აზერბაიჯანის ჩემპიონატის მორიგ ტურში ბაქოს “ინტერმა” უკვე გაჩემპიონებულ “ყარაბაღს” უმასპინძლა და მინიმალური სხვაობით, 2:1 სძლია.
კახა ცხადაძემ გუნდის ოთხივე ქართველი ფეხბურთელი სასტარტოში დააყენა. ლომაიამ, ამისულაშილმა და სალუქვაძემ მატჩი სრულად ჩაატარეს, ხოლო ბაჩანა ცხადაძემ მოედანზე 76 წუთი დაჰყო და ყვითელი ბარათის მიღებაც მოახერხა.
აზერბაიჯანის ჩემპიონატის მიმდინარე გათამაშებაშ კახა ცხადაძის გუნდი მეორე პოზიციაზე დაასრულებს.
აზერბაიჯანის ჩემპიონატის 33-ე ტურის ცენტრალურ შეხვედრაში “ინტერმა” “ნეფთჩის” უმასპინძა და მეტოქეს 4 უპასუხო გოლი გაუტანა.
ოთხიდან ორი გოლი ბაჩანა ცხადაძემ გაიტანა, რომელიც სასტარტოში იყო და მატჩი სრულად ჩაატარა. სასტარტოში იყო დაცვის ქართული დუეტი ამისულაშვილისა და სალუქვაძის შემადგენლობით.
ამრიგად, კახა ცხადაძის გუნდი 29 თამაშში მოპოვებული 59 ქულით მეორე ადგილზეა და ლიდერ “ყარაბაღს”, რომელსაც 1 მატჩით მეტი აქვს ჩატარებული, 6 ქულით ჩამორჩება.
აზერბაიჯანის პრემიერლიგის 32-ე ტურში კაცა ცხადაძის “ინტერი” გიორგი ჩიხრაძის “სიმურგს” ესტუმრა და 3:2 მოიგო. ბაქოელთა ძირითადში იყვნენ სალუქვაძე, ამისულაშვილი და ბაჩანა ცხადაძე. მცველება მატჩი სრუალდ ჩაატარეს, ბაჩანა კი მოედნაზე მხოლოდ პირველ ტაიმში იყო.
აღსანიშნავია, რომ მატჩის პირველ წუთზე “სიმურგის” ფეხბურთელებმა, რომელბიც ფინანსური პრობლემების გამო უხელფასოდ თამაშობენ, პროტესტი უცნაური ფორმით გამოხატეს.
აზერბაჯანის ჩემპიონატის 31-ე ტურში კახა ცხადაძის “ინტერმა” “აზალს” უმასპინძა და 2:0 დაამარცხა.
“ინტერის” შემადგენლობას დაუბრუნდა ალექსანდრე ამისულაშვილი, რომელმაც გერმანიის ნაკრებთან მიღებული ტრავმის შემდეგ პირველად ითამაშა. ამისულაშვილმა სალუქვაძესთან ერთად დაცვის ცენტრში ტანდემი შექმნა. ძირითადში იყო და მოედანზე 70 წუთი დაჰყო ბაჩანა ცხადაძემ.
27 მატჩი მოპოვებული 53 ქულით “იუნტერი” მეორე ადგილზეა და ლიდერ “ყარაბახს” 10 ქულით ჩამორჩება.
აზერბაიჯანის თასის გათამაშებაში ნახევარფინალური ეტაპი დაიწყო. კახა ცხადაძის “ინტერმა” თანაქალაქელ “ნეფთჩისთან” სტუმრად პირველი შეხვედრა გამართა და 0:2 დამარცხდა.
“ინტერის” ქართველებიდან შეხვედრაში მონაწილეობა მხოლოდ ბაჩანა ცხადაძემ მიიღო, რომელიც 79-ე წუთზე შაკენმა შეცვალა.
განმეორებითი შეხვედრა “ინტერის” საშინაო არენაზე 21 აპრილს შედგება.
აზერბაიჯანული მედიის ყურადღების ცენტრში საქართველოს ნაკრების მთავარი მწვრთნელი, კახა ცხადაძე კვლავ მოხვდა. Аzerifootball-ის ცნობით, გიორგი მერებაშვილის შემდეგ ჯვაროსანების დამრიგებელი ვლადიმერ დვალიშვილმაც გააკრიტიკა, რომელიც ცხადაძეს სანაკრებო შეკრებაზე არ გამოუძახებია.
გამოცემის ვებგვერდზე გავრცელებულ სტატიაში ვკითხულობთ, რომ შემტევ ფეხბურთელებთან კონფლიქტი ცხადაძეს საკუთარი შვილის, ბაჩანა ცხადაძის გამო მოსდის. ჩვენი მეზობლები ვარაუდობენ, რომ ნაკრების დამრიგებელს ქვეყნის მთავარ გუნდიდან ბაჩანა ცხადაძის კონკურენტების მოცილება სურს. სტატიის ავტორმა ისიც კი იწინასწარმეტყველა, რომ უახლოეს მომავალში კონფლიქტი ლევან მჭედლიძესთანაც იქნება.
Аzerifootball-ის ჟურნალისტი დვალიშვილისა და მერებაშვილის არგამოძახების მიზეზების კვლევის დროს ერთი ვერსიით არ დაკმაყოფილდა და ცხადაძის მხრიდან არც შურისძიება გამორიცხა. მისი ინფორმაციით, გარკვეული პერიოდის წინ დვალიშვილმა და მერებაშვილმა ცხადაძეს “ინტერში” გადასვლაზე უთხრეს უარი, რის გამოც მწვრთნელმა ახლა შური ამ ფორმით იძია.
გერმანიის ნაკრებთან გასამართი შეხვედრის წინ, საქართველოს ეროვნული ნაკრების მთავარმა მწვრთნელმა კახა ცხადაძემ ჟურნალისტების კითხვებს უპასუხა.
– მსოფლიოს ჩემპიონს ვეთამაშებით. სატურნირო ცხრილიდან გამომდინარე, მნიშნველოვანი მატჩი გველის. ჩვენც საგულდაგულოდ ვემზადებით. ეს ორი დღე მაძლევს იმის თქმის საფუძველს, რომ შეგვიძლია კარგი ნაკრები ჩამოვაყალიბოთ. შევეცდებით, რომ კარგი შედეგი ვაჩვენოთ.
– უნდა ველოდოთ თუ არა გერმანიასთანაც რამდენიმე ტაქტიკურ ცვლილებას?
– უკვე გადაწყვეტილი გვაქვს, რა ტაქტიკითაც ვითამაშებთ. თუ დაგვჭირდა, შეიძლება, ტაქტიკაც შევცვალოთ.
– ალბათ, დაცვაზე იქნებით ორინტირებულები და შეუტევთ თუ არა?
– დაცვაზე ვიქნებით ორიენტირებულები და შევუტევთ კიდევაც.
– გერმანელებმა თქვეს, რომ მათთვის ფრე კოშმარი იქნებოდა…
– ამაზე კომენტარს არ გავაკეთებ. ჩვენი მიზანი ყოველთვის გამარჯვება იქნება, მაგრამ უნდა გავითვალისწინოთ, რომ მსოფლიოს ჩემპიონს ვეთამაშებით. განწყობას რაც შეეხება, მე ვხედავ, რომ გუნდში უფრო მეტი დალაგებული სახეა, ფეხბურთელები ოპტიმისტურად არიან განწყობილინი.
– თუ გადაწყვეტილი გაქვთ, რომელ თავდამსხმელს დააყენებთ ძირითადში?
– რა თქმა უნდა, გადაწყვეტილი გვაქვს. უკვე ვიცი, რა შემადგენლობითაც ვითამაშებთ ხვალ. შესაძლოა, ერთი ცვლილება გავაკეთოთ.
– იგივე შემადგენლობა იქნება, რაც მალტის ნაკრებთან იყო?
– რა თქმა უნდა, ცვლილებები იქნება.
მიხეილ მესხის სახელობის სტადიონზე საქართველოს ეროვნულმა ნაკრებმა 2015 წლის პირველი შეხვედრა ჩაატარა. გერმანელებთან მატჩამდე გენერალური რეპეტიცია ჯვაროსნებმა დადებითი შედეგით დაასრულეს.
ეროვნლი გუნდის მთავარმა მწვრთნელმა, კახა ცხადაძემ სადებიუტო შეხვედრაში ორი ტაქტიკური სქემა გამოსცადა. პირველი ნახევარი მასპინძლებმა 3-5-2-ით დაიწყეს და მოედნის ცენტრში ტერიტორიულ უპირატესობასაც დაეუფლნენ.
პირველი ხიფათი მე-7 წუთზე შექმნა, როდესაც მარცხენა ფლანგიდან მჭედლიძის გარღვევის შედმეგ ნავალოვსკის დარტყმას მცველები გადაეღობნენ. მალევე სტუმრებმა ქართველბს როუენ მუსკატის შორეული დარტყმით უპასუხეს, რომელსაც ლორია გაუმკლადა.
მე-12 წუთზე ოქრიაშვილის წამოწყებული კომბინაცია მარცხენა ფლანგზე ნავალოვსკიმ მარცხენა ფლანგიდან საჯარიმოში ჩაწოდებით გააგრძელა და ბურთი მჭედლიძეს გადააწოდა, თუმცა ლევანის სუსტი დარტყმა ჯასტინ ჰაბერის ნადავლი გახდა.
მე-17 წუთზე პირველი ნახევრის ყველაზე რეალური მომენტი შეიქმნა. ჭანტურიას ეფექტური გადაცემის შემდეგ მალტელთა კარს თორნიკე ოქრიაშვილი საჯარიმოს მისადგომებიდან ძლიერი დარტყმით დაექმურა – ჰაბერმა ბურთი კუთხურზე მოიგერია. 33-ე წუთზე გატანა ჭანტურიამ სცადა, რომლის ძლიერი დარტყმა კარს მცირე მანძლით ასცდა.
შესვენების შემდეგ ცხადაძემ კვერკველიას ნაცვლად თამაშში ყენია ჩართო და გუნდი 4-2-3-1-ზე გადააწყო, რის შედეგადაც მასპინძლები შეტევაში უფრო აგრესიულად ათამაშდნენ.
54-ე წუთზე თამაშში აქტიურად ჩართულმა ყენიამ მარცხენა ფლანგიდან საჯარიმოში ჩააწოდა, სადაც ბურთს ჭანტურია ვერ შესწვდა და ხელიდან რეალური შანსი გაუშვა. ზუსტად 4 წუთში ანგარიშის გახსნა ოქრიაშვილს შეეძლო, რომელმაც ბურთი საჯარიმოს კუთხეში მიიღო, ცენტრისკენ შეიწია და ძლიერადაც დაარტყა – მალტა ხარიხამ იხსნა.
უკანასკნელი 15 წუთით საქართველოს ნაკრების სრული ტერიტორიული უპირატესობით წარიმართა, სტუმრები კი კონტრშეტევებზე ცდილობდნენ ხიფათის შექმნეს. ერთ-ერთი ასეთი მცდელობა ლამის გოლით დასრულდა, მაგრამ რევიშვილთან პირისპირ გასული ეფიონგის დარტყმა ძელმა მოიგერია.
ანგარიში კი ძირითადი დროის დასრულებამდე 7 წუთით ადრე გაიხსნა. მასპინძელთა შეტევის მარცხენა ფლანგზე დანიშნული ჯარიმა ყენიამ შეასრულა და ბურთი მეტოქის საჯარიმოს მიმართულებით გაგზავნა, სადაც შექმნილი არეულობით კანკავამ ისარგებლა – 1:0.
გაშვებული გოლის შემდეგ სტუმრებს რეალური მომენტი არ შეუქმნიათ, ჯვაროსნებმა კი მეორეც გაიტანეს. თავი შეცვლაზე შემოსულმა ვაკო ყაზაიშვილმა საკმაოდ ეფექტური გოლით გამოიჩინა და კახა ცხადაძს სადებიუტო გამარჯვებაც დააფიქსირა.
გოლები: კანკავა 83′ ; ყაზაიშვილი 90+2
საქართველო: ლორია, კვერკველია (ყენია 46′), კაშია, ამისულაშვილი, მახარაძე, კანკავა, ოქრიაშვილი (ვაწაძე 72′), ჭანტურია (ყაზაიშვილი 65′), კობახიძე (ძალამიძე 86′), ნავალოვსკი, მჭედლიძე (ცხადაძე 72′).
მთავარი მწვრთნელი: კახა ცხადაძე
მალტა: ჰაბერი, კარვანა, ბესინა, ბორგი (კამენზუმი 86′), აგიუსი, ფარუჯია (ეფიონგი 52′), კოენი,მუსკატი, შემბრი, მაილიერი (ზაკ მუსკატი 46′), კრისტენსენი (სკერი 73′),
მთავარი მწვრთნელი: პიეტრო ღედინი
მარიამ ნიშნიანიძის ფოტოები
საქართველოს ეროვნული ნაკრების მთავარმა მწვრთნელმა კახა ცხადაძემ მალტის ნაკრების წინააღმდეგ გამართული შეხვედრა შეაფასა.
კახა ცხადაძე: “პირველ რიგში, მინდა, ჩემს ფეხბურთელებს მადლობა გადავუხადო. მალტის ნაკრების ბოლო ორი მატჩი ძალიან საინტერესო გამოდგა. მათ იტალიელებს მეორე ნახევარში წინააღმდეგობა გაუწიეს, ხოლო ბულგარელებთან ფრედ, 1:1 ითამაშეს.
პირველ ტაიმში მომენტები რომ გამოგვეყენებინა, მეორე ნახევარში გამარჯვებას ადვილად მივაღწევდით. მთავარია, მოვიგეთ. ამ გუნდს მომატების პოტენციალი გააჩნია.
გერმანიამ თავისი ტაქტიკური სქემა შეცვალა. წინ სამი დღე გვაქვს და ყველაფერს კიდევ ერთხელ გავაანალიზებთ.
რამდენიმე მოთამაშემ მეორე ნახევარში პოზიცია შეიცვალა. ძალიან მცირე დრო იყო იმისათვის, რომ ფეხბურთელებს ჩემი მოთხოვნები გაეგოთ, თუმცა მათ სათანადოდ ითამაშეს. ემოციები კარგია, მაგრამ მნიშვნელოვანია, ემოცია ქაოსში არ გადაიზარდოს.
კარგია, რომ გატანილი გოლის შემდეგ ფეხბურთელებმა თამაშის სტილი არ შეცვალეს და ჩემი დავალება შეასრულეს. რაც შეეხება გამოუყენებელ მომენტებს, ეს შეგვიძლია ჩემს სადებიუტო მატჩსა და ფსიქოლოგიურ წნეხს დავაბრალოთ.
მახარაძესა და ნავალოვსკის კარგ დებიუტს, ხოლო ყენიას ნაკრებში დაბრუნებას ვულოცავ.
გუნდური თამაშისას შეცვლაზე შემოსული ფეხბურთელების როლი მნიშვნელოვანია. დღეს, ყველას მიზანი გამარჯვება იყო. ასე თუ გავაგრძელებთ, წარმატებასაც მივაღწევთ.
როდესაც შედეგზე ვითამაშეთ, მეორე გოლიც გავიტანეთ. მახარაძეს დაცვაში თამაშიც შეუძლია, თუმცა სისწრაფის გამო, მომავალში მას დაცვის ცენტრში არ მოვიაზრებ.”
აზერბაიჯანის პრემიერლიგის 26-ე ტურში ბაქოს “ინტერმა” საკუთარ მოედანზე “გაბალა” მიიღო და მინიმალური სხვაობით, 1:2 დამარცხდა.
მასპინძელთა ძირითად შემადგენლობაში კაცა ცხადაძემ ადგილი ეროვნულ ნაკრებში გამოძახებულ სამივე ქართველს ანდო. სალუქვაძემ მოედანზე 57 წუთი დაჰყო, ხოლო ცხადაძემ და ამისულაშვილმა, რომელმაც 74-ე წუთზე ანგარიში გაათანაბრა, მატჩი სრულად ჩაატარეს. თადარიგში იყო მეკარე გიორგი ლომაია.
გუშინ, 9 მარტს, კახა ცხადაძე საქართველოს დავით ყიფიანის სახეობის თასის მეოთხედფინალური ეტაპის განმეორებით შეხვედრას დაესწრო ქუთაისში და ნამატჩევს ჩვენი გუნდის მთვარმა მწვრთნელმა ეროვნული ნაკრების გაფართოებულ სიას ქუთაისელთა თავდამსხმელი ნიკოლოზ საბანაძე დაამატა. იგი კვლავ აგრძელებს ეროვნული ჩემპიონატის მოთამაშეებზე დაკვირვებას და სიახლეები შესაძლოა მომავალშიც ვიხილოთ.
საქართველოს ეროვნული ნაკრების გაფართოებული შემადგენლობა შემდეგნაირად გამოიყურება:
მეკარეები: გიორგი ლორია „ოფი“, (საბერძნეთი), ნუკრი რევიშვილი „ტოსნო“, (რუსეთი), ომარ მიგინეიშვილი „დილა“, (გორი, საქართველო) რევაზ თევდორაძე „სამტრედია“, (სამტრედია, საქართველო);
მცველები: უჩა ლობჟანიძე „ომონია“, (კვიპროსი), გურამ კაშია „ვიტესი“ (ჰოლანდია), ზურაბ ხიზანიშვილი „სამტრედია“ (სამტრედია,საქართველო), გიორგი ნავალოვსკი („ტოსნო“, რუსეთი), ლაშა თოთაძე „დინამო“ (თბილისი,საქართველო), გიორგი ფოფხაძე „იაგელონია“ (პოლონეთი), სოლომონ კვერკველია „რუბინი“ (რუსეთი), ალექსანდრე ამისულაშვილი, ლაშა სალუქვაძე ორივე „ინტერი“ (აზერბაიჯანი), ლაშა დვალი „ქასიმფაშა“ (თურქეთი);
ნახევარმცველები: ნიკა ძალამიძე „იაგელონია“ (პოლონეთი), გიორგი ჭანტურია „კლუჟი“ (რუმინეთი), ლევან ყენია „სლავია“ (ჩეხეთი), ჯანო ანანიძე „სპარტაკი“ (რუსეთი), ჯაბა კანკავა „დნიპრო“ (უკრაინა), მურთაზ დაუშვილი „კარპატი“ (უკრაინა), კახა მახარაძე „ფახთაქორი“ (უზბეკეთი), სანდრო კობახიძე „ვოლინი“ (უკრაინა), ვალერი ყაზაიშვილი „ვიტესი“ (ჰოლანდია), თორნიკე ოქრიაშვილი „გენკი“ (ბელგია), გიორგი მერებაშვილი „ოფი“ (საბერძნეთი);
თავდამსხმელები: ლევან მჭედლიძე „ემპოლი“ (იტალია), მათე ვაწაძე „ორჰუსი“ (დანია), ბაჩანა ცხადაძე „ინტერი“ (აზერბაიჯანი), ოთარ მარცვალაძე „ტოსნო“ (რუსეთი), ნიკოლოზ საბანაძე „ტორპედო“ (ქუთაისი, საქართველო)
GFF.GE
“ლივერპულის” ფორვარდმა მარიო ბალოტელიმ კარიერა, შესაძლოა, აზერბაიჯანში გააგრძელოს. Tuttosport-ის ცნობით, 24 წლის ფორვარდისადმი ინტერესს ბაქოს “ინტერი” იჩენს, რომლის მთავარი მწვრთნელი მიმდინარე სეზონის ბოლომდე კახა ცხადაძეა. საქართველოს ნაკრების დამრიგებლის გუნდი აზერბაიჯანის ჩემპიონატში 16 ტურის შემდეგ მეორე ადგილზეა და ლიდერ “ყარაბახს” 5 ქულით ჩამორჩება.
შეგახსენებთ, რომ ბალოტელი “ლივერპულში” “მილანიდან” გასულ ზაფხულს გადავიდა. მიმდინარე სეზონში კი პრემიერლიგის 12 მატჩში მიიღო მონაწილეობა და გოლის გატანა ვერ შეძლო.
2007-2010 წლებში ბალოტელი მილანის “ინტერის” ღირსებას იცავდა და იტალიის სამ ჩემპიონობასთან ერთად ქვეყნის თასი, სუპერთასი და ჩემპიონთა ლიგაც მოიგო.
