საფრანგეთის სასამართლომ “ბასტიას” თავდამსხმელის, ბრანდაოს აპელაცია დააკმაყოფილა და 35 წლის ფეხბურთელს სასჯელი შეუცვალა. შეგახსენებთ, რომ 2014 წლის ნოემბერში ბრანდაოს “პარი სენ-ჟერმენის” ნახევარმცველ ტიაგო მოტასთან მომხდარი ინციდენტის გამო ერთთვიანი პატიმრობა მიესაჯა და ჯარიმის სახით 20 ათასი ევროს გადახდა დაეკისრა.
“ლეკიპის” ცნობით, სასამართლომ ბრანდაოს საჩივარი დააკმაყოფილა და მას ხუთთვიანი პირობითი სასჯელი შეუფარდა, ხოლო ჯარიმა ძალაში დატოვა.
შეგახსენებთ, რომ 2014 წლის აგვისტოში “პარი სენ-ჟერმენსა” და “ბასტიას” შორის გამართული მატჩის (2:0) შემდეგ სტუმართა გუნდის თავდამსხმელმა ბრანდაომ პარიზელთა ნახევარმცველ ტიაგო მოტას სახეში თავი ჩაარტყა, რის შედეგადაც იტალიელ ფეხბურთელს ცხვირი გაუტყდა. დარტყმის შემდეგ “ბასტიას” თავდამსხმელმა თავს გაქცევით უშველა.
