მიუნხენის “ბაიერნის” თავდამსხმელმა თომას მიულერმა სოციალურ ქსელ Facebook-ში თავის ოფიციალურ გვერდზე პოსტი გამოაქვეყნა. 26 წლის ფეხბურთელმა კათოლიკურ სამყაროს ქრისტეს შობა მიულოცა.
აღსანიშნავია, რომ მიულორის პოსტში ასეთი რამ ეწერა: “Gilotsavt Krist’es Shobas!”
Weihnachten – das Fest der Liebe. I love it.Ich wünsche Euch ein Frohes Weihnachtsfest und wunderschöne Stunden im…
Posted by Thomas Müller on Thursday, 24 December 2015
ევროპის 2016 წლის ჩემპიონატის შესარჩევი ეტაპის დასკვნით მატჩში გერმანიის ნაკრებმა საქართველოს ნაკრებს ანგარიშთ 2:1 მოუგო.
ერთ-ერთი გოლი გერმანელთა მხრიდან ნუკრი რევიშვილის კარში პენალტით თომას მიულერმა გაიტანა. აღნიშნული გოლი მისთვის ევროპის ჩემპიონატების შესარჩევ ეტაპებზე გერმანიის ნაკრების რიგებში მე-12 გამოდგა და ამ მაჩვენებლით თომასი თავის მოგვარეს, ლეგენდარულ გერდ მიულერს გაუთანაბრდა, რომელმაც ბუნდესტიმში ევროკვალიფიკაციაზე სწორედ გოლების ეს რაოდენობა გაიტანა.
ჯამში, ევროპის ჩემპიონატების შესარჩევ ეტაპებზე მიულერებზე მეტი გერმანიის ნაკრებში მხოლოდ მიროსლავ კლოზეს გაუტანია, რომლის ანგარიშზე 16 გოლია.
“მანჩესტერ იუნაიტედი” იწყებს მუშაობას, თომას მიულერის ტრანსფერზე.
გერმანული გამოცემა Sport1-ის ინფორმაციით, ლუის ვან გაალი “ბაიერნის” 25 წლის შემტევში 82 მილიონ ევროს იხდის, რაც 40 მილიონი ფუნტია.
“ბაიერნის” დირექტორი, კარლ-ჰაინც რუმენიგე შეხვდა “მანჩესტერის” წარმომადგენელს, ედ ვუდვორდს, სადაც მიულერის ტრანსფერზე ისაუბრეს.
“მანკუნაინელები” კვლავ ვერ ელევიან შვაინშტაიგერის ტრანსფერს, ვან გაალს მისი თანამემამულის, არიენ რობენის გადაბირებაც სურს, ასე რომ, დიდი ალბათობით, ინგლისური გრანდი ანხელ დი მარიას “რეკორდმეისტერებში” გაასხვისებს.
მიუნხენის „ბაიერნის“ თავდამსხმელი თომას მიულერი იმედოვნებს, რომ ახალ სეზონში დორტმუნდის „ბორუსია“ ბუნდესლიგის წამყვან გუნდებს შორის იქნება.
„დიახ, მათ ახალი მწვრთნელი ჰყავთ, მაგრამ შემადგენლობა კვლავ კარგია. „ბორუსიას“ საუკეთესო სეზონი არ ჰქონდა, ეს ყველას ესმის. თუმცა, ყველამ იცის, რა რთულია ამ გუნდის დამარცხება. ვფიქრობ, ცუდი არ იქნებოდა, თუ დორტმუნტელები წამყვან პოზიციებზე დაბრუნდებოდნენ“, – განაცხადა მიულერმა.
ცნობისთვის, განვლილ სეზონში „ბორუსიამ“ მე-7 პოზიცია დაიკავა.
მიუნხენის „ბაიერნის“ თავდამსხმელისთვის თომას მიულერისთვის „ბარსელონასთან“ ანგარიშით 0:3 მარცხი მოულოდნელი იყო.
„მეორე ტაიმში ვგრძნობდი, რომ თამაშს ვაკონტროლებდით. აქ თამაში მძმეა, მაგრამ არ მეგონა, რომ ანგარიშით 0:3 დავმარცხდებოდით. ყველაფრის მიუხედავად, ჩვენ „ბაიერნი“ ვართ და არ ვნებდებით“, – განაცხადა მიულერმა.
მიუნხენის “ბაიერნის” შემტევი, თომას მიულერი მიიჩნევს, რომ მისი გუნდი ვერ აფეთქდა კარგად და პირველი მატჩის შემდეგ, მათი გასვლის შანსები მიზერულია.
“დიდი ხნის განმავლობაში დაცვაში ვიდექით. პირველ ტაიმში გაგვიჭირდა. რომ არა ნოიერი, არავინ იცის, რა მოხდებოდა,”-განუცხადა გერმანელმა Sky-ს.
“მეორე ნახევარში საკმაოდ კარგები ვიყავით. შეტევაზეც გადავედით, მაგრამ მცირე მოდუნებამ განაპირობა ის, რაც მოხდა. მარცხი მხოლოდ ჩვენი ბრალია. “ბაიერნი” ვერ აფეთქდა ისე, როგორც საჭირო იყო. შანსები მიზერულია, თუმცა სასწაულის გაკეთებას ვეცდებით”.
როგორც მოგეხსენებათ, ევროპის 2016 წლის ჩემპიონატის საკვალიფიკაციო ეტაპზე საქართველოსა და გერმანიის ნაკრებებს შორის გამართული მატჩი (0:2) მოედანზე ქომაგების შეჭრის გამო რამდენჯერმე შეჩერდა. შეხვედრის განმავლობაში მინდორზე სულ შვიდი გულშემატკივარი შევარდა, რის გამოც საქართველოს ფეხბურთის ფედერაციას უეფასგან სერიოზული სანქციები ემუქრება. შეხვედრის შემდეგ მატს ჰუმელსმა მოედანზე შეჭრილი ფანების დასჯა მოითხოვა, თუმცა თომას მიულერი ამ ფაქტს იუმორით მიუდგა:
“მატჩის მიწურულს მოედანზე რაღაც მეტნი ჩანდნენ, თუმც კარგ ხასიათზე იყვნენ” – ციტირებს მიულერის სიტყვებს “ბილდი”.
მიუნხენის ”ბაიერნის” ფეხბურთელმა, თომას მიულერმა, ინტერვიუში განაცხადა, რომ ”ოქროს ბურთზე” გამარჯვებულის გამოვლენა რთული იქნება.
”ძნელია იმის თქმა, თუ ვინ იმსახურებს ”ოქროს ბურთს” ყველაზე მეტად. ნოიერმა მოიგო მსოფლიოს ჩემპიონატი. ასევე რონალდოსა და მესის ჰქონდათ ჩინებული წელიწადი. ცოტა რთული წარმოსადგენია, მაგრამ იმედი მაქვს ჯილდოს ნოიერი დაეუფლება. ისინი ცდებიან, რომლებიც ნოიერს ყველაზე ნაკლებად მოისაზრებენ ”ოქროს ბურთის” მოგების ერთადერთ კანდიდატად,” – განაცხადა თომას მიულერმა.
მიუნხენის „ბაიერნის“ ნახევარმცველის თომას მიულერის აზრით, მას კიდევ უფრო კარგად თამაში შეუძლია.
„ჩემი შესაძლებლობების მაქსიმუმი არ ვიცი. ხუთ ან ექვს წელიწადში მე ჟურნალისტებისთვის არაერთი ინტერივუ მაქვს მიცემული და მათ შორის ერთ-ერთში აღვნიშნე, რომ ჩემი თამაშის სტილი უცნაურია. თანამედროვე ფეხბურთში ჩემნაირ მოთამაშეებს არ ვიცნობ.
მოედანზე განსაკუთრებულად არ ვთამაშობ, უბრალოდ, ვცდილობ, ლოგიკურად ვიმოქმედო. ზოგჯერ ეს ინსტინქტის წყალობითაც გამომდის. ვიცი, თუ როგორ მუშაობს საფეხბურთო მექანიზმი და ყოველთვის იმისთვის ვვარჯიშობ, რომ უკეთესად ვთამაშობდე“, – განაცხადა გერმანელმა.
გერმანიის ეროვნული ნაკრების მთავარი მწვრთნელი იოაჰიმ ლიოვი აცხადებს, რომ თომას მიულერი გასაოცარ ფორმაშია.
შეგახსენებთ, რომ მიუნხენის “ბაიერნის” თავდამსხმელმა მსოფლიოს 2014 წლის ჩემპიონატის ჯგუფურ ეტაპზე ოთხი გოლის გატანა მოახერხა და ბომბარდირთა დავას სათავეში ნეიმართან და ლიონელ მესისთან ერთად უდგას.
“მიულერი ძალიან მშრომელი ფეხბურთელია, რაც ყველამ კარგად დაინახა. ის მსოფლიოს ჩემპიონატს ფიზიკურადაც და ფსიქოლოგიურადაც გასაოცარ ფორმაში შეხვდა, ამიტომაც ოთხი გოლის გატანა მოახერხა”, – ამბობს ლიოვი.
მიუნხენის „ბაიერნის“ ფეხბურთელმა თომას მიულერმა გერმანიის ბუნდესლიგის 23-ე ტურში გელზენკირხენის „შალკეს“ განადგურების (5:1) შემდეგ გადაჭრით აღნიშნა, რომ ჩემპიონატს ბავარიული გრანდი მოიგებს.
„ღიად ვაცხადებ, საჩემპიონო ბრძოლა დასრულებულია.
ნუთუ ვინმეს მართლა ჰგონია,რომ დარჩენილ მატჩებს წავაგებთ, მით უფრო მაშინ, როცა აქამდე არ დავმარცხებულვართ“, – მიულერის სიტყვებს Goal.com-ი ციტირებს.
შეგახსენებთ, რომ „ბაიერნი“ მადევარ დორტმუნდის „ბორუსიას“ მთელი 20 ქულით უსწრებს.
ბექა დოგრაშვილი
მიუნხენის “ბაიერნის” შემტევი, თომას მიულერი აცხადებს, რომ ის გუნდის დატოვებას არ აპირებს, რადგან ბავარიელთა რიგებში თავს მშვენივრად გრძნობს.
პრესაში გავრცელებული ინფორმაციის თანახმად, 24 წლის გერმანელი მოლაპარაკებებს “ბარსელონასთან” აწარმოებდა. თუმცა, როგორც თავად მიულერი ამბობს, ის ბარსელონაში პირადი მიზეზების გამო იმყოფებოდა.
“ბარსელონაში პირადი მიზეზების გამო ვიყავი. მოულოდნელად, პრესაში დაწერეს, თითქოს მე “ბლაგაურნასთან” მოლაპარაკებებს ვაწარმოებდი. რა თქმა უნად, სასიამოვნოა, როცა “ბარსელონასთან” გაკავშირებენ, მაგრამ “ბაიერნში” თავს მშვენივრად ვგრძნობ და ცხადია, არსად წასვლას არ ვაპირებ. “ბაიერნი” ჩემთვის ძალიან ბევრს ნიშნავს, ეს კლუბი ჩემს გულში მუდამ დარჩება”, – ამბობს მიულერი.
შეგახსენებთ, რომ მიულერს ბავარიელებთან კონტრაქტი 2017 წელს ეწურება.
დიტო ჭიჭინაძე
