ჭდე: სუპერლიგა

„მგზავრებმა“ რუსთავში მოიგეს, „ბათუმმა“ „აკადემია“ დაამარცხა

Posted on by Alix

საკალათბურთო სუპერლიგის 26-ე ტურის დარჩენილი ორი მატჩი რუსთავსა და ბათუმში შედგა.

ქვემო ქართლში ადგილობრივმა გუნდმა „მგზავრებს“ უმასპინძლა. სატურნირო თვალსაზრისით, ორივე მეოთხე ადგილისთვის მებრძოლი გუნდისთვის ამ შეხვედრას დიდი მნიშვნელობა ჰქონდა. ამ ტურამდე, როგორც „რუსთავს“, ასევე „მგზავრებს“, 37 ქულა ჰქონდათ. დღევანდელი მატჩი კი „მგზავრების“ 3-ქულიანი გამარჯვებით, 76:79 დასრულდა.

პირველი მეთხედი „რუსთავმა“ ერთქულიანი ჰანდიკაპით (23:22) მოიგო, თუმცა მეორე ათწუთიანი პერიოდის შემდეგ სტუმრები 8-ქულიანი უპირატესობით ლიდერობდნენ (37:45). ამ პერიოდში რუსთაველთა მხრიდან აღსანიშნავი იყო კაელ ტურპინი, რომელიც როგორც დაცვაში, ასევე შეტევაში გუნდს დაეხმარა, სამჯერ ბურთი მეტოქის ფარშიც ჩატენა.

შესვენების შემდეგ რუსთაველები უკეთ გამოიყურებოდნენ და ბოლო მეოთხედის წინ სხვაობა ხუთ წულამდე შეამცირეს. ბოლო მეოთხედის მიმდინარეობისას რამაზ გოგობერიშვილის გუნდმა დაწინაურებაც მოახერხა, თუმცა „მგზავრები“ თამაშში მალე დაბრუნდნენ. შეხვედრის დასრულებამდე 33 წუთით ადრე, როდესაც ანგარიში 74:74 იყო, კაჰიმ რენსომმა მეტოქის ფარში სამქულიანი სროლის ჩაგდება შეძლო, რამაც შეხვედრის შედეგზე იმოქმედა. 1 წამით ადრე „რუსთავი“ შეტევაში დაჯარიმდა, რეჯი მურფის ორიდან ერთი სროლა (პირველი) ზუსტი გამოდგა.

„რუსთავის“ მხრიდან 34 ქულით, 10 მოხსნითა და 4 პასით ნიკოლა გაჩეშა გამოირჩა. სათქმელია, რომ რუსთაველთა გამთამაშებელმა ლევან გამყრელიძემ 2 ქულასთან და 6 მოხსნასთან ერთად 18 პასი მიითვალა, რითიც პასების მხვრივ სეზონში თავისივე და ზოგადად სუპერლიგის შედეგი გააუმჯობესა. „მგზავრებიდან“ 21 ქულა, 4 პასი და 5 მოხსნა კაჰიმ რენსომმა მიითვალა. მასზე 1 ქულით ნაკლები რეჯი მურფიმ დააგროვა, რომლის ანაგრიშზე ასევე 11 მოხსნაა.

ამ გამარჯვებით „მგზავრებმა“ 39 ქულა დააგროვეს და სატურნირო ცხრილში მე-5 ადგილი დაიკავეს. ამჟამად ბერიშვილის გუნდი მე-4 ადგილზე მყოფ „სოხუმს“ 1 ქულით ჩამორჩება. შემდეგ ტურში, რომელიც ოც აპრილს შედგება, „მგზავრების“ მეტოქე სწორედ „სოხუმი“ იქნება. რაც შეეხება „რუსთავს“, ის აუტსაიდერ „აკადემიას“ 23 აპრილს შეხვდება.

„რუსთავი“ – „მგზავრები“ 76:79 (23:22, 14:23, 17:14, 22:20)

მატჩის სრული სტატისტიკა

გათამაშების ცხრილის ლიდერმა „ბათუმმა“ ბოლოადგილოსანი „აკადემია“ 21 ქულით დაამარცხა (110:89). აჭარელთა მხრიდან 22 ქულით, 9 მოხსნითა და 7 პასით საუკეთესო ლეონიდ შტეფანიშინი იყო. „აკადემიადან“ 25 ქულა და 10 მოხსნა აკაკი ლომოურმა მიითვალა.

26 ტურის შემდეგ „ბათუმს“ 44 ქულა აქვს და მეორე ადგილზე მყოფ „სოხუმს“ 1 ქულით უსწრებს. „აკადემია“ 31 ქულით ბოლო ადგილზე რჩება და მე-7 საფეხურზე მყოფ „ოლიმპს“ 4 ქულით ჩამორჩება.

„ბათუმი“ – „აკადემია“ 110:89 (27:20, 25:22, 28:20, 30:27)

მატჩის სრული სტატისტიკა

„დინამო“ პლეიოფში გავიდა, „ქუთაისმა“ 26 ქულით მოიგო

Posted on by Alix

თბილისის „ახალ სპორტის სასახლეში“ საკალათბურთო სუპერლიგის რეგულარული ჩემპიონატის 26-ე ტურის პირველი ორი მატჩი შედგა.

პირველ შეხვედრაში ერთმანეთს ცხრილში მეზობლები „დინამო“ და „სოხუმი“ შეხვდნენ. შეხვედრა „დინამოელთა“ 5-ქულიანი გამარჯვებით, 67:62 დასრულდა.

პირვლეი მეოთხედის შემდეგ ხოშტარიას გუნდი სწორედ 5 ქულით იგებდა (20:15). დიდი შესვენების წინ „დინამომ“ უპირატესობა 11 ქულამდე გაზარდა (41:30). მესამე ათწუთიანი პერიოდი თანაბარი ანაგრიშთ დასრულდა, ბოლო მეოთხედში კი სოხუმელებმა სხვაობა ხუთ ქულაზე მეტით ვერ შეამცირეს.

„დინამოდან“ 26 ქულით მაქსიმ კოვაჩევიჩი გამოირჩა, „სოხუმს“ კი 23 ქულით ფილიპ მილერმა ულიდერა.

ამ მოგებით მესამე ადგილზე მყოფმა „დინამოელებმა“ 42 ქულა დააგროვეს და პირველი ოთხეულის პლეიოფში ადგილი გაინაღდეს. რაც შეეხება „სოხუმს“, 40 ქულით გუნდი მეოთხე პოზიციაზე დარჩა და პლეიოფისთვის ბრძოლას გააგრძელებს.

„დინამო“ – „სოხუმი“ 67:62 (20:15, 21:15, 15:15, 11:17)

მატჩის სრული სტატისტიკა

„ოლიმპსა“ და „ქუთაისს“ შორის შეხვედრა კი იმერელთა 26-ქულიანი გამარჯვებით დასრულდა (103:77). სათქმელია, რომ დღევანდელ შეხვედრაში „ოლიმპს“ სხვადასხვა მიზეზით ოთხი კალათბურთელი ვერ დაეხმარა, მიუხედავად იმისა, რომ ოთხივე შეხვედრის განაცხადში იყო (საუბარია ჯერემი ბაინუმზე, ნუგზარ აბულაძეზე, კახა ტომარაძესა და ოლექსანდრ კოსენკოვზე), შესაბამისად, ივატინის გუნდის რიგებიდან მხოლოდ ექვსმა კალათბურთელმა ითამაშა.

„ქუთაისიდან“ ამ მატჩში  35 ქულით საუკეთესო გიორბი ბარბაქაძე იყო, „ოლიმპიდან“ კი 23 ქულა ლესლის სმიტმა დააგროვა.

„ოლიმპი“ – „ქუთაისი“ 77:103 (25:27, 15:18, 22:24, 15:34)

მატჩის სრული სტატისტიკა

26-ე ტური ხვალ რუსთავსა და ბათუმში გაგრძელდება. „ბათუმი“ ბოლოადგილოსან „აკადემიას“ მიიღებს, „რუსთავი“ კი „მგზავრებს“ შეხვდება.

ტუღუში: „ვერ ვიტყვი რომ ჩვენი საუკეთესო თამაში იყო“

Posted on by Alix

„ქუთაისის“ მთავარმა მწვრთნელმა კოტე ტუღუშმა „სოხუმთან“ ერთი ქულით მოგებული შეხვედრა შეაჯამა.

„როგორც ველოდით თამაში დრამატულად წარიმართა. სოხუმი სუპერლიგის ერთერთი ფავორიტი გუნდია და ბუნებრივია ადვილი არ იქნებოდა გამარჯვების მოპოვება. ძალიან დაგვაკლდა ჩვენი გულშემატკივარი და ის, რასაც მოედნის უპირატესობა ჰქვია, ამიტომ მინდა მოვუწოდო ყველას, რომ მომავალში მაქსიმალურად კორექტულები იყვნენ, რადგან ისინი ჩვენთვის ძალიან ბევრს ნიშნავს. დღევანდელ თამაშს რაც შეეხება, ვერ ვიტყვი რომ ჩვენი საუკეთესო თამაში იყო, თუმცა მთავარი მაინც ისაა, რომ გამარჯვებამოვიპოვეთ. მომავალში ვეცდებით ყველა შეცდომა და ხარვეზი აღმოვფხვრათ რაც გვაქვს“, – ციტირებს ტუღუშს სუპერლიგის ოფიციალური ვებსაიტი.

„ქუთაისმა“ „სოხუმს“ ერთი ქულით აჯობა

Posted on by Alix

საქართველოს საკალთბურთო სუპერლიგის 25-ე ტური ქუთაისში დაიწყო, სადაც ადგილობრივმა გუნდმა „სოხუმს“ უმასპინძლა და ერთი ქულით – 68:67 დაამარცხა.

პირველი ორი მეოთხედის შემდეგ სტუმრები ანგარიშით 28:26 იგებდნენ. მესამე ათწუთიან პერიოდში ტუღუშის გუნდმა სოხუმელები უშანსოდ დატოვა და მეოთხედი 21 ქულით მოიგო (26:5). ბოლო მეოთხედში კვარაცხელიას გუნდს ანგარიშის გასათანაბრებლად მხოლოდ ერთი ქულა დააკლდა.

„ქუთაისის“ რიგებიდან 15-15 ქულა ზაურ ფაშაევმა და ივან მიკულიჩმა მიითვალეს. მათზე ქულით ნაკლები გოგა ცეკვავამ დააგროვა. „სოხუმის“ მთავარი შემსრულებელი 20 ქულით ფილიპ მილერი აღმოჩნდა.

ამ გამარჯვებით „ქუთაისმა“ 41 ქულა დააგროვა, „ბათუმს“ ქულით გაუსწრო და ხვალამდე პირველ ადგილზე გადაინაცვლა.

„ქუთაისი“ – „სოხუმი“ 68:67 (15:19, 11:17, 26:5, 16:26)

მატჩის სრული სტატისტიკა

რეგულარული ჩემპიონატის 25-ე ტური ხვალ გაგრძელდება. თბილისის „ახალ სპორტის სასახლეში“ 14:00 საათზე ერთანეთს „მგზავრები“ და „ოლიმპი“ შეხვდებიან, რის შემდეგაც 16:00 საათზე „დინამოსა“ და „აკადემიას“ შეხვედრაა დაგეგმილი. ბოლო მატჩი 18:00 საათზე რუსთავში დაიწყება, სადაც ადგილობრივი გუნდი „ბათუმს“ უმასპინძებს.

„ქუთაისმა“ „დინამოს“ სეზონში მესამედ მოუგო

Posted on by Alix

სუპერლიგის 21-ე ტურის პირველი მატჩი ქუთაისში შედგა, სადაც ადგილობრივმა გუნდმა წინა ტურში პირველ ადგილზე გასულ „დინამოს“ უმასპინძლა. მიმდინარე სეზონში „დინამოელებმა“ კოტე ტუღუშის გუნდთან წინა წრეების ორივე მატჩი წააგეს და დღესაც დამარცხდნენ – ამჯერად ქუთაისელებმა 4 ქულით (82:78) გაიმარჯვეს.,

პირველი მეოთხედის შემდეგ მასპინძლები 3 ქულით იგებდნენ (19:16), დიდი შესვენების წინ კი თავისი უპირატესობა 11 ქულამდე გაზარდეს. სტუმრებმა მოახერხეს და მესამე მეოთხედი 12 ქულით მოიგეს, შესაბამისად, 1 ქულით დაწინაურდნენ, მაგრამ გადამწყვეტ ათ წუთში უკეთესი კვლავ „ქუთაისი“ იყო.

გამარჯვებულთა მხრიდან შთამბეჭდავი 15 ქულით, 17 მოხსნითა და 2 პასით საუკეთესო ბექა ბექაური გამოირჩა, „დინამოდან“ საუკეთესო ისევ გიორგი შარაბიძე გამოდგა, რომელმაც 19 ქულით, 4 მოხსნა და 2 პასი მიითვალა. ასევე 17 ქულა მიითვალა მიხეილ ბერიშვილმა, რომელმაც ბურთი 9-ჯერ მოხსნა.

ამ გამარჯვებით იმერლებმა 31 ქულა დააგროვეს და „დინამოს“ ქულებით გაუთანაბრდნენ.

შემდეგ ტურში „დინამოს“ კვლავ გასვლა ელის – ირაკლი ხოშტარიას გუნდი „ბათუმს“ ეწვევა, „ქუთაისი“ კი „მგზავრებს“ მიიღებს.

„ქუთაისი“ – „დინამო“ 82:78 (19:16, 25:17, 13:28, 25:17)

მატჩის სრული სტატისტიკა

ტური ხვალ, თბილისის „სპორტის ახალ სასახლეში“ გაგრძელდება – 14:00 საათზე „ოლიმპი“ – „რუსთავის“ მატჩის დაწყება იგეგმება, რის შემდეგაც ერთმანეთს „მგზავრები“ და „აკადემია“ შეხვდებიან. ტური სამშაბათს, ბათუმში, „ბათუმისა“ და „სოხუმის“ მატჩით დასრულდება.

„ქუთაისმა“ ბათუმში მოიგო

Posted on by Alix

დასრულა საკალათბურთო სუპერლიგის მე-20 ტურის მეორე მატჩი, რომელშიც პრიველა დგილზე მყოფმა „ბათუმმა“ „ქუთაისი“ მიიღო. შეხვედრა სტუამრთა გამარჯვებით 73:66 დასრულდა.

არადა, პირვლეი მეოთხედის შემდეგ მასპინძლები 3-ქულიანი უპირატესობით იგებდნენ (21:18), თუმცა შესვენების წინ ამავე სხვაობით უკვე ტუღუშის გუნდი იგებდა (37:41). მესამე მეოთხედში უსტიაშვილის გუნდმა ანგარიშის გათანაბრება შეძლო (54:54), მაგრამ ბოლო მეოთხედში ქუთაისელებმა მეტოქეს 7 ქულით აჯობეს.

ამ გამარჯვებით იმერლებმა 32 ქულა დააგროვეს და მინიმუმ ხვაკლამდე მეორე ადგილზე დარჩნენ. „ბათუმს“, რომლისთვისაც ეს ზედიზედ მეორე მარცხი გამოდგა, ქულების იგივე რაოდენობა აქვს, თუმცა ხვალ 31 ქულის მქონე „დინამოს“ ბოლოსწინა ადგილზე მყოფ „ოლიმპთან“ მოგების შემთხვევაში, ორივე გუნდი თითო პოზიციით ქვემოთ აღმოჩნდება.

„დინამო“ – „ოლიმპი“ ხვალ, „ახალ სპორტის სასახლეში“ 11 საათსა და 45 წუთზე დაიწყება, 14:00 საათზე კი ერთმანეთს „მგზავრები“ და „სოხუმი“ შეხვდებიან.

„ბათუმი“ – „ქუთაისი“ 66:73 (21:17, 16:23, 17:13, 12:19)

მატჩის სრული სტატისტიკა

„აკადემიას“ მეორე მოგება „ბათუმთან“, „მგზავრებისა“ და „დინამოს“ დიდი სხვაობით მარცხი

Posted on by Alix

პარასკევს „ქუთაისის სპორტის სასახლეში“ საქართველოს საკალათბურთო სუპერლიგის რეგულარული ჩემპიონატის მე-19 ტური „ქუთაისისა“ და „ოლიმპის“ მატჩით დაიწყო, რომელიც მასპინძელთა გამარჯვებით, 94:82 დასრულდა, რითიც კოტე ტუღუშის გუნდმა სამმატჩიანი წაგებების სერია შეწყვიტა. დღეს კი, თბილისის „ახალ სპორტის სასახლეში“ ტურის დარჩენილი სამი მატჩი შედგა.

პირველ შეხვედრა, რომელშიც ერთმანეთს ბოლოადგილოსანი „აკადემია“ და ცხრილის ლიდერი „ბათუმი“ შეხვდნენ, გამარჯვება აუტსაიდერმა იზეიმა. ცხრილში გუნდთა მდგომარეობის მიუხედავად, ეს გასაკვირი არ უნდა იყოს, რადგან მეორე წრეში „აკადემიამ“ ბათუმელები გასვლაზე დაამარცხა.

არადა, სტუმრებმა თამაში აქტიურად დაიწყეს და პირველ მეოთხედის მიმდინარეობისას 15 ქულთაც იგებდნენ (6:19), თუმცა დიდი შესვენების წინ „აკადემიელებმა“ სხვაობა მინიმუმამდე შეამცირეს (38:39). მესამე მეოთხედის შემდეგ „ბათუმი“ 5 ქულით იგებდა (57:62), მაგრამ უპირატესობის შენარჩუნება ვერ შეძლო, „აკადემიამ“ ბოლო მეოთხედში 8-ქულიანი ჰანდიკაპით გაიმარჯვა და, საბოლოოდ, მატჩი 4 ქულით მოიგო (77:74).

გამარჯვებულთა რიგებში ოც-ოცი ქულით სთროუბრიჯი და ტომარაძე გამოირჩნენ, „ბათუმიდან“ ქულების იგივე რაოდენობით აკაკი დვალიშვილი გამოირჩა, კრივცოვმა კი მასზე მხოლოდ ერთ ქულით ნაკლები დააგროვა.

„აკადემია“ – „ბათუმი“ 77:74 (13:22, 25:17, 19:23, 20:12)

მატჩის სრული სტატისტიკა

„მგზავრებსა“ და „რუსთავს“ შორის ცენტრალურ მატჩში ინტრიგა თავიდანვე ნაკლები იყო – რუსთაველებმა შეხვედრა კარგად დაიწყეს და პირველი მეოთხედის შემდეგ 10 ქულით (12:22) იგებდნენ. მართალია, მეორე მეოთხედში „მგზავრებმა“ სხვაობა სამ ქულამდე შეამცირეს, თუმცა ბერიშვილის გუნდს მეტის გასაკეთებლად ძალები აღარ ეყო. მესამე და ბოლო მეოთხედებში „რუსთავმა“ მეტოქეს კოშმარი მოუწყო და 21-ქულიანი სხვაობით, 84:63 გაიმარჯვა.

„რუსთავიდან“ საუკეთესო 17 ქულით, 9 მოხსნითა და 4 პასით ლევან გამყრელიძე იყო, „მგზავრებიდან“ კი კენდალ უილიამსი გამორიჩა, რომელმაც 19 ქულა, 2 მოხსნა და 1 პასი მიითვალა.

„მგზავრები“ – „რუსთავი“ 63:84 (12:22, 16:9, 9:25, 26:28)

მატჩის სრული სტატისტიკა

„ბათუმის“ მარცხი „დინამოსთვის“ პირველ ადგილზე გასვლის კარგი შანსი იყო, თუმცა ამისთვცის ხოშტარიას გუნდს „სოხუმისთვის“ უნდა მოეგო, რაც „დინამოელებმა“ დღეს ვერ შეძლეს. „მგზავრები“ – „რუსთავის“ მატჩის არ იყოს, აქაც ერთმა გუნდმა მეტოქეს საგრძნობი სხვაობით სძლია. თუმცა, „სოხუმელთა“ უპირატესობა ამ მატჩში მხოლოდ ბოლო მეოთხედში გამოიკვეთა – პირველი ათი წუთის შემდეგ კი ანგარიში თანაბარი იყო (18:18). დიდი შესვენების წინ „დინამო“ 2 ქულითაც დაწინაურდა, მაგრამ მესამე მეოთხედში „სოხუმი“ იგივე სხვაობით დაწინაურდა. ბოლო ათ წუთში კი ხოშტარიას გუნდს ვერაფერი გამოსდიოდა, სამაგიეროდ, კვარაცხელიას კალათბურთელები მომენტს მომენტზე იყენებდნენ და 24 ქულით გაიმარჯვეს (85:61).

საუკეთესო გამარჯვებულთა რიგებიდან 29 ქულით, 5 მოხსნითა და 4 პასით ფილიპ მილერი იყო, „დინამოდან“ კი, როგორც ხშირად, საუკეთესო გიორგი შარაბიძე იყო, რომელიც 19 ქულით, 8 მოხსნითა და 1 პასით გამოირჩა.

ამ გამარჯვებით „სოხუმმა“ ცხრილის ქვედა ნაწილს თავი დააღწია და ამჟამად 30 ქულით ოთხეულში დაბრუნდა. „დინამო“ 31 ქულით მეორეა.

„სოხუმი“ – „დინამო“ 85:61 (18:18, 20:22, 19:14, 28:7)

მატჩის სრული სტატისტიკა

„ოლიმპმა“ „ბათუმთან“ მატჩი ოვერტაიმში გადაარჩინა, „დინამომ“ და „სოხუმმა“ ადვილად მოიგეს

Posted on by Alix

დღეს, „ახალ სპორტის სასახლეში“, სუპერლიგის მე-17 ტურის 3 მატჩი შედგა.

ცენტრალურ შეხვედრაში ერთანეთს „ოლიმპი“ და ცხრილის ლიდერი „ბათუმი“ შეხვდნენ. „ოლიმპმა“ ახალი თავკაცის ლეონიდ ივანიტინის თავკაცობით „აკადემიასთან“ მე-15 ტურის გამოტოვებული შეხვედრა მოიგო და წარმატებას დღესაც მიაღწია. „მატჩი ძალიან საიტნერესო გამოდგა და მისი ბედი ოივერტაიმში გაირკვა. „ოლიმპელებმა“ ანაგრიშით 101:97 გაიმარჯვეს. „ბათუმმა“, თავის მხვრივ, ზედიზედ მეორედ წააგო.

შეხვედრის პირველივე მეოთხედი ძალიან შედეგიანი გამოდგა, გუნდებმა ჯამში 7 სამქულიანი ჩააგდეს, აქედან 4 „ოლიმპის“ ანგარიშზეა, თუმცა „ბათუმი“ მეორე მეოთხედის წინ ანგარიშით 28:25 იგებდა. სამაგიეროდ, მეორე მეოთხედში „ოლიმპმა“ სერიოზული ჰანდიკაპი მოიპოვა და დიდი შესვენების წინ მეტოქეს 53:44 ამარცხებდა. მესამე ათწუთიან პერიოდში „ბათუმმა“ სხვაობა მინიმუმამდე შეამცირა (70:69). ბოლო მეოთხედში სტუმრები მნივნელოვნად დაწინაურდნენ, ბოლო წუთზე „ოლიმპი“ 5 ქულით მარცხდებოდა, თუმცა შეხვედრის დასრულებამდე მხოლოდ ერთი წამით ადრე რევაზ როგავას სამქულიანი სროლა ზუსტი გამოდგა და მატჩი ოვერტაიმში გადავიდა (90:90), სადაც უკეთესი ივანიტინის გუნდი გამოდგა.

სუპერლიგის კვალობაზე მეტად სანახაობრივ და შედეგიან მატჩში გამარჯვებულთა რიგებიდან 23 ქულით, 7 მოხსნითა და 5 ასისტით საუკეთესო სწორედ რევაზ როგავა იყო. „ბათუმიდან“ შთამბეჭდავი 33 ქულით, 10 მოხსნითა და 2 პასით კრივცოვი გამოირჩა.

ამ გამარჯვებით „ოლიმპი“ ცხრილში მე-6 ადგილზე დარჩა, თუმცა „მგზავრებს“ 1 ქულით მიუახლოვდა. რაც შეეხება „ბათუმს“, უსტიაშვილს გუნდს „დინამოსთან“ ერთად 28 ქულა აქვს, თუმცა ურთიერთშეხვედრებში უპირატესობის წყალობით, აჭარლები პირველ ადგილზე დარჩნენ.

„ოლიმპი“ – „ბათუმი“ 101:97 (25:28, 28-:16, 17:25, 2021,11:7)

მატჩის სრული სტატისტიკა

დანარჩენი ორი მატჩის შედეგი:

„დინამო“ – „მგზავრები“ 86:63 (13:17, 24:9, 21:18, 28:19)
„აკადემია“ – „სოხუმი“ 74:89 (19:20, 15:22, , 19:21, 21:26)

გოგობერიშვილი: „მნიშვნელოვანი გამარჯვების მოპოვება შევძელით“

Posted on by Alix

„რუსთავის“ თავკაცი რამაზ გოგობერიშვილი თვლის, რომ მისმა გუნდმა „ქუთაისთან“ გასვლით მატჩში წარმატებას კარგი დაცვის ხარჯზე მიაღწია.

„თავიდანვე ჩვენი უპირატესობით წარიმართა თამაში და სასიხარულოა, რომ ეს ტემპი მატჩის ბოლომდე შევინარჩუნეთ. გადამწყვეტ მომენტს მაქსიმალურად მობილიზებულნი შევხვდით და კარგი დაცვის ხარჯზე მნიშვნელოვანი გამარჯვების მოპოვება შევძელით“, ციტირებს გოგობერიშვილს superleague.ge

ტუღუში: „აშკარად კრიზისში ვართ“

Posted on by Alix

„ქუთაისის“ მთავარმა მწვრთნელმა კოტე ტურუშმა „რუსთავთან“ სუპერლიგის მე-17 ტურის ანგარიშით 61:73 წაგებული საშინაო მატჩი შეაფასა.

„პირველ რიგში მივულოცავ „რუსთავს“ გამარჯვებას. არ გამოგვივიდა დღევანდელი თამაში. აშკარად კრიზისში ვართ და ეს კრიზისი ძალიან გაგვეწელა. თუმცა, მიუხედავად ამისა, ყურებს ნამდვილად არ ჩამოვყრით და შემდეგ ტურში უკეთესად ვითამაშებთ“, – განუცხადა ტუღუშმა სუპერლიგის ოფიციალურ საიტს.

აღსანიშნავია, რომ ტუღუშის გუნდისთვის ეს ზედიზედ მეორე მარცხი გამოდგა. შემდეგ ტურში ქუთაისელები თბილისში „სოხუმს“ შეხვდებიან.

საქართველოს თასის 1/4-ფინალში გასასვლელი ბოლო მატჩის ჩატარების თარიღი ცნობილია

Posted on by Alix

გაირკვა საქართველოს საკალათბურთო თასის 1/4 ფინალში გასასვლელი ბოლო მატჩის ჩატარების თარიღი. როგორც სუპერლიგის ოფიციალური საიტი იუწყება, „აკადემიასა“ და „ვითას“ შორის შეხვედრა 23 თებერვალს, 19 საათსა და 45 წუთზე დაიწყება.

აღნიშნული მატჩის გამარჯვებულს 1/4 ფინალში „დინამოსთან“ დაპირისპირება ელის.

სათქმელია, რომ 1/4 ფინალში ასევე „ბათუმი“, „რუსთავი“ და „სოხუმი“ გავიდნენ.

სუპერლიგის მე-17 ტური „რუსთავის“ ქუთაისური მოგებით დაიწყო

Posted on by Alix

დასრულდა საქართველოს საკალათბურთო სუპერლიგის მე-17 ტურის პირველი მატჩი, რომელშიც „ქუთაისმა“ „ქუთაისის სპორტის სასახლეში“ „რუსთავი“ მიიღო და ანგარიშით 61:73 დამარცხდა.

პირველი მეოთხედი სტუმრებმა 6 ქულით, 11:17 მოიგეს. მეორე მეოთხედში „ქუთაისმა“ სხვაობა მხოლოდ 1 ქულით შეამცირა. მესამე მეოთხედში „რუსთავმა“ უპირატესობა 11 ქულამდე გაზარდა და გადამწყვეტი 10-წუტიანი პერიოდის წინ 43:54 იგებდა. საბოლოოდ, ბოლო მეთოხედში სხვაობა კიდევ 1 ქულით გაიზარდა და რუსთაველებმა მნიშვნელოვანი გამარჯვება მოიპოვეს და მინიმუმ ხვალამდე მე-6 ადგილზე მყოფ „ოლიმპს“ გაუთანაბრდნენ, რომელსაც ცხრილის ლიდერ „ბათუმთან“ მატჩი ელის.

რაც შეეხება „ქუთაისს“ ტუღუშის გუნდმა ზედიზედ მეორე მატჩი წააგო. წინა ტურში, ასევე სახლში, იმერლები ბოლოადგილოსან „აკადემიასთან“ დამარცხდნენ. ამის მიუხედავად, გუნდი ჯერჯერობით მეორე პოზიციაზეა, მაგრამ „დინამოს“ „მგზავრებთან“ გამარჯვების შემთხვევაში, მესამე ადგილზე გადაინაცვლებს.

„რუსთავს“ შემდეგ ტურში მორიგი გასვლითი შეხვედრა ელის, რომელშიც „ბათუმს“ ესტუმრება, „ქუთაისი“ კი თბილისში „სოხუმს“ დაუპირისპირდება.

საუკეთესო „რუსთავის“ მხრიდან და ზოგადად მატჩში 24 ქულით, 2 მოხსნითა და 7 პასით გიორგი გამყრელიძე იყო. „ქუთაისიდან“ 14-14 ქულით გიორგი ცეკვავა და ივან მიკულიჩი გამოირჩნენ, თუმცა ლეგიონერმა ასევე 5 პასი და 5 მოხსნა მიითვალა, ცეკვავას ანგარიშზე კი მხოლოდ 1 მოხსნაა.

„ქუთაისი“ – „რუსთავი“ 61:73 (11:17, 13:12, 19:25, 18:19)

მატჩის სრული სტატისტიკა