ჭდე: სუპერლიგა

თბილისის სპორტის სასახლეში სუპერლიგის პლეი ოფები დაიწყო. პირველ მეოთხეფინალურ შეხვედრაში ერთმანეთს ,,შსს აკადემია’’ და ,,სოხუმი’’ დაუპირისპირდნენ და მაყურებელს ნამდვილი სანახაობა შესთავაზეს.

შეხვედრა, რომელიც საკმაოდ თანაბრად, გარდამავალი უპირატესობით მიმდინარეობდა საბოლოოს სოხუმელთა გამარჯვებით, 81-78 დასრულდა და “სოხუმი” სერიაში 1:0 დაწინაურდა.

მატჩის ყველაზე შედეგიანი მოთამაშე სოხუმელთა ლეგიონერი პელეი გახდა, რომელმაც საკუთარ გუნდს 32 ქულა შესძინა. გამოირჩეოდა ჩლაიძეც, რომლის აქტივში 22 ქულაა. წაგებული გუნდის შემადგენლობაში კი ყველაზე შედეგიანი 16 ქულით გიორგი შარაბიძე იყო.

დაძაბულობით პირველს არც მეორე მატჩი ჩამორჩა, რომელშიჩ “დინამომ” “მგზავრები-არმია” 2 ქულით, 84-82 დაამარცხა. მოქმედი ჩემპიონის გამარჯვებაში ტრადიციულად დიდი წვლილი გამყრელიძემ, ლეჟავამ, ლონდარიძემ და შერმანმა შეიტანეს. “მგზავრებში” კი იოსებ ლეჟაცა, ჯექსონი და მაკინი გამოირჩეოდნენ. ამ უკანასკნელმა 17 ქულასთან ერთად 19 მოხსნა შეასრულა.

დღის უკანასკნელი მატჩი კი რუსთავში შედგა, სადაც ადგილობრივმა კლუბმა “ოლიმპი” მიიღო. მაყურებელმა ამ შემთხვევაშიც დაძაბული ბრძლა იხილა, რომელიც მასპინძელთა გამარჯვებით 78-75 დასრულდა.

გუშინ თბილისის სპორტის სასახლეში სუპერლიგის რეგულარული ჩემპიონატი დასრულდა და პლეი ოფის წყვილებიც გაირკვა, სატურნირო ცხრილში დაკავებული ადგილების მიხედვით მეოთხედფინალში შემდეგი წყვილები ითამაშებენ:

დინამო(1) – მგზავრები-არმია(8)

შსს აკადემია(2) – სოხუმი(7)

ქუთაისი(3) – ბათუმი(6)

რუსთავი(4) – ოლიმპი (5)

პლეი ოფი სტარტს 4 მაისს აიღებს. მეოთხედფინალური სერია 3 მოგებამდე გაგრძელდება. მოედნის უპირატესობით ცხრილის ცხრილის ზედა ნაწილში მყოფი გუნდები, “დინამო”, “შსს”, “ქუთაისი” და “რუსთავი” ისარგებლებენ, რომელბიც პირველ ორ შეხვედრას მასპინძლის სტატუსით ჩაატარებენ. თუმცა, რეალურად  ხსენებული უპირატესობის გამოყენებას მხოლოდ ქუთაისელები და რუსთაველები შეძლებენ.

სუპერლიგის რეგულარული ჩემპიონატის ბოლო ტურის მატჩები (“შსს აკადემია” -“ქუთაისი”, “სოხუმი”-“დინამო”, ‘’მგზავრები-არმია’’ – ‘’რუსთავი’’), რომლებიც 25 აპრილს სპორტის  სასახლეში იყო დაგეგმილი, 25 აპრილის ნაცვლად 28 აპრილს გაიმართება.

“ოლიმპი” – ‘’ბათუმის’’ შეხვედრა კი, რომელიც 25 აპრილს სპორტკომპლექს  “არენაში” იყო დაგეგმილი, 25 აპრილის ნაცვლად 28 აპრილს   ”არენაში”  11:45 წუთზეგაიმართება.

უკანაკსნელი ტურის წინ რეგულარულში პირველი პოზიციის დასაკავებლად “დინამო” და “ქუთაისი” იბრძოლებენ. თბილისელთა წარუმატებლობის და საკუთარი მატჩის მოგების შემთხვევაში პირველ პოზიციაზე იმერლები გაინაღდებენ, “დინამოს” კი ლიდერობის შესანარჩუნებლად “სოხუმის” დამარცხება მართებს.

გუშინ ქუთაისსა და რუსთავში დაწყებული სუპერლიგის მე-13 ტური დღეს თბილისში გრძელდება. სპორტის სასახლემ უკვე უმასპინძლა ერთ მატჩს, რომელშიც ერთმანეთს „სოხუმი“ და „ბათუმი“ დაუპირისპირდნენ.

„ბათუმს“ 3 ამერიკელი ლეგიონერი ჰყავს, ამ გუნდს დიდი პოტენციალი გააჩნია და რამდენიმე ძლიერ მეტოქესაც სძლია, თუმცა ზღვისპირელებს სტაბილურობა აკლიათ. მას შემდეგ, რაც გუნდი გასულ თვეში დავით უსტიაშვილმა ჩაიბარა, ბათუმელებმა ქუთაისში იმარჯვეს და შინ „შსს-აკადემიას“ მოუგეს, თუმცა აუტსაიდერებთანაც დამარცხდნენ.

„ბათუმმა“ 3 კვირის წინ შინ ბოლო ადგილზე მყოფ „მგზავრები-არმიასთან“ წააგო, დღეს კი კიდევ ერთ აუტსაიდერთან დათმო შეხვედრა. სოხუმელებმა იბრძოლეს, ბოლომდე დაუდგნენ ცხრილში შედარებით  მაღლა მყოფ ბათუმელებს და გამარჯვებას მიაღწიეს – 87:84. მატჩის ბედი ბოლო წამებამდე გაურკვეველი იყო. მასპინძლებმა უფრო მობილიზებულად ჩაატარეს დასკვნითი, გადამწყვეტი ეპიზოდი და დამსახურებულად გაიმარჯვეს.

სოხუმელებს 19 ქულითა და 20 მოხსნით ბექა ბექაურმა ულიდერა. 19 ქულა დააგროვა გიორგი ჯგერენაიამაც, ხოლო ირაკლი ჩლაიძემ და პელე პეილეიმ 17-17 ქულა მიითვალეს. „ბათუმში“ ტრადიცულად ბიჯეი იანგი გამოირჩა, რომელმაც თავი 32 ქულას მოუყარა. 15-15 ქულით დაასრულეს შეხვედრა კრის ფელჩერმა და ნიკ კელოგმა.

მე-13 ტურის ბოლო მატჩში ერთმანეთს სუპერლიგის ლიდერები – „დინამო“ და „შსს-აკადემია“ შეხვდებიან.

მატჩისშემდგომი პრესკონფერენცია

ვაჟა კვარაცხელია(,,სოხუმის’’ მთავარი მწვრთნელი): მადლობა ბათუმის გუნდს კარგი თამაშისთვის, ფავორიტად ითვლებოდნენ, თუმცა ყველაფერი გავაკეთეთ, რომ მოგვეგო თამაში. მადლობას ვეტყვი ჩემს ბიჭებს, ყველა დავალება შეასრულეს და ბოლომდე იბრძოლეს გამარჯვებისთვის.

დავით უსტიაშვილი(,,ბათუმის’’ მთავარი მწვრთნელი): ვულოცავ ,,სოხუმს’’ გამარჯვებას, დაძაბული და საინტერესო შეხვედრა გამოვიდა. სამწუხაროდ, მესამე თამასი წავაგეთ ბოლო წუთებზე, ,,მგზავრებთან’’, ,,რუსთავთან’’, დღეს ,,სოხუმთან’’ – ყველაფერს, ფაქტობრივად, ერთი ბურთი წყვეტდა. ბევრი შეცდომა დავუშვით, 87 ქულა მივიღეთ, რაც დაცვაში ხარვეზებზე მეტყველებს. ბევრი 3-ქულიანი ვასროლინეთ და ჩავაგდებინეთ მეტოქეს და ეს ვერ გავაკონტროლეთ. კიდევ ერთხელ ვულოცავ მეტოქეს, ჩვენ კი ვიმუშავებთ შეცდომების გამოსწორებაზე.

გიორგი ჯგერენაია(,,სოხუმი’’): პირველ რიგში, მადლობა ,,ბათუმს’’. ფავორიტები იყვნენ, თუმცა მიხარია, რომ მოვახერხეთ თამაშის ჩვენს სასარგებლოდ დამთავრება. მიუხედავად ცუდი სტარტისა, ნელ-ნელა ფორმაში შევდივართ და იმედია, პლეი ოფებს სათანადოდ მომზადებულები შევხვდებით.

ნოდარ თენიეშვილი(,,ბათუმი’’): მინდა მადლობა გადავუხადო ,,სოხუმს’’ კარგი თამაშისთვის და მივულოცო გამარჯვება. ძალიან ბევრი შეცდომა გვქონდა როგორც დაცვაში, ისე შეტევაში. ამ ყველაფერზე ვიმუშავებთ და იმედია, გამოვასწორებთ. ,,ოლიმპთან’’ თამაშამდე თითქმის 1 თვე გვაქვს, ეს საკმაო დროა, რომ კარგად მოვემზადოთ.

სუპერლიგის რეგულარული ჩემპიონატის ბოლოსწინა, მე-13 ტური დღეს რეგიონებში დაიწყო. მატჩებს რუსთავმა და ქუთაისმა  უმასპინლეს, სადაც სათამაშოდ შესაბამისად „ოლიმპი“ და „მგზავრები-არმია“ ჩავიდნენ.

შეგახსენებთ, რომ „ოლიმპმა“ გასულ ტურში ჩემპიონატის ფავორიტი „შსს-აკადემია“ დაამარცხა. ამ გუნდის საამაყო გამარჯვებების სიაში ამ რეზულტატთან ერთად პირველ წრეში თბილისში „რუსთავის“ დამარცხებაც გახლდათ. მიხეილ ბერუაშვილის გაწვრთნილმა ქვემოქართლურმა გუნდმა „ოლიმპს“ რევანში აუღო და დღეს, რუსთავის დარბაზში 82:69 დაამარცხა.

„ოლიმპმა“ ტრადიციისამებრ სწრაფად დაიწყო თამაში და მისი წევრები შედეგიანადაც ირჯებოდნენ. გია კაზანჯიანის გუნდმა პირველი მეოთხედი 25:19 მოიგო და ლიდერობას დიდი შესვენებისთვისაც ინარჩუნებდა. მესამე პერიოდში მასპინძლებმა თამაშში გარდატეხა შეიტანეს. შედეგიანად ამოქმედდა რუსთაველთა როგორც წინა, ისე უკანა ხაზი და 8-ქულით მოგებული მესამე ათწუთეულის შემდეგ ქვემოქართლელებმა გამარჯვებისთვის საჭირო უპირატესობა მოიპოვეს.

რუსთაველთა გამარჯვებაში უდიდესი წვლილი გოგა ცეკვავას მიუძღვის, რომელმაც 23 ქულა, 7 მოხსნა და 7 პასი მიითვალა. 19 ქულა მიხეილ ჭოჭუას ანგრიშზეა, 8 ქულა და 10 მოხსნა აკაკი დვალიშვილმა მოინაგრა. „ოლიმპში“ 16 ქულით ბომბარდირი მარკო დუიკოვიჩი გახდა, 15 ქულა ნოდარ გოგოძის ანგარიშზეა.

ქუთაისში დაგეგმილი გამარჯვება მოიპოვა მალხაზ კოხრეიძის გუნდმა. იმერულმა კლუბმა სუპერლიგის ერთ-ერთ აუტსაიდერ „მგზავრები-არმიას“ უმასპინძლეს და 78:71 დაამარცხეს. ქუთაისელებმა პირველი ტაიმი 18 ქულით მოიგეს და საბოლოოდ გამარჯვებამდე მისვლა აღარ გასჭირვებიათ.

გუნდურად მოთამაშე ქუთაისელებში გიორგი ბარბაქაძე 16 ქულით გამოირჩა, ხოლო სენეგალელმა აბდულაი ნდოემ 10 ქულა და 14 მოხსნა მიითვალა. „მგზავრები-არმიაში“ 20 ქულითა და ამდენივე მოხსნით თავი ადრიკ მაკკინმა გამოიჩინა, მეორე ამერიკელმა ტამირ ჯექსონმა კი თბილისელებს 18 ქულა და 9 მოხსნა შესძინა.

სუპერლიგის მე-13 ტურის დარჩენილი 2 შეხვედრა ხვალ, 28 მარტს თბილისის სპორტის სასახლეში გაიმართება.

რუსთავი – ოლიმპი  82:69

მატჩისშემდგომი კომენტარები:

მიხეილ ბერუაშვილი, „რუსთავის“ მთავარი მწვრთნელი:

„როგორც მოსალოდნელი იყო, „ოლიმპმა“ იბრძოლა. ამ გუნდში ძირითადად ახალგაზრდა კლათბურთელები თამაშობენ, რომლებსაც ყველაფერი წინ აქვთ და მინდა მათ წარმატება ვუსურვო. ვულოცავ ჩვენს გუნდს ამ გამარჯვებას, რომლითაც მე-4 ადგილი შევინარჩუნეთ და სავარაუდოდ რეგულარულ ჩემპიონატს ამ პოზიციაზე დავასრულებთ“.

გია კაზანჯიანი, „ოლიმპის“ მთავარი მწვრთნელი:

„პირველ ტაიმში 5 სამქულიანი ჩავაგდეთ, ხოლო მეორეში არც ერთი. სწრაფი თამაში, რომელიც პირველ ტაიმში გამოგვდიოდა, მეორეში აღარ გამოგვივიდა, დაცვაშიც მოვიკოჭლეთ და წაგებაც ამ მიზეზებმა განაპირობა“.

ქუთაისი – მგზავრები-არმია   78:71

ანატოლი ბერიშვილი, „მგზავრები-არმიას“ მთავარი მწვრთნელი:

„ჩვენი მეტოქე ფავორიტი იყო. გვაკლდა რეზო ათანელიშვილი, ტატო ჩაჩიბაიას კი ფეხი ბოლომდე არ ჰქონდა მორჩენილი და სათანადოდ ვერ დაიხარჯა. პირველ ტაიმში ვერ შევასრულეთ ის, რაც დაგეგმილი გვქონდა, თუმცა მეორე ნახევარში მეტოქეს ვაჯობეთ და დიდი ჩამორჩენა შევამცირეთ. თავიდანვე რომ ისეთივე შედეგიანად გვეთამაშა, როგორც მეორე ტაიმში, სასურველი შედეგის მიღწევა შესაძლებელი იქნებოდა“.

მედეა მხეიძე, „ქუთაისის“ მწვრთნელი:

„მიუხედავად იმისა, რომ „მგზავრები-არმია“ ცხრილში ბოლო ადგილზე იყო, მე არ მეგონა, რომ იოლად გავიმარჯვებდით. პირველ ტაიმში 24-ქულიან უპირატესობას მივაღწიეთ და ეს ფაქტიურად გამარჯვებას ნიშნავდა, თუმცა მეორე ტაიმში მოხდა ის, რასაც ვვარაუდობდი. სტუმრებმა იპოვეს საკუთარი თამაში და მეორე ნახევარში გვაჯობეს. საბოლოოდ გამარჯვებამდე მაინც მივედით და მთავარი ესაა – გამარჯვებულებს არ ასამართლებენ. ვულოცავ ჩვენი გუნდის წევრებს ამ გამარჯვებას და მათ მადლობას ვუხდი.

სპორტკომპლექს არენაში საკალათბურთო სუპერლიგის მეორე წრის მე-5 ტურის შეხვედრა შედგა, რომლის ფარგლებშიც ერთმანეთს “ოლიმპი” და “შსს-აკადემია” დაუპირისპირდნენ.

გათამაშების ერთ-ერთი ფავორიტის და ყველაზე ახალგაზრდული გუნდის დაპირისპირება დაძაბული გამოდგა და საბოლოოდ “ოლიმპის” მოულოდნელი გამარჯვებით დასრულდა.

გადამწვყეტი უპირატესობა კაზანჯიანის შეგირდებმა უკანასკნელ მეოთხედში მოიპოვეს, რომელიც 19-10 მოიგეს და საბოლოო ანგარიში, 69-66 დააფიქსირეს.

მასპინძელთა შემადგენლობაში 15 ქულით საუკეთესო დენის ნოსკოვი გახდა, ხოლო მატჩის ყველაზე შედეგიანი მოთამაშე აკადემიელი გიორგი ცინცაძეა, რომლის ანგარიშზეც 18 ქულა დაფიქსირდა.

ოლიმპი 69-66 შსს-აკადემია