:
• “რეალმა” შინ “ეიბარი” გაანადგურა (4:0). ხამესმა შესანიშნავი ჯარიმა გაიტანა. გაიტანა რონალდომაც, მართალია ცარიელ კარში, თუმცა ლამაზად. გაიტანეს ვასკესმა და ხესემაც. რაც მთავარია, “ბლანკოსი” 4 ქულით დაუახლოვდა “ბარსას”, თუმცა ძნელი დასაჯერებელია, რომ “ბლაუგრანას” კიდევ ორჯერ დაუცდება ფეხი.
• მესიმ 7-ჯერ დაარტყა მეტოქის კარის მიმართულებით, თუმცა მე-500-ე გოლი კვლავ არ ჩანს.
Cristiano Ronaldo, take a bow.
He's made yet more La Liga history today.https://t.co/GBmPhojulD pic.twitter.com/iRwFb5r06i
— BBC Sport (@BBCSport) April 9, 2016
• “ატლეტიკოს” ჩამორჩენა “ბარსასთან” კი მხოლოდ 3 ქულაა. შაბათს მადრიდელები ამ კვირაში მეორეჯერ ეწვივნენ კატალონიას, თუმცა ამჟამად “ესპანიოლთან” სათამაშოდ. მასპინძლებმა ანგარიში პირველებმა გახსნეს, თუმცა სიმეონეს გუნდმა ტორესის, გრიზმანისა და კოკეს გოლებით უპასუხეს. 1-3.
გერმანია. “ბავარიას” გაუჭირდა
პეპის მდგომარეობა რთულია: ერთი მხრივ “სიტიზე” ფიქრობს, მეორ მხრივ კი “ბაიერნზე”. ფიქრობს ჩემპიონთა ლიგაზეც . თუმცა როგორც ჩანს, ბუნდესლიგაზე ფიქრს ვერ ახერხებს. რიბერისა და ალბას მიერ გატანილი გოლების შემდეგ, “ბაიერნი” “შტუტგარდთან” მატჩში მოეშვა და ძალების დაზოგვა სცადა.
David Alaba & Douglas Costa on target in 3-1 victory as Bundesliga leaders Bayern go 8 points clear in Germany. #UCL pic.twitter.com/TTcI0andY0
— Champions League (@ChampionsLeague) April 9, 2016
მატჩში ინტრიგა დიდავიმ შემოიტანა, რომელმაც ნოიერის კარის აღება მოახერხა. “რეკორდმაისტერმა” და “შტუტგარდმა” კარგა ხანი იწვალეს, თუმცა საბოლოოდ გამარჯვება მაინც ბავარიელებს დარჩათ – მატჩის მიწურულს დუგლას კოშტამაც გაიტანა. 1-3.
იტალია. “იუვე” “მილანს” კვლავ უგებს
სინიშა მიჰაილოვიჩის გუნდი, რომელიც ასე თუ ისე კარგ ფორმაშია, “იუვეს” დაუპირისპირდა. 4-4-2 სქემაში სინიშამ ბალოტელისთვისაც გამოძებნა ადგილი, რომელსაც ბაკა ეხმარებოდა. თავიდან ყველაფერი მილანელთა სასარგებლოდ დაიწყო, მე-18 წუთზე ანგარიში სანდროს გოლის წყალობით 1-0 იყო.
Pogba celebrates his goal. pic.twitter.com/Q9Z9wlKHhc
— Khaled Al Nouss (@KhaledAlNouss) April 9, 2016
თუმცა “ბებერ ქალბატონს” დანებება არ სჩვევია. ტურინელებმა მანჯუკიჩისა და პოლ პოგბას გოლების წყალობით კვლავ მოახერხეს “როსონერის” დაჯაბნა.
და კიდევ, იტალიაში:
• “ინტერმა” გასვლაზე “ფორზინონე” დაამარცხა. გოლი გაიტანა იკარდიმ, რომლისთვისაც ეს მე-100-ე მატჩში 50-ე გოლი გამოდგა. მანჩინი მეოთხეზეა და ჩემპიონთა ლიგის საგზურამდე 8 ქულა აშორებს.
“სუონსიმ” მთავარი მწვრთნელი გაათავისუფლა
“სუონსი სიტიმ” კლუბის მთავარი მწვრთნელის პოსტიდან გარი მონკი გაათავისუფლა.
უელსური კლუბის პრესსამსახური ამ გადაწყვეტილებას ასე ხსნის: “გუნდის გარშემო არსებულ გაურკვევლობასთან დაკავშირებით მივიღეთ გადაწყვეტილება, რომელიც “სუონსისა” და კლუბის ფანების ინტერესებშია”.
გარი მონკი “სუონსი” სიტის” 2014 წლის თებერვლიდან თავკაცობდა. მისი ხელმძღვანელობით გუნდმა 77 მატჩი ჩაატარა, საიდანაც 28 გამარჯვებით, 17 ფრედ, 32 კი მარცხით დაასრულა.
ჯერჯერობით უცნობია, თუ ვინ შეცვლის გარი მონკს. პრესაში გავრცელებული ინფორმაციის თანახმად, “სუონსი” შესაძლოა, დევიდ მოიესმა ან ბრენდან როჯერსმა ჩაიბაროს.
ინგლისის პრემიერლიგის მიმდინარე გათამაშებაში “სუონსი” სიტის” 14 ქულით სატურნირო ცხრილის მე-15 პოზიცია უკავია. გუნდმა შარშანდელი სეზონი მერვე ადგილზე დაასრულა.
პატარა ბავშვის რეაქცია, როცა მან უეინ რუნი დაინახა (ვიდეო)
30 აგვისტოს, ინგლისის პრემიერ ლიგაში, “სუონსისა” და “მანჩესტერ იუნაიტედს” შორის გამართული მატჩის დაწყების წინ, კამერებმა საინტერესო კადრი დააფიქსირეს.