ჭდე: თბილისის დინამო

ანთალიური შეკრების შემდეგ, გუნდის მთავარმა მწვრთნელმა მალხაზ ჟვანიამ ფეხბურთელებს რამდენიმე დღე დასვენების საშუალება მისცა. დღეს დინამოელებმა დიღმის საწვრთნელ ბაზაზე ივარჯიშეს.

FCDinamo.GE

თურქეთში მოსამზადებელ ეტაპზე მყოფი დინამოელები 3 თებერვალს მორიგ საკონტროლო მატჩს ჩაატარებენ. ჩვენი გუნდი ჩეხეთის უმაღლესი დივიზიონის (გამბრინუს ლიგის) წარმომადგენელს, მლადა ბოლესლავს დაუპირისპირდება. მატჩი თბილისის დროით 19:00 საათზე დაიწყება. ჩვენი გუნდის ოფიციალური ვებ-გვერდი აღნიშნული თამაშის პირდაპირ ვიდეო-რეპორტაჟს გეგმავს.

ჩვენი მეტოქე – მლადა ბოლესლავი

საფეხბურთო კლუბი მლადა ბოლესლავიამავე სახელწოდების ქალაქს წარმოადგენს, რომელიც პრაღიდან 50 კილომეტრში მდებარეობს. 1902 წელს შეიქმნა. არსებობის მანძილზე გუნდმა რამდენჯერმე შეიცვალა სახელწოდება.მლადა ბოლესლავის ტრადიციული საკლუბო სიმბოლიკა ლურჯ-თეთრ ფერებშია გადაწყვეტილი. ჩეხეთის ჩემპიონატში 16 ჩატარებულ შეხვედრაში მოპოვებული 26 ქულით გუნდი ამჟამად მეხუთე პოზიციაზე იმყოფება.

მლადა ბოლესლავი 2006-ში ჩეხეთის ჩემპიონატის ვერცხლის მედალს დაეუფლა, მომავალ სეზონში ბრინჯაოს, ტიტულის მოპოვება კი 2010/11 წლების სეზონში შეძლო. გუნდი ჩეხეთის თასის გათამაშების ფინალურ მატჩში სიგმა ოლუმუცს დაუპირისპირდა და მეტოქეს ფრედ 1:1 დასრულებული 120 წუთის შემდეგ პენალტების სერიაში 4:3 აჯობა. გუნდმა ორჯერ ითამაშა ევროპის ლიგის ჯგუფურ ეტაპზე.

ანთალიაში ჩამოსვლამდე მლადა ბოლესლავმა სამშობლოში ოთხი საკონტროლი მატჩი ჩაატარა, საიდანაც გუნდმა 3 შეხვედრა მოიგო, ერთი კი ფრედ დაასრულა. 10 ინვარს მლადამ პარდუბიცე მინიმალური ანგარიშით – 1:0 დაამარცხა, 18 იანვარს ჩვენმა მომავალმა მეტოქემ ასეთივე ანგარიშით სძლია პრიბრამს. 24 იანვარს მლადა ბოლესლავი გრადეცს დაუპირისპირდა, შეხვედრა უხვგოლიანი გამოდგა, საფინალო ანგარიში საყაიმო – 3:3. უკანასკნელი თამაში მლადამ 29 იანვარს ჩაატარა და მოსტი დამაჯერებელი ანგარიშით – 3:0 დაამარცხა.

მლადა ბოლესლავი 2013/2014 წლების სეზონის მეორე ნახევრისთვის მოსამზადებელი ეტაპის დასკვნით შეკრებას თურქულ ანთალიაში გაივლის. ჩეხური კლუბი ანთალიაში 1 თებერვლიდან იმყოფება. გუნდი პირველ საკონტროლო მატჩს 3 თებერვალსდინამოს წინააღმდეგ გამართავს, 6 თებერვალს ჩეხები რუმინულ პანდურის დაუპირისპიდებიან, ხოლო უკანაკნელ სპარინგს 9 თებერვალს უნგრული პეშის წინააღმდეგ ჩაატარებენ.

FCDinamo.GE

დინამო თბილისმა 2004 წლის იანვარში მორიგი საერთაშორისო ტიტული მოიპოვა. ათი წლის შემდეგ გავიხსენოთ, დამოუკიდებელ სახელმწიფოთა თანამეგობრობის თასის მეთორმეტე გათამაშება, რომელიც დინამო თბილისმა დაუმარცხებლად, ჩემპიონის მედლებით დაასრულა.

2004 წლის 17–25 იანვარს მოსკოვმა დსთ–ს თასის გათამაშებას უმასპინძლა. ტურნირის გამარჯვებული საქართველოს ჩემპიონი, დინამო თბილისი გახდა, რომელსაც იმჟამად ხორვატი სპეციალისტი – ივო შუშაკი წვრთნიდა. გამართული წილისყრის შემდეგ ქართველი ფეხბურთელებს ჩემპიონატის ჯგუფურ ეტაპზე ყირგიზული ჟაშტიკის, ლატვიური სკონტოს და ყაზახური პავლოდარის წინააღმდეგ მოუწიათ თამაში.

ჯგუფური ეტაპის პირველი მატჩი დინამოელებმა 17 იანვარს ჟაშტიკის წინააღმდეგ გამართეს და მეტოქე გამანადგურებელი ანგარიშით – 7:1 დაამარცხეს. ყირგიზული გუნდის კარში ორ–ორი გოლი უმცროსმა ვიტალი დარასელიამ და ლადო ბურდულმა გაიტანეს, თითო გოლით კი სანდრო იაშვილი, რატი ალექსიძე და დავით კვირკველია გამოირჩნენ. აღნიშნულ მატჩში თბილისელთა შემადგენლობა ასეთი გახლდათ:
გვარამაძე, კანდელაკი, შაშიაშვილი, კვირკველია, ახალაია, გოგობერიშვილი, დარასელია, ბურდული, ანჩაბაძე, ალექსიძე, იაშვილი

ჯგუფური ეტაპის მეორე მატჩი 18 იანვარს შედგა. ფინალის რეპეტიცია, დინამო თბილისსა და რიგის სკონტოს შორის გამართული მატჩი ფრედ – 2:2 დასრულდა. ლატვიურ გუნდს გოლები სანდრო იაშვილმა და ლევან მელქაძემ გაუტანეს. ივო შუშაკმა ლატვიური გუნდის წინააღმდეგ შემდეგი შემადგენლობა ათამაშა:
გვარამაძე, კანდელაკი, შაშიაშვილი, კვირკველია, ახალაია, გოგობერიშვილი, დარასელია, ბურდული, ანჩაბაძე (კარლოს და როჩა), ალექსიძე, იაშვილი (მელქაძე)

ჯგუფური ეტაპის დასკვნითი ტურის შეხვედრა დინამომ 20 იანვარს პავლოდარის ირტიშის წინააღმდეგ გამართა და მეტოქეს ორბურთიანი სხვაობით – 5:3 სძლია. უმცროსმა ვიტალი დარასელიამ, გიორგი ანჩაბაძემ, რატი ალექსიძემ, ლადო ბურდულმა და გიორგი შაშიაშვილმა თითო გოლი გატანეს. ყაზახური გუნდის წინააღმდეგ თბილისელთა გუნდი ასეთი იყო:
გვარამაძე (მამალაძე), ახალაია (ხმალაძე), შაშიაშვილი, კანდელაკი (წერეთელი), კირკველია (გ. ჩიტაია), ბურდული, გოგობერიშვილი, დარასელია (სახვაძე), ანჩაბაძე (კარლოს და როჩა), ალექსიძე, მელქაძე (ბობოხიძე)

ჯგუფური ეტაპის წარმატებით დაძლევის შემდეგ დინამო თბილისი ტურნირის 1/4 ფინალში ბელორუსის გომელს დაუპირისპირდა. 22 იანვარს მოსკოვში გამართული შეხვედრა დინამოელთა დამაჯერებელიგამარჯვებით – 4:1 დასრულდა. რატი ალექსიძემ, ლევან მელქაძემ, გიორგი შაშიაშვილმა და უმცროსმა ვიტალი დარასელიამ თითო გოლი გაიტანეს. დინამომ შემდეგი შემადგენლობით იასპარეზა:
გვარამაძე, ახალაია (ხმალაძე), შაშიაშვილი, კანდელაკი, კვირკველია, კარლოს და როჩა (გ. ჩიტაია), დარასელია, ბურდული, გოგობერიშვილი, ალექსიძე, მელქაძე (სახვაძე)

23 იანვარს ნახევარფინალურ მატჩში დინამომ მოლდოვის საუკეთესო გუნდი, კიშინოვის შერიფი მინიმალური სხვაობით – 2:1 დაამარცხა. ალექსანდრე გოგობერიშვილისა და უმცროსი ვიტალი დარასელიას გოლების წყალობით დინამომ ფინალურ მატჩში მონაწილეობის უფლება მოიპოვა. ივო შუშაკმა მოლდოველთა წინააღმდეგ შემდეგი შემადგენლობა ათამაშა:
გვარამაძე, ახალაია, შაშიაშვილი, კანდელაკი, კვირკველია, ბურდული, გოგობერიშვილი, დარასელია, ანჩაბაძე, ალექსიძე, მელქაძე (ბობოხიძე)

ფინალური შეხვედრა 25 იანვარს გაიმართა, მიმდინარე ტურნირზე დინამო თბილისისა და რიგის სკონტოს გზები მეორედ გადაიკვეთა. ჯგუფურ ეტაპზე დინამო და სკონტო საყაიმო ანგარიშით – 2:2 დაშორდნენ ერთმანეთს, ფინალურ მატჩს კი გამარჯვებული უნდა გამოევლინა. დსთ–ს თასის მეთორმეტე გათამაშების ფინალურიმატჩის პირველი ნახევარისაყაიმო შედეგით – 1:1 დასრულდა. მეორე ტაიმი კი ქართველი ფეხბურთელების უპირატესობით წარიმართა, თბილისელმა ფეხბურთელებმა მეტოქის კარი ორჯერ დალაშქრეს, საპასუხოდ კი ბურთი არ გაუშვიათ. საფინალო ანგარიში 3:1 დაფიქსირდა, დინამო თანამეგობრობის თასის გათამაშების გამარჯვებული გახდა. ლატვიური გუნდის კარში გოლები უმცროსმა ვიტალი დარასელიამ, რატი ალექსიძემ და დავით კვირკველიამ გაიტანეს.

აღნიშნულ ტურნირზე დინამოს მეათე გამოსვლა წარმატებული გამოდგა. ქართულ გუნდთაგან დსთ–ს თასზე ჩემპიონის ტიტული პირველად და უკანასკნელად დინამო თბილისმა მოიპოვა. 2004 წლის გათამაშებაზე ტურნირის საუკეთესო ბომბარდირი 6 გატანილი გოლით უმცროსი ვიტალი დარასელია გახდა. დღემდე დსთ–ს თასის გათამაშების ისტორიაში ათ საუკეთესო გოლეადორს შორის დინამოს ორი ფეხბურთელი – მიხეილ ყაველაშვილი (14 გოლით) და გელა ინალიშვილი (11 გოლით) არიან.