მოგეხსენებათ, დღეს, თბილისის დროით 20:00 საათზე, უეფა-ს ჩემპიონთა ლიგის E ჯგუფის მესამე ტურის პირველი მატჩი გაიმართება – ქალაქ ხიმკიში ერთმანეთს მოსკოვის ცსკა და „მანჩესტერ სიტი“ დაუპირისპირდებიან.
წარმოგიდგენთ ორივე გუნდის სასტარტო შემადგენლობას.
ცსკა: აკინფეევი; მარიო ფერნანდესი, ვ. ბერეზუცკი, იგნაშევიჩი, ა. ბერეზუცკი, შენიკოვი; ტოშიჩი, ნათხო, ერემენკო, მილანოვი; მუსა
„მანჩესტერ სიტი“: ჰარტი; საბალეტა, კომპანი, მანგალა, კოლაროვი; მილნერი, ფერნანდო, ტურე, დავიდ სილვა; აგუერო, ჯეკო
მოსკოვის ცსკა, რომლის ღირსებასაც მანუჩარ მარკოიშვილი იცავს, საკუთარ გულშემატკივრებს შეხვდა. ქომაგებთან აუდიენცია მოსკოვის არმიის უნივერსალურ სპორტულ კომპლექსში ჩატარდა და სხვებთან ერთად, ყურადღების ცენტრში ქართველი ლეგიონერიც მოექცა.
მარკოიშვილს იმაზე დაეკითხნენ, მოსკოვში საუკეთესო ქართული სამზარეულოს სად უნდა ეძებონ. მანუჩარმა ხუმრობით უპასუხა, რომ საუკეთესო კერძებს შლაგბაუმს მიღმა, ცსკა-ს უნივერსალური სპორტული კომპლექსის მე-2 მხარეს ამზადებენო. შეხვედრის შემდეგ ქართველმა მცველმა ავტოგრაფებიც მრავლად დაარიგა და ფანებს შეპირდა, რომ ის და მისი თანაგუნდელები წარმატებისთვის მაქსიმუმს გაიღებენ.
GBF.GE
დღეს უეფა-ს სადისციპლინო ორგანოს სხდომა გაიმართა, რომლის წარმომადგენლებმაც „რომა“ – ცსკა-ს მატჩში (5:1) უეფა-ს ჩემპიონთა ლიგის ჯგუფური ეტაპის პირველი ტურის მატჩში მომხდარი ინციდენტი განიხილეს.
შეგახსენებთ, რომ შეხვედრის მეორე ნახევრის მსვლელობისას არმიელთა გულშემატკივრებმა „ჯალოროსის“ ფანსექტორს ფაერები ესროლეს, რის შემდეგაც სტიუარტებსაც დაუპირისპირდნენ.
საბოლოოდ, გადაწყდა, რომ მოსკოველები ევროთასებზე მომდევნო სამ საშინაო მატჩს ცარიელი ტრიბუნების წინაშე ჩაატარებენ. ამავდროულად, კლუბი 200 ათასი ევროთიც დაჯარიმდა.
ცნობისთვის, ჯგუფურ ეტაპზე ლეონიდ სლუცკის გუნდს კიდევ ორი საშინაო მატჩი ელის – არმიელთა მეტოქეები „მანჩესტერ სიტი“ და „რომა“ იქნებიან.
მიუნხენის “ბაიერნის” მთავარმა მწვრთნელმა, პეპ გვარდიოლამ, ცსკა-სთან მოგებული შეხვედრა შეაფასა. გერმანულმა კლუბმა მოსკოველები მინიმალური ანგარიშით დაამარცხა.
“ვიცოდით, რომ რთული იქნებოდა. მეტოქე თავს 10 კაცით იცავდა. თუმცა, ჩემპიონთა ლიგაში იოლი მატჩები არ არის. ასეთ რთულ შეხვედრაში მოპოვებული სამი ქულით კმაყოფილები ვართ. მოსკოველთა ტაქტიკამ გაგვარკვირვა, მაგრამ “ბაიერნი” სამი ცენტრალური მცველის წინააღმდეგ თამაშისთვის მზად არის. ცოტა ხნის წინ “კიოლნს” შევხვდით, რომელიც სწორედ მსგავსი მონახაზით თამაშობდა.
ჩვენ ყოველთვის მაყურებლისთვის ვთამაშობდა. დღეს ცარიელი ტრიბუნების წინაშე მოგვიწია ასპარეზობა, რაც სასიამოვნო არ იყო. იმედია ცსკა-ს ასეთი მატჩების ჩატარება აღარ მოუწევს” – განაცხადა გვარდიოლამ.
ჩემპიონთა ლიგის მე-2 ტური, მოსკოვში, ცსკა-სა და ”ბაიერნის” დაპირისპირებით გაიხსნა, სადაც გამარჯვება მიუნხენელებს ხვდა წილად. ერთადერთი გატანილი გოლის ავტორი კი ტომას მიულერი გახლავთ.
გოლი: ტომას მიულერი 22′ 0-1 (პენ.).
მიუნხენის “ბაიერნი” ჩემპიონთა ლიგის ჯგუფური ეტაპის მეორე ტურის მატჩს მოსკოვში ცსკა-ს წინააღმდეგ გამართავს. ბავარიელები რუსეთის დედაქალაქში კვირას ჩაფრინდნენ და სასტუმროშიც დაბინავდნენ, თუმცა დღის ბოლოს უსიამოვნო ინციდენტი მოხდა.
სახანძრო განგაშის გამო სასტუმროდან “ბაიერნის” ფეხბურთელების, მწვრთნელების და მთელი პერსონალის ევაკუაცია მოხდა.
გერმანელები რამდენიმე წუთს სასტუმროს მიმდებარე ტერიტორიაზე გაჩერდნენ, ხოსეპ გვარდოლამ და ფეხბურთელებმა მოსკოვის ცივი ჰავისგან თავდასაცავად სპეცალური პლედები მოიფარეს, შემდეგ კი სავაშხმოდ იქვე მდებარე რესტორანს ეწვივნენ.
დაახლოებით ორ საათში “ბაიერნის” დელეგაცია სასტუმროში დაბრუნდა.
ბავარიული გუნდის ზოგიერთი ფანი მიიჩნევს, რომ ეს ინციდენტი რუსულმა მხარემ განგებ მოაწყო.
ცსკა-სა და “ბაიერნს” შორის შეხვედრა სამშაბათს, თბილისის დროით 20:00 საათზე დაიწყება. სტადიონის დისკვალიფიკაცის გამო მატჩზე გულშემატკივრები არ დაიშვებიან.
”რომას” ფანებმა, ”კალიარისთან” მატჩის დროს (2-0), ცსკა-ს გულშემატკივრების მხარდასაჭერი ბანერი გამოფინეს.
”თავისუფლება ცსკა-ს ულტრებს” – ბანერი ამას გვეუბნება.
შეგახსენებთ, რომ უეფას ჩემპიონთა ლიგის პირველი ტურის მატჩის დროს, როდესაც ”რომა” ცსკა-ს მასპინძლობდა (5-1), იტალიელ და რუს გულშემატკივარს შორის ფიზიკური დაპირისპირება მოხდა. კონფლიქტის ჩაწყნარების შემდეგ, რუსი გულშევატკივარი, რომაელ სტიუარდებს და სამართალდამცავებს დაუპირისპირდნენ, რის შედეგადაც რამდენიმე ათეული გულშემატკივარი დაკავებულ იქნა.
დღესდღეობით, უეფა კონფლიქტის მიზეზებს იძიებს და ცსკა-ს გაურკვეველი სახის დისკვალიფიკაციას უმზადებს. რუს გულშემატკივარს რაც შეეხება, მათ პირობითი სასჯელის სახით დატოვეს საპატიმრო.
მანუჩარ მარკოიშვილის მორიგი გამორჩეული მატჩი მოსკოვის ცსკა-ში. საბერძნეთში შეკრებაზე მყოფმა რუსულმა გრანდმა მესამე სპარინგ-მატჩი გამართა და თურქული „ბანვითი“ დაძაბულ ბრძოლაში, 1 ქულის სხვაობით – 73:72 დაამარცხა. მარკოიშვილი მოსკოველთაგან ბომბარდირი გახდა. მის ანგარიშზე 14 ქულა და 7 მოხსნა დაგროვდა.
ქართველმა ლეგიონერმა პირველად ითამაშა ცსკა-ს სასტარტო ხუთეულში. მანუჩარმა მოედანზე 29:13 წუთი გაატარა და 5-დან 2 ორქულიანი, 7-დან 3 სამიანი და 1 საჯარიმო ჩააგდო. 14 ქულას მარკოიშვილმა 7 მოხსნა და 2 პასი მოაყოლა, ბურთი კი 5-ჯერ დაკარგა. 12 ქულა დააგროვა 23 წლის ივან სტრებკოვმა, ანდრეი ვორონცოვიჩის ანგარიშზე კი 8 ქულა და ამდენივე მოხსნა დაგროვდა.
შაბათ-კვირას საბერძნეთში ნიკოს გალისის სახელობის ტურნირი გაიმართება. ცსკა ნახევარფინალში „პანათინაიკოსს“ შეხვდება, ხოლო მეორე წყვილში „ბანვითი“ და სალონიკის „არისი“ ითამაშებენ.
gbf.ge
რომში ადგილობრივ “რომასა” და “ცსკას” შორის გამართულ ჩემპიონთა ლიგის მატჩის დაწყებამდე და მისი მიმდიანრეობის დროს კლუბების გულშემატკივრებს შორის ხელჩართულ კონფლიქტებს ჰქონდა ადგილი.
ფანებმა დაპირისპირებების დროს დანებიც კი გამოიყენეს. ცნობილია, რომ არიან დაჭრილები და დაპატიმრებულებიც. ტრიბუნებზე კი მხარდამჭერებმა ერთმანეთს ანთებულ პიროტექნიაკს ესროდნენ.
მხარეების დაწყნარება პოლიციამ ცრემლსადენი გაზით მოახერხა. სამართალდამცავებმა 17 რუსი ფანი დააკავეს. 7 მათგანი სასამართლოს წინაშე წარსდგება.
უეფას ჩემპიონთა ლიგის ჯგუფური ეტაპის პირველ ტურში იტალიურმა “რომამ” რუსული ცსკა ანგარიშით 5:1 გაანადგურა, თუმცა სხვაობა შესაძლოა უფრო ნაკლები ყოფილიყო, ერთი ერთზე გასულ სეიდუ დუმბიას უცნაურად რომ არ ემოქმედა და გოლი გაეტანა.
ჩემპიონთა ლიგის პირველი ტურის მატჩში “რომამ” მოსკოვის “ცსკა” მიიღო და მეტოქე 5:1 გაანადგურა.
რომა 5-1 ცსკა
გოლები: იტურბე 6′ ; ჟერვინიო 10′ ; მაიკონი 20′ ; ჟერვინიო 31′ ; იგნაშევიჩი 50′ (ს.კ.) – მუსა 82′
მანუჩარ მარკოიშვილის დიდებული თამაში მოსკოვის ცსკა-ს შემადგენლობაში. ქართველმა ლეგიონერმა საბერძნეთში, „ტრიკალას“ წინააღმდეგ ჩატარებულ სპარინგ-მატჩში 17 წუთში 17 ქულა მოაგროვა, თან ისე რომ 5-დან 5 სამქულიანი ჩააგდო.
მარკოიშვილისთვის ეს გახლდათ მეორე მატჩი ცსკა-ში. პირველ შეხვედრაში მან ბერძნულ „პატრასს“ 5 ქულა ჩაუგდო. მანუჩარი არც ამჯერად იყო მოსკოველთა სასტარტო ხუთეულში, თუმცა ამას მისთვის ხელი არ შეუშლია, მატჩის საუკეთესო შედეგი დაეფიქსირებინა.
მანუჩარმა 17:01 წუთი ითამაშა, რის განმავლობაშიც 17 ქულა, 4 მოხსნა და 1 პასი მიითვალა, ბურთიც ერთჯერ დაკარგა. ქართველმა სნაიპერმა 5-დან 5 სამქულიანი და 2-დან 1 ორიანი ჩააგდო. მისი მარგი ქმედების კოეფიციენტმა 20 ერთეული შეადგინა, რაც მატჩში საუკეთესო გახლდათ.
მას ამ მაჩვენებლით მცირედით (18) ჩამორჩა „ტრიკალას“ გამთამაშებელი ნეით ბოუი, რომელიც 2012-13 წლების სეზონში საქართველოს სუპერლიგაში „რუსთავის“ ღირსებას იცავდა. ცსკა-ში მარკოიშვილის კვალზე 13 ქულა სონი ვიმსმა დააგროვა, ზაზულინმა და ვორონცევიჩმა 11-11 ქულა მოიხვეჭეს, ხოლო აარონ ჯეკსონმა 7 ქულა და 11 პასი მიითვალა.
რაც შეეხება მატჩის შედეგს, მოსკოველებმა „ტრიკალა“ 103:65 გაანადგურეს.
ცსკა-ს დამრიგებელმა, დიმიტრის იტუდისმა ნამატჩევს მცირე კომენტარი გააკეთა: „ნაბიჯ-ნაბიჯ ჩვენ ვაძლიერებთ დაცვას და ვიღებთ შემტევ გადაწყვეტილებებს. რასაკვირველია, ჯერ კიდევ ბევრი გვაქვს დასახვეწი. დღევანდელ მატჩში ვიქტორ ხრიაპას დასვენების საშუალება მივეცით, რამაც ახლგაზრდა მოთამაშეებისთვის მეტი სათმაშო დრო გამოათავისუფლა.
gbf.ge
