„დინამოს“ მთავარმა მწვრთნელმა ირაკლი ხოშტარიამ „სოხუმთან“ საქართველოს თასის ანგარიშით 85:59 მოგებული ფინალი შეაფასა.
„პირველ რიგშi, მინდა მივულოცო მთლიანად გუნდს და გულშემატკივარს, ვინც არამარტო ამ თამაშში, არამედ მთელი სეზონი ჩვენ გვერდით დგას. ფაქტია, დიდი სხვაობით გავიმარჯვეთ. ალბათ, ამ გამარჯვების ახსნა იმით შეიძლება, რომ მეტოქეს სეზონში მეხუთედ შევხვდით. წინ ჩემპიონატის პლეიოფი და მთავარი მატჩები გველის, მათთვის ზეგიdan მოვემზადებით“, – განაცხადა ხოშტარიამ.
საკალათბურთო „დინამო თბილისის“ მთავარმა მწვრთNელმა ირაკლი ხოშტარიამ „სოხუმთან“ მოგებული მატჩი შეაფასა.
„ამ გამარჯვებით ოთხეულში თამაში გავინაღდეთ. ყველამ კარგად იცის, როგორი მებრძოლი გუნდია „სოხუმი“ და ამ მატჩშიც ბოლომდე გაგვიწია წინააღმდეგობა. ჩვენდა სასიხარულოდ, ბიჭებმა გადამწყვეტ წუთებში მობილიზება მოახერხეს და ძალიან საჭირო გამარჯვებას მივაღწიეთ“, – ციტირებს ხოშტარიას სუპერლიგის ოფიციალური საიტი.
საკალათბურთო „დინამოს“ მთავარმა მწვრთნელმა ირაკლი ხოშტარიამ „სოხუმთან“ ოვერტაიმში 72:68 მოგებული მატჩის შესახებ ისაუბრა.
„დაძაბული და სანახაობრივი მატჩი შედგა. თავიდან არ წაგვივიდა თავდასხმაში თამაში და დაცვაშიც გარკვეული პრობლემები შეგვექმნა. საბედნიეროდ, მოვახერხეთ თამაშის „ოვერტაიმში“ გადაყვანა, დამატებით დროში კი, სადაც ორივე გუნდი იმსახურებდა მოგებას, გამარჯვება ჩვენს დაგვრჩა. შევეცდებით, მაქსიმალურად აღვიდგინოთ ძალები მომდევნო ტურისთვის და „ოლიმპთან“ შეხვედრას სათანადო მზადყოფნაში შევხდეთ“, – ციტირებს ხოშტარიას სუპერლიგის ოფიციალური ვებგვერდი.
როგორც უკვე მოგახსენებთ, დღეს საქართველოს 20-წლამდელთა საკალათბურთო ნაკრებმა ლატვიაში გამგზავრების წინ ბოლო ვარჯიში ჩაატარა. გუნდის ერთ-ერთმა მწვრთნელმა და თბილისის „დინამოს“ თავკაცმა ირაკლი ხოშტარიამ ნაკრებში არსებული მდგომარეობის შესახებ გვესაუბრა.
„გუნდში ნორმალური მდგობარეობაა. ყველა ტრავმის გარეშეა. ახლა თბილისურ შეკრებას მოვრჩით, ევროპის ჩემპიონატზე ჩვენი თამაშები ათ ივლისს იწყება, ამიტომაც ლატვიაში, , უნგრეთში და ლუქსემბურგში ამხანაგურ მატჩებს ჩავატარებთ. ვფიქრობ, ამ შეკრებებს ნაყოფიერად გამოვიყენებთ„, – განაცხადა ხოშტარიამ.
სუპერლიგის ფინალურის სერიის მესამე მატჩის დასრულების შემდეგ კომენტარი თბილისის “დინამოს” მთავარმა მწვრთნელმა, ირაკლი ხოშტარიამ გააკეთა.
ირაკლი ხოშტარია: “გამოუვალ მდგომარეობაში ვიყავით. წაგების შემთხვევაში სერია სრულდებოდა, რასაც ვერ დავუშვებდთ.
ძალიან რთულ სიტუაციაში ვართ. პოპოვიჩის შემდეგ ილია ლონდარიძეც გამოგვაკლდა და მთელი სიმძიმე 6-7 კაცზე გადადის.
ლონდარიძეს ცხვირი აქვს გატეხილი და ოპერაცია ესაჭიროება. იყო ალბათობა, რომ მას ნიღბით თამაშის, თუმცა უარი ვთქვით, რადგან მოთამაშის ჯანმრთელობა მთავარია.”
საქართველოს თასის ფინალის დასრულების შემდეგ ჟურნალისტების კითხვებს “დინამოს” მთავარმა მწვრთნელმა ირაკლი ხოშტარიამ და კაპიტანმა, გიორგი გამყრელიძემ ისაუბრეს.
ირაკლი ხოშტარია: “დიდი მადლობა მოწინააღმდეგეს საინტერესო თამაშიშთვის. მადლობა ჩვენს მოთამაშეებს, რომლებმაც დღეს ბოლომდე იბრძოლეს და შედეგიც სახეზე იყო. მადლობა გუნდის კაპიტანს. უკანასკნელ ორ ტურში ჩავარდნა გვქონდა, თუმცა ბიჭებმა იმუშავეს, დავალება შეასრულეს და შედეგიც მივიღეთ.
2004 წელს „დინამოსთან“ ერთად თასი კაპიტნის რანგში მოვიგე. ის გამარჯვება ძალიან სასიხარულო იყო, თუმცა დღევანდელ ტიტული განსაკუთრებულია. ახლა მოგება გაცილებით რთული იყო. დიდი მადლობა ჩვენს გულშემაკტივრებს, რომლებიც დღეს მხარს გვიჭერდნენ”
გიორგი გამყრელიძე: “მადლობა რუსთავს ასეთი კარგი თამაშიშთვის. ამ გუნდში სამი სეზონის მაქვს გატარებული და ძალიან დიდ პატივს ვცემ.
დინამოსთვის ღევანდელი შეხვედრა ძალიან მნიშვნელოვანი იყო. დაცვაში კარგად ვიბრძოლეთ, რაც გამარჯვების წინაპირობა გახდა. 8 წლის წინ მოპოვებულ გამრჯვებში მე და ირაკლი ხოშტარია ერთად ვთამაშობდით. იმედია, მის მიღწევას ოდესმე მეც გავიმაროებ, თუ მწვრთნელობას დავიწყებ. სულ სხვა განცდაა, როდესაც ტიტულებს „დინამოს“ კაპიტნის რანგში იგებ.”
შსს-აკადემიასთან წაგებული მატჩის შემდეგ ჟურნალისტების კითხვებს “დინამოს” მთავარმა მწვრთნელმა, ირაკლი ხოშტარიამ უპასუხა.
“ვულოცავ კოტეს და მეტოქე გუნდს გამარჯვებას. რთულია ასეთი მატჩის შედმეგ კომეტნარის გაკეთება. მეტოქემ თითქმის ყველა კომპენენტში, სისტემურად გვაჯობეს. რა თქმა უნდა ამას გაანალიზება სჭირდება. სამწვრთნელო შტაბმა ყველაფერი უნდა გააკეთოს მდგომარეობის გამოსასწორებლად. შემდეგ კვირაში თასის ფინალი და რეგულარულის ბოლო ტური გველის, რისთვისაც კარგად უნდა მოვემზადოთ.”
„დინამო“ – „ქუთაისის“ მატჩის დასრულების შემდეგ ორივე გუნდის მწვრთნელმა სპორტკომპლექს „არენას“ საპრესკონფერენციო დარბაზში განვლილი შეხვედრა შეაფასა.
წარმოგიდგენთ თბილისელთა თავკაცის ირაკლი ხოშტარიას კომენტარს.
„ორი კვირის განმავლობაში „ქუთაისთან“ სამი მატჩი ვითამაშეთ. თასზე ორი მოგებული შეხვედრის შემდეგ ვამბობდი, რომ ეს ძლიერი გუნდია, რომელთანაც ადვილი თამაში ვერ გამოვა. წინასამატჩო პრესკონფერენციაზეც აღვნიშნე, რომ რთული მატჩი გვექნება. რა თქმა უნდა, შეცდომები გვქონდა, თუმცა მეტოქეს კარგ თამაშს ვერ დავუკარგავ. ეს მარცხი ტრაგედია არ არის, რეგულარულში მხოლოდ მეორედ დავმარცხდით. ხვალიდან შემდეგი თამაშისთვის მოვემზადებით“, – განაცხადა „დინამოს“ დამრიგებელმა.
თბილისი მოლში ხვალ 2015 წლის “ოლსტარი” გაიმართება. მოახლოებული შეხვედრის შესახებ Fanebi.com-ს “თბილისის” გუნდის მწვრთნელი, ირაკლი ხოშტარია ესაუბრა.
“საინტერესო და კარგია, რომ ასეთ გარემოში ტარდება ხვალინდელი შეხვედრა. დაძაბული სეზონის შუაში განტვირთვა და შოუს დადგმა წაგვადგება. მთავარია, რომ ხვალ მაყურებელმა ისიამოვნოს” – განაცხადა ხოშტარიამ.
„დინამოსა“ და „სოხუმის“ მატჩის დასრულების შემდეგ სპორტკომპლექს არენას საპრესკონფერენციო დარბაზში ორივე გუნდის მთავარმა მწვრთნელმა მატჩი შეაფასა.
ირაკლი ხოშტარია („დინამოს“ თავკაცი): „პირველ რიგში დამდეგ შობა-ახალ წელს გილოცავთ, მინდა, როგორც პირად ცხოვრებაში, ასევე თქვენს საქმიანობაში წარმატება გისურვოთ.
დღეს წლის ბოლო თამაში იყო. უკვე აღვნიშნე, რომ წინა თამაშები არც თუ ისე სახარბიელოდ ჩავატარეთ. წინა ტურში წავაგეთ, თასის შეხვედრაშიც დამაჯერებლად ვერ ვითამაშეთ. დღეს მობილიზება მოვახერხეთ და გავიმარჯვეთ. სეზონის პირველი ნახევარი პირველ ადგილზე დავასრულეთ, რის გამოც ჩემი ბიჭების მადლიერი ვარ.
არ გამოვყოფ რომელიმე კონკრეტულ მოთამაშეს, თუმცა გუნდის კაპიტნის მიმართ საქებ სიტყვებს მაინც ვიტყვი. იგი მნიშვნელოვან როლს როგორც მოედანზე, ასევე მის გარეთ ასრულებს. იმედია, მეორე წრეში სხვა მოთამაშეებიც მოუმატებენ, მათ საამისოდ ნიჭი გააჩნიათ.
დღეს უპირტესობა უკვე მეორე ათ წუთში მოვიპოვეთ, რის შემდეგ თამაშის შანსი სხვა მოთამაშეებსაც მივეცი.
მოსულ გულშემატკივრებს დღეს მხარდაჭერისთვის მადლობა მინდა გადავუხადო“.
ვაჟა კვარაცხელია („სოხუმის“ მთავარი მწვრთნელი): „დინამოს“ გამარჯვებას ვულოცავ. დღეს ამ გუნდის მოგება ლოგიკური იყო. 5-5-ზე კალათბურთი დიდი ხანი არ გვითამაშია. ვარჯიში 6-კაციანი შემადგენლობით მოგვიწია. ცუდი პირველი ნახევარი გვქონდა. დასვენების პერიოდში ახალი კალათბურთელების დამატებაზე უნდა ვიფიქროთ“.
საკალათბურთო სუპერლიგის მეორე ტურის დაკსვნითი მატჩის, “დინამო” – “მგზავრები-არმიას” დასრულების შემდეგ მედიასთან კომეტნარები გუნდების მწვრთნელებმა და მოთამაშეებმა გააკეთეს.
ირაკლი ხოშტარია (დინამო): „შედეგი მისაღებია, თუმცა ბევრი სათამაშო კომპონენტი კიდევ დასახვეწი გვაქვს. ბევრი დადებით მომენტი იყო დღევანდელ შეხვედრაში, ცუდი კი ის არის, რომ ბოლო პერიოდი წავაგეთ, რაზეც ბიჭებთან საუბარი აუცილებლად მექნება.“
ბუბა ბერიშვილი (მგზავრები-არმია); „ვულოცავ მოწინააღმდეგე გუნდს ღირსეულ გამარჯვებას. გამოცდილებამ მაინც თავისი ქნა. ჩვენ ახალი შეკრებილები ვართ. სულ სამი კვირაა რაც ვვარჯიშობთ და შეთამაშების პრობლემა აშკარაა.“
ლუკა ზაქრაძე (მგზავრები-არმია): „ვულოცავ „დინამოს“ გამარჯვებას. ჯერჯერობით ბევრი შეცდომა გვაქვს, რაზეც ბევრია სამუშაო. სამომავლოდ აუცილებლად უნდა გამოვსწორდეთ.“
საკალათბურთო სუპერლიგის 2013/2014 წლების სეზონის გამარჯვებული ირაკლი ხოშტარიას გაწვრთნილი “დინამო” გახდა. თბილისური კლუბის დამრიგებელს სუპერთასის მატჩის შემდეგ გავესაუბრეთ და განვლილი სეზონის შეჯამებასთან ერთად სამომავლო გეგმებზეც ვესაუბრეთ.
– გასული სეზონი ჩვენთვის წარმატებული იყო. ჩემპიონატის მოგება შევძელით და გუნდში ჩემი და ახალი ხელძმღვანელობის მოსვლიდან მესამე სეზონზე ჩვენი მთავარი მიზანი შევასრულეთ. ამიტომ, სეზონს დადებითად შევაფასებდი.
– რამდენად განახორციელეთ ყველა ის იდეა, რაც სეზონის წინ გქონდათ დაგეგმილი?
– მთავარ მიზანს მივაღწიეთ და ეს სასიხარულოა. თუმცა, გუნდის თამაში ყველა შემთხვევაში უკეთესის სურვილს ტოვებს. მწვრთნელი, რომელიც საკუთარი შედეგებით და მუშაობით კმაყოფილია უბრალოდ ვერ განვითარდება.
– რა იყო მთავარ ფაქტორი, რამაც თქვენი ჩემპიონობა განაპირობა?
– ყველგან სადაც მიმუშავია და მომავალშიც ვიმუშავებ ჩემთვის მთავარი ყოველთვის დისციპლინა და სამართლიანობაა, რასაც შემდეგ ტაქტიკური მონახაზი და დანარჩენი მნიშნველოვანი ფაქტორები ემატება. მაგრამ, თუ გუნდში არ არის დისციპლინა და სამართლიანობა შედეგი არ იქნება.
ყველა მოთამაშემ უნდა იცოდეს, რომ ჩემთვის არ არსებოს პრივილეგირებული კალათბურთელი. რა თქმა უდნა, გუნდში არიან ლიდერები, მაგრამ ეს იმას არ ნიშნავს, რომ ასეთ მოთამაშეს გარკვეული პრივილეგიები ინიჭება.
ვფიქრობ, ამის განხორციელება “დინამოში” მოვახერხეთ და ამისთვის ჩემს მოთამაშეებს დიდ მადლობას ვეუბნები.
– რომელი იყო ყველაზე რთული მეტოქე წლევანდელ გათამაშებაში?
– ყველაზე რთული მეტოქე “ქუთაისი” იყო. მათ თავიანთი სათამაშო სქემა და სტილი აქვთ. წელს სამი მატჩი მოგვიგეს, მაგრამ იმ მატჩებში, სატურნირო მდგომარეობის გამო, ჩვენ მოტივაციის ნაკლებობას განვიცდიდით. თუმცა, მათ წარმატებას ამით არ ვაკნინებ. “ქუთაისი” ძალიან ძლიერი და მებრძოლი გუნდია.
– სუპერლიგის საუკეთესო მოთამაშედ სტევან მილოშევიჩი დასახელდა. ეთანხმებით თუ არა ამ მოსაზრებას?
– პირადად მეც სტევანს მივეცი ხმა და ასევე ლაშა გამყრელიძეც შევიყვანე ჩემს სამეულში. მილოშევიჩი ჩვენი გუნდის ნამდვილი ლიდერი იყო გასულ სეზონში. ის ჩემს მითითებებს ზედმიწევნით სწორად ასრულებდა როგორც თამაშებზე, ასევე ვარჯიშებზეც.
– “დინამოს” წარმატებაში ქართველ მოთამაშეებთან ერთად დიდი როლი ლეგიონერებმაც ითამაშეს. როგორ შეაფასებდით მათ ასპარეზობას განვლილ სეზონში?
– ლეგიონერება მართლაც კარგი სეზონი ჩაატარეს, თუმცა რაც მთავარია, ჩვენ მივაღწიეთ მთავარს და არ დავიყავით ჯგუფებად, შევინარჩუნეთ გუნდურობა. ამისთვის პირველ რიგში მადლობა ჩვენს ქართველ მოთამაშეებს. ლეგიონერებთან ერთად ქართველებმაც დიდი როლი ითამაშეს. გვქონდა მცირე ხარვეზები, მაგრამ საერთო ჯამში მოხერხდა ის, რომ ყველანი საერთო წარმატებაზე და გუნდზე ვფიქრობდით, რამაც შედეგი მოგვიტანა.
– მიმდინარე სეზონში “დინამო” აქტიური გულშემატკივრებითაც გამოირჩეოდა. რამნდენად მნიშვნელოვანია ეს თქვენთვის?
– გულშემატკივრებს განსაკუთრებული მადლობა მინდა გადავუხადო. “გლადიატორების” და “ფრონტის” მხარდაჭერა ბიჭებისთვის ძალიან მნიშვენლოვანია. ისინი გასვლით მატჩებზეც დაგვყვებიან და ეს ძალიან გვეხმარება. მათ უყვართ “დინამო” და ამისთვის მათ კიდევ ერთხელ დიდ მადლობას ვუხდი.
– სეზონი დასრულდა და საინტერესო თუ რას უნდა ველოდოთ მომავალში…
– “დინამოსთან” კონტრაქტი სეზონის ბოლომდე მქონდა. ვნახოთ, როგორ შეაფასებს ჩემს მუშაობას გუნდის ხელმძღვანელობა და სამომავლო გეგმებიც ამის შემდეგ გაირკვევა.
თუ გვინდა, რომ კლუბი განვითარეს აუცილებელია ევროპულ ასპარეზზე გასვლა. თუმცა, აქ უძლური ვარ და ეს ხელმძღვანელობის გადასაწყვეტია. პირადად მე ამისთვის მზად ვარ.
მარიამ ნიშნიანიძის ფოტოები
