ჭდე: უესლი სნეიდერი

“გალათასარაიმ” სნეიდერს კონტრაქტი გაუწყვიტა

Posted on by იაკობ კაპანაძე

თურქულმა “გალათასარაიმ” გუნდის ჰოლანდიელ ნახევარმცველს, უესლი სნეიდერს კონტრაქტი გაუწყვიტა.

როგორც ცნობილი ხდება, მილანის “ინტერის” ყოფილი ფეხბურთელის მიმართ ინტერესს იტალიური “სამპდორიასა” და ამერიკული “ლოს ანჯელესის” ხელმძღვანელები იჩენენ.

აღსანიშნავია ისიც, რომ თუ სნეიდერი მომავალი სამი წლის მანძილზე რომელიმე თურქულ კლუბში გადავა, მას 20 მილიონი ევროს გადახდა მოუწევს “გალათასარაისთვის”.

“გალათასარაიმ” თურქული სუპერ ლიგის გასული სეზონი მეოთხე ადგილზე დაასრულა, სნეიდერი კი გუნდს 5 გოლითა და 15 საგოლე გადაცემით დაეხმარა.

სნეიდერმა “გალათასარაისთან” გაახანგრძლივა

Posted on by ბექა დოგრაშვილი

“გალათასარაის” ნახევარმცველმა უესლი სნეიდერმა კლუბთან კონტრაქტი გაახანგრძლივა. ახალი შრომითი ხელშეკრულების თანახმად, ჰოლანდიელი ფეხბურთელი თურქულ კლუბში 2018 წლის 30 ივნისამდე დარჩება.

უესლი სნეიდერი “გალათასარაიში” 2013 წლიდან თამაშობს. შეგახსენებთ, რომ მანამდე იგი ამსტერდამის “აიაქსის”, მადრიდის “რეალისა” და მილანის “ინტერის” ღირსებას იცავდა. ჰოლანდიელი ნახევარმცველი “გალათასარაისთან” ერთად ორჯერ გახდა თურქეთის ჩემპიონი, ორჯერ მოიგო ქვეყნის თასი და სუპერთასი.

 

სნეიდერი: „ატლეტიკო“ მიმდინარე სეზონის ერთ-ერთი ფავორიტია“

Posted on by Alix

„გალათასარაის“ ნახევარმცველმა უესლი სნეიდერმა „ატლეტიკოსთან“ საშინაო შეხვედრის წინ ესპანური გუნდის სათამაშო დონე შეაფასა.

„ატლეტიკო“ ძალიან ძლიერი მეტოქეა. სიმეონე ჩინებული სპეციალისტია, რომელსაც პატივს ვცემ. ვფიქრობ, წინ მძიმე თამაში გველის.

ეს გუნდი ჩემპიონთა ლიგაზე ერთ-ერთი ძლიერია და ტურნირის ფავორიტებს შორისაც მოიაზრება.

სახლში ვთამაშობთ, ამიტომ კარგი ატმოსფერო იქნება, მიუხედავად იმისა, რომ „ატლეტიკო“ მაინც ფავორიტია“, – განაცხადა ჰოლანდიელმა.

მანჩინის “ინტერში” სნეიდერის დაბრუნება სურს

Posted on by ბექა დოგრაშვილი

თურქული სააგენტო Aktif Haber-ი იუწყება, რომ მილანის “ინტერის” მთავარი მწვრთნელი რობერტო მანჩინი ყოფილი კლუბის, “გალათასარაის” ერთბაშად ორი ფეხბურთელით ინტერესდება.

წყაროს თანახმად, “ნერიაძურის” ინტერესთა სფეროში მცველი სამიჰ კაია და ნახევარმცველი უესლი სნეიდერი მოექცნენ. შეგახსენებთ, რომ ჰოლანდიელი ფეხბურთელი “მილანის” ღირსებას 2009-დან 2013 წლამდე იცავდა.

აღსანიშნავია ისიც, რომ მანჩინიმ ამ ზაფხულს თურქული კლუბიდან ორი ფეხბურთელი უკვე გადმოიბირა — ფელიპე მელო და ალექს ტელესი.

 

„გალათასარაი“ სნეიდერთან გახანგრძლივებას გეგმავს

Posted on by Alix

„გალათასარაის“ ხელმძღვანელობა ნახევარმცველ უესლი სნეიდერის შენარჩუნებას აპირებს.

როგორც „Voetbal International“-ი იტყობინება, თურქული კლუბი 31 წლის მოთამაშესთან კონტრაქტის 2018 წლამდე გახანგრძლივებას აპირებს. სავარაუდოდ, მხარეები ერთმანეთს უახლოეს დროში შეხვდებიან და მოლაპარაკებასაც დაიწყებენ.

ცნობისთვის, ჰოლანდიელის მოქმედი კონტრაქტი 2016 წლამდე მოქმედებს.

ზაფხულში უესლის სახელს „იუვენტუსს“ უკავშირებდნენ.

ასე აწყობენ მატჩებს თურქეტის ჩემპიონატში! [ვიდეო]

Posted on by საბა

გუშინ, “გალათასარაიმ” “გენჯლერბირლიგი” მინიმალური ანგარიშით, 1-0 დაამარცხა.

აღსანიშნავია, ერთადერთი, გამარჯვების გოლი უესლი სნეიდერმა ძალიან უცნაურად გაიტანა.

ამის შემდეგ, გავრცელდა ინფორმაცია, რომ თურქეთში მატჩებს სწორედ ამგვარად აწყობენ.

უესლი სნეიდერმა “ქარაბიუქსპორს” ლამაზი ჯარიმა გაუტანა (ვიდეო)

Posted on by -

5 აპრილს, თურქეთის ჩემპიონატის 26-ე ტურში, “გალათასარაიმ” საკუთარ მოედანზე “ქარაბიუქსპორი” მიიღო და მეტოქე ანგარიშით 4:2 დაამარცხა.

შეხვედრაში დუბლის გაფორმება მოახერხა უესლი სნეიდერმა, მისი ერთ-ერთი გოლი კი ძალიან ლამაზი გამოვიდა.

სნეიდერი: „მიხარია, რომ კვლავ ნაკრების კაპიტანი ვიქნები“

Posted on by Alix

„გალათასარაის“ ნახევარმცველი უესლი სნეიდერი კმაყოფილია, რომ თურქეთთან და ესპანეთთან უახლოეს მატჩებში ჰოლანდიის ნაკრებს უკაპიტნებს.

სნეიდერი „ნირინჯისფრების“ კაპიტანი 2013 წლამდე იყო, რის შემდეგაც ლუი ვან გაალმა სამკლაური რობინ ვან პერსის გადასცა. თუმცა, „მანჩესტერ იუნაიტედის“ ფეხბურთელი ტრავმის გამო მოახლოებულ შეხვედრებს გამოტოვებს.

„ჩემთვის ეს ბევრს ნიშნავს. გუნდის კაპიტნობა განსაკუთრებული მოვლენაა. მსურს, ძველი დრო გავიხსენო. ის პერიოდი უკვე წარსულშია“, – განაცხადა უესლიმ.

უესლი სნეიდერმა თურქეთის თასზე სუპერ-გოლი გაიტანა (ვიდეო)

Posted on by -

12 თებერვალს, თურქეთის თასზე “გალათასარაიმ” საკუთარ მოედანზე “ქონიასპორი” მიიღო და მეტოქე ანგარიშით 4:1 დაამარცხა.

შეხვედრაში ორი გოლის გატანა მოახერხა ჰოლანდიელმა უესლი სნეიდერმა, მისი ორივე გოლი კი ძალიან ლამაზი გამოდგა.

“იუვე” სნეიდერში 7 მილიონს იხდის, “გალა” 12-13 მილიონს ითხოვს

Posted on by ბექა დოგრაშვილი

ავტორიტეტული იტალიური გამოცემა “ლა გაძეტა დელო სპორტი” წერს, რომ “გალათასარაი” უესლი სნეიდერის ტურინის “იუვენტუსში” გაშვების წინააღმდეგი არ არის და “ბებერ სინიორას” ფეხბურთელის სანაცვლოდ აქამდე დადგენილი თანხა შეუმცირა კიდეც. კერძოდ, თუ აქამდე თურქები ჰოლანდიელი ნახევარმცველის სანაცვლოდ 20 მილიონ ევროს ითხოვდნენ, ახლა მზად არიან, სნეიდერი 12-13 მილიონ ევროდ დათმონ.

ამის მიუხედავად, “იუვენტუსი” მაინც ჭირვეულობს და ჰოლანდიელის სანაცვლოდ მხოლოდ შვიდ მილიონ ევროს იხდის.

წყაროს ცნობით, მხარეებს შეთანხმებამდე ბევრი უკლიათ, თუმცა მოლაპარაკებები გრძელდება.

 

ალეგრი: „სნეიდერი ჩვენთვის ძვირი სიამოვნებაა“

Posted on by Alix

„იუვენტუსის“ მთავარმა მწვრთნელმა მასიმილიანო ალეგრიმ „გალათასარაის“ ნახევარმცველის უესლი სნეიდერის მიმართ ინტერესის შესახებ ისაუბრა.

„კარგი იქნებოდა, თუ თხუთმეტ ათას ევროდ შეფასებული სახლი ჩემი იქნებოდა, თუმცა, როდესაც მის საყიდლად საჭირო თანხა არ გაგაჩნია, ალტერნატიული ვარიანტების ძებნას იწყებ. სნეიდერის შემთხვევა ზუსტად ასეთია. მის შესაძენად სხვა კლუბებზე მეტის გადახდა მოგვიწევს, მიუხედავად იმისა, რომ მსგავსი ტიპის ფეხბურთელი ძალიან გამოგვადგებოდა“, – განაცხადა ტურინელთა დამრიგებელმა.

“იუვენტუსს” სნეიდერი სურს

Posted on by ბექა დოგრაშვილი

ავტორიტეტული იტალიური გამოცემა “ლა გაძეტა დელო სპორტი” წერს, რომ “გალათასარაის” შემტევი ნახევარმცველი უესლი სნეიდერი ტურინის “იუვენტუსის” ინტერესის სფეროში მოექცა.

წყაროს თანახმად, “ბებერი სინიორას” ხელმძღვანელობამ მიუნხენის “ბაიერნის” ნახევარმცველ ჯერდან შაჩირიზე მაღალი ფასის გამო უარი თქვა და 30 წლის ჰოლანდიელი ფეხბურთელის ტრანსფერზე გადაერთო.

როგორც მოგეხსენებათ, სნეიდერს იტალიაში თამაშის გამოცდილება აქვს. ის 2009-დან 2013 წლამდე მილანის “ინტერის” ღირსებას იცავდა.

ცნობისთვის, უესლი სნეიდერმა თურქეთის სუპერლიგის მიმდინარე გათამაშებაში 14 მატჩი ჩაატარა და სამი გოლი გაიტანა.