დღეს, საქართველოს ჩემპიონატის უმაღლესი ლიგის ორი შეხვედრა გაიმართა. “ზესტაფონმა” საკუთარ მოედანზე ქობულეთის “შუქურას” უმაპსინძლა. ანგარიში 30-ე წუთზე გიორგი ილურიძემ გახსნა და მასპინძლები დააწინაურა. სტუმრებმა შეხვედრის გადარჩენა მის დასრულებამდე 1 წუთით ადრე, ლაშა ჩალაძის გოლით შესძლეს.
მეორე მატჩი ქობულეთში შედგა, სადაც ბათუმის “დინამომ” ცხინვალის “სპარტაკი” მიიღო და მინიმალური ანგარიშით დამარცხდა. ერთადერთი გოლი მე-11 წუთზე ლევან ჭაფოძემ გაიტანა.
ხვალ:
უმაღლეს ლიგაში მე-6 ტურის დრო დადგა, რომელიც რამდენიმე გამორჩეული მატჩს გვთავაზობს. ცენტრალური შეხვედრა დღეს ზესტაფონში შედგება, სადაც ადგილობრივი კლუბი ქობულეთის “შუქურას” უმასპინძლებს. წინა ტურის მატჩი ორივე გუნდმა წააგო, ამიტომ დღეს იმერეთში უშეღავათო ბრძოლაა მოსალოდნელი.
კიდევ ერთი გამორჩეული მატჩი ხვალ სამტრედიაში შედგება. უმაღლესში დაბრუნებულმა სამტრედიელებმა კარგი სტარტი აიღეს და ხუთი ტურის შემდეგ 10 ქულით მესამე ოპზიციაზე იმყოფებიან. მოახლოებულ ტურში სანაიას გუნდის მეტოქე ქუთაისის “ტორპედო” იქნება. ძოძუაშვილის ხელში ეს კოლექტივი ყოველთვის მებრძლი გუნდი იყო და ასეთად რჩება კიდეც.
ტური თბილისში გასამართი მატჩით დასრულდეა. დინამო არენაზე ქვეყნის მრავალგზის ჩემპიონი ტრადიციულ მეტოქეს, ფოთის “კოლხეთს” მიიღებს. შეხვედრაში ფავორიტი აშკარაა. ფოთელებმა სეზონი საკმაოდ ცუდად დაიწყეს და 4 ქულით მე-15 პოზიციაზე იმყოფებიან. თუმცა, “დინამო” მატჩს დანაკლისით ხვდება. თბილისელებს ჩისკო და მიგინეიშვილი ვერ დაეხამრებიან.
20/09/14
21/09/14
დღეს, სფფ-ის სადისციპლინო კომიტეტის მორიგი სხდომა გაიმართა, სადაც ძირითად განსახილველ საკითხებად წარმოდგენილი იყო საქართველოს ეროვნული ჩემპიონატის მეოთხე და მეხუთე ტურის მატჩებში მომხდარი დისციპლინარული დარღვევები.
12 სექტემბერს, ზესტაფონი-სამტრედიას მატჩზე მომხდარი ინციდენტის გამო, სკ „ზესტაფონის“ ფეხბურთელს – ჯაბა დვალს მიეცა 3 მატჩიანი დისკვალიფიკაცია და ფულადი ჯარიმა – 600 ლარი (სადისციპლინო კოდექსის 99-ე მუხლი, 1 პუნქტი).
ამავე თამაშში, დისციპლინარული დარღვევის გამო, „სამტრედიას“ ფეხბურთელს – გიორგი დათუნაიშვილს მიეცა 1 მატჩიანი დისკვალიფიკაცია და ფულადი ჯარიმა – 200 ლარი (სადისციპლინო კოდექსის 98-ე მუხლი, მე-12 პუნქტი).
17 სექტემბერს, გურია-კოლხეთის მატჩის დროს დაფიქსირებულ დისციპლინარულ დარღვევებზე, სადისციპლინო კომიტეტმა სანქციები დაუწესა შემდეგ პირებს:
ომარ გოგონაია („კოლხეთი“, ფეხბურთელი) – 3 თამაში და 600 ლარი (სადისციპლინო კოდექსის 99-ე მუხლი, 1 პუნქტი).
ზაზა ინაშვილი („კოლხეთი“, მთ.მწვრთნელი) – 3 თამაში და 1200 ლარი (სადისციპლინო კოდექსის 99-ე მუხლი, 1 პუნქტი).
სფფ-ის პრესსამსახური
“დინამო არენაზე” თბილისის “დინამომ” უმაღლესი ლიგის მე-4 ტურის გადატანილ შეხვედრაში ქობულეთის “შუქურას” უმასპინძლა და მეტოქე დიდი ანგარიშით დაამარცხა.
თამაში პირველივვე წუთებიდან “დინამოს” შეტევებით დაიწყო. მე-7 წუთზე პარუნაშვილის გარღვევას პაპუნაშვილის სახიფათო დარტყმა მოყვა, რომელიც აზამატ ჯიოევმა ლამაზ ნახტომში მოიგერია.
მე-14 წუთზე გატანა “შუქურას” შეეძლო. მეკარესთან პირისპირ დარჩენილმა თუხარელმა მიგინეიშვილს ვერ აჯობა. სტუმრებმა შეტევა ფლანგიდან გააგრძელეს და საბოლოოდ მხოლოდ კუთხურით დაკმაყოფილდნენ.
24-ე წუთზე მასპინძლები დაწინაურდნენ. პაპუნაშვილმა ბურთი მოედნის ცენტრში ჩაჭრა და კარგი გადაცემით საბანაძე დასარტყმელ პოზიციაზე გაიყვანა, რომელსაც გატანა არ გასჭირვებია – 1:0.
მალევე საბანაძეს დუბლის შესრულება შეეძლო, თუმცა ლობჟანიძის კარგი გარღვევის შემდეგ მოვლენებს დაასწრო და თამაშგარეში აღმოჩნდა.
36-ე წუთზე “დინამოელთა” შემტევმა მეორე გოლის გატანა მაინც მოახერხა. საჯარიმოს მისადგომებიდან შესრულებული ზუსტი დარტყმით დალაშქრა ჯიოევის კარი.
მე-40 წუთზე საბა ლოჟანიძის ჯერი დადგა. მარცხენა ფლანგიდან განხორციელებული გარღვევა “დინამოს” 22-მა ნომერმა შედეგიანი დარტყმით დააგვირგვინა.
ტაიმის ბოლო წუთზე “დინამომ” მეოთხე გოლის გატანა მოახერხა. ლობჟანიძის წამოწყებული სწრაფი კონტრშეტევა პაპუნაშვილმა გააგრძელა, რომელმაც ცარიელი კარის წინ მდგომ შერგელაშვილს გადააწოდა და 4-0.
მეორე ნახევარიც მასპინძელთა შეტევებით დაიწყო. პირველ 10 წუთში პაპუნაშვილის აქტიურობას სამი მომენტი მოჰყვა, თუმცა სამივე შემთხვევაში მცდელობა უშედეგო აღმოჩნდა.
“შუქურას” რამდენიმე სტანდარტის შემდეგ “დინამომ” კიდევ ერთი მომენტი შექმნა. ჯიოევთან პირისპირ ლობჟანიძე გავიდა და გოლამდე სულ ცოტა დააკლდა.
62-ე წუთზე ქობულეთელებს შეხვედრის ყველაზე რეალური მომენტი შეექმნათ. კუთხურიდან მოწოდებულ ბურთზე საჯარიმოში ყველას მეტრეველმა დაასწრო. “შუქურას” შემტევს მიგინეიშვილმა ტრავმის ფასად არ გაატანინა, რის გამოც შესაცვლელი გახდა. მეტიც, “დინამოს” მეკარის ტრავმა, სავარაუდოდ, სერიოზულია, რადგანაც სტადიონის ტერიტორია მიგინეიშვილმა სასწრაფო დახმარების მანქანის მეშვეობით დატოვა.
71-ე წუთზე ანგარიში 5-0 გახდა. პაპუნაშვილმა შორიდან ძლიერად დაარტყა და ჯიოევის უხეში შეცდომის წყალობით უპირატესობა კიდევ უფრო გაზარდა.
81-ზე “დინამომ” კიდევ ერთი გოლი გაიტანა. მეკარესთან პირისპირ სამი ფეხბურთელი გავიდა. პარუნაშვილი-ჩირგაძის კომბინაცია ამ უკანასკნელის ზუსტი დარტყმით დასრულდა.
დარჩენილ დროში გუნდებმა რამდენიმე მომენტი გაცვალეს, თუმცა ანგარიში აღარ შეცვლილა. “დინამომ” რუსთავში განცდილი მტკივნეული მარცხის შემდეგ მნიშვნელოვანი გამარჯვება მოიპოვა, “შუქურამ” კი სეზონში პირველი მარცხი განიცადა.
დინამო 6-0 შუქურა
გოლები: საბანაძე 23′ ; 35′ ; ლობჟანიძე 39′ ; შერგელაშვილი 45′ ; პაპუნაშვილი 70′ ; ჩირგაძე 81′
დიინამო: მიგინეიშვილი (დაუშვილი 68′), თოთაძე, ჭანტურია, ცინცაძე, პაპუნაშვილი, საბანაძე (ჩირგაძე 55′), პარუნაშვილი, პაპავა, ლობჟანიძე, შერგელაშვილი, ძარია (კაკაბაძე 61′).
სათადარიგოები: მჭედლისვილი, ჯანელიძე, ზივზივაძე, ჯიქია
მწვრთნელი: კახი გოგიჩაიშვილი
შუქურა: ჯიოევი, ჩალაძე, ბერუაშვილი, ხოჭოლავა, გურული, ლობე (კალანდაძე 31′), კუტალია (მეტრეველი 37′), კუხიანიძე, თუხარელი (ცოტნე მესხი 46′), ჩაფიძე, ჩელებაძე.
სათადარიგოები: კაკალაძე, ტაკიძე, კომახიძე, ტუღუში
მწვრთნელი: ამირან გოგიტიძე
მარიამ ნიშნიანიძის ფოტოები
დღეს, უმაღლესი ლიგის მე-4 ტურის რამდენიმე შეხვედრა გაიმართა. სათამაშო დღე საკმაოდ უხგოლიანი გამოდგა.
დინამო 6-0 შუქურა
გოლები: საბანაძე 23′ ; 35′ ; ლობჟანიძე 39′ ; შერგელაშვილი 45′ ; პაპუნაშვილი 70′ ; ჩირგაძე 81′
სიონი 1-3 ზესტაფონი
გოლები: ჭანტურიშვილი 34′ (0:1); ილურიძე 37′ (0:2); გივი კვარაცხელია 80′ (1:2); კაპანაძე 90′
სამტრედია 3-1 სპარტაკი
გოლები: ბეჭვაია 12′ (1:0); კაჭკაჭიშვილი 45′ (1:1); კვირკველია 54′ (2:1); გაბედავა 65′ (3:1)
ტორპედო 1-0 ვიტ ჯორჯია
გოლი: ბონდარენკო 88′
დინამო ბათუმი 3-1 მერანი
გოლები: ტეტუნაშვილი 4′ (1:0); აკაკი წყაროზია 16′ (1:1); ამირან მუჯირი 49” (2:1); ტეტუნაშვილი 84′ (3:1)
ხვალ ტურის დარჩენილი მატჩები გაიმართება:
ზუგდიდი – დილა
გურია – კოლხეთი
ჩიხურა – მეტალურგი
უმაღლესი ლიგის მეხუთე ტურის მატჩები დასრულდა. ტურის ცენტრაური დაპირისპირება ზესტაფონში შედგა, სადაც ადგილობრივი კლუბი “სამტრედიასთან” მინმალური ანგარიშით დამარცხდა.
ტურის ორი მატჩი გატანილი გოლების გარეშე დასრულდა. “მერანისა” და “ზუგდიდის” მსგავსად უგოლოდ ითამაშეს “სპარტაკმა” და “ტორპედომ”.
კიდევ ერთი ფრე, მაგრამ ამ შემთხვევაში შედეგიანი, ქობულეთში დაფიქსირდა, სადაც “შუქურამ” “სიონს” უმასპინძლა.
“ვიტ ჯორჯია” – “დინამო ბათუმის” შესახებ კი ჩვენი რეპორტაჟიდან შეიტყობთ.
შუქურა 1-1 სიონი
გოლები: ჩელებაძე 2′ (1:0); უგულავა 13′ (1:1)
მერანი 0-0 ზუგდიდი
სპარტაკი 0-0 ტორპედო
ვიტ ჯორჯია 2-0 დინამო ბათუმი
გოლები: კახაბრიშვილი 19′ ; კალანდია 28′
ზესტაფონი 0-1 სამტრედია
გოლი: დათუნაიშვილი 38′
გაძევება: ჯაბა დვალი 45′
დღეს, საქართველოს სამ ქალაქში უმაღლესი ლიგის მე-5 ტურის მატჩები შედგა. ყველაზე დიდ ინტერესს რუსთავში გასამართი მატჩი იწვევდა, სადაც ადგილობრივ “მეტალურგს” თბილისის “დინამო” ესტუმრა. მატჩმა გულშემატკივართა მოლოდინი გაამართლა და მოულოდნელი შედეგით დასრულდა. “მეტალურგმა” აქამდე დაუმარცხებელ “დინამოს” სამი უპასუხო გოლი გაუტანა. ანგარიში 29-ე წუთზე ქავთარაძემ გახსნა. 45-ზე გიორგი ჯოხაძემ მასპინძელთა უპირატესობა ორბურთიანი გახადა. ხოლო 52-ე წთზე ირაკლი სიხარულიძემ საბოლოო ანგარიში დააფიქსირა.
ლანჩხუთში ფოთის “კოლხეთმა” პირველი გამარჯვება მოიპოვა. ფოთელებმა “ჩიხურას” სძლიეს მინიმალური ანგარიშით. მოიგო გორის “დილამაც”. ბოლო 5 წუთში კვეკვესკირის და მოდებაძის გოლებით გორელებმა “გურიას” მოუგეს.
გოლები: ქავთარაძე 29′ ; ჯოხაძე 45′ ; სიხარულიძე 52′
გოლები: კვეკვესკირი 85′ ; მოდებაძე 90′
გოლი: შოთა ჯიქია 84′
სანაკრებო პაუზა დასრულდა და ქართულ სტადიონებზე უმაღლესი ლიგა ბრუნდება. ტური ორ დღეზეა გადანაწილებული და რამდენიმე მართლაც გამორჩეულ შეხვედრას მოიცავს.
კოლხეთი – ჩიხურა
11 სექტემბერი, ლანჩხუთი, 16:00
უმაღლეს ლიგაში პირველი გამარჯვების მოპოვებას ფოთის “კოლეთი” “ჩიხურასთან” ეცდება. ფოთელები საშინაო მატჩს ტრადიციულად ლანჩხუთში ჩაატარებენ. დაპირისპირებათა ისტორია საჩხერელთა უპირატესობაზე მეტყველებს. უმაღლეს ლიგაში ერთმანეთის წინააღმდეგ ჩატარებულ ოთხი შეხვედრიდან “ჩიხურამ” 3-ჯერ მოიგო, ხოლო “კოლხეთმა” – ერთხელ.
11 სექტემბერი, გორი, 16:00
გორის “დილა” საკუთარ მოედანზე ლანჩხუთის “გურიას” მიიღებს. სტუმრებმა მოსამზადებელი ეტაპის გავლა ვერ მოახერხეს და ჩემპიონატიც ოპტიმალურ ფორმაში არ დაუწყიათ. ასე რომ, სანაკრებო პაუზა თეიმურაზ ლორიას გუნდისთვის კონდიციების გასაუმჯობესებლად კარგი შანსი იყო. ლანჩუხთელებს გამოცდილი ნახევარმცველი, ალექსანდრე კოშკაძე შეუერთდა, რომელიც გასული სეზონის ბოლოს “დილას” ერთ-ერთი წამყვანი მოთამაშე იყო.
გორელებმა ჩემპიონატი დამაჯერებლად დაიწყეს, თუმცა უკანასკნელ ტურში საკუთარ მოედანზე ბათუმის “დინამოსთან” დამარცხდნენ. ამ შეხვედრას სამსაჯო სკანდალიც მოჰყვა.
11 სექტემბერი, რუსთავი, 16:30
მეხუთე ტურის ერთ-ერთ გამორჩეულ შეხვედრას რუსთავის “ფოლადის” სტადიონი უმასპინძლებს. გათამაშების ყველაზე ახალგაზრდული გუნდების დაპირისპირება ნამდვილად დიდ ინტერესს იწვევს.
ჯეროჯერობით ორივე გუნდი დაუმარცხებლად ასპაეზობს, თუმცა “დინამოსგან” განსხვავებით, რომელსაც 100 პროცენტიანი შედეგი აქვს, რუსთაველებმა სამი შეხვედრიდან ორი ფრედ დაასრულეს.
გასულ სეზონში უმაღლესი ლიგის და საქართველოს თასის მატჩებში “მეტალუგი” და “დინამო” ერთმანეთს 6-ჯერ შეხვდნენ. თბილისელებმა გამარჯვება 4-ჯერ იზეიმეს, რუსთაველებმა კი ერთხელ. ერთი მატჩიც ფრედ, გატანილი გოლების გარეშე დასრულდა.
12 სექტემბერი, ქობულეთი, 16:00
უმაღლესი ლიგის სტარტზე წარმატებული დებიუტანტი საკუთარ სტადიონზე შარშანდელი გათამაშების მესამეადგილოსანს მიიღებს. სანაკრებო პაუზის დროს ორივე გუნდმა გამართა ამხანაგური შეხვედრები. “სიონი” ეროვნულ ნაკრებსაც კი შეხვდა და ახალი ფეხბურთელიც გამოსცადა. ბოლნისელები ახალგაზრდა ბრაზილიელ ნახევარმცველს, ფელიპე ლიმას აკვირდებიან.
სატურნირო ცხრილში გუნდებს შორის სხვაობა მხოლოდ ერთი ქულაა. ამიტომ, ქობულეთელი გულშემატკივრები დაძაბული ბრძოლის მოლოდინშ უნდა იყვნენ.
“შუქურას” აღნიშნულ მატჩზე ახალი მთავარი მწვრთნელი გაიყვანს. ბესიკ შეროზიას ადგილი ქობულეთურ კლუბში ამირან გოგიტიძემ დაიკავა.
12 სექტემბერი, სამტრედია, 16:00
მეგრული დერბი მარტვილური კლუბისთვის საშინაო ქცეულ სამტრედიის სტადიონე გაიმართება.
“მერანმაც” და “ზუგდიდმაც” ჩემპიონატი წარუმატებლად დაიწყეს და სატურნირო ცხრილში მათი მდგომარეობა გასაკვირი სულაც არ არის. მარტვილელებმა პირველი გამარჯვება გასულ ტურში მოიპოვეს. ხოლო “ზუგდიდი” წარმატებული სვლის დაწყებას პარასკევს ეცდება.
12 სექტემბერი, მცხეთა, 16:00
“ვიტ ჯორჯიამ” ჩემპიონატი დამაჯერებელი გამარჯვებით დაიწყო, თუმცა შემდეგ ტურებში ერთი ქულის მოპოვებაც კი ვერ მოახერხა. ბათუმელებმა კი პირიქით – პირველ ტურში “მეტალურგთან” განცხდილი მარცხის შემდეგ ზედიზედ ორი გამარჯვება მოიპოვეს და სატურნირო ცხრილის მეორე საფეხურზე დამკვიდრდნენ.
შეიძლება ითქვას, რომ “დინამო” მცხეთაში ფავორიტის სტატუსით ჩადის. “ვეტერინარები” კი ტრადიციებს არ ღალატობენ და ახალ სეზონშიც წარამტების მიღწევას ახალგაზრდული გუნდით ცდილობს.
12 სექტემბერი, მ.მესხი, 16:00
ტურის კიდევ ერთ გამორჩეულ მატჩს მიხეილ მესხის სახელობის სტადიონის სათადარიგო მოედანი უმასპინძლებს, სადაც ცხინვალის “სპარტაკს” ქუთაისის “ტორპედო” ეწვევა.
ამ გუნდებს ერთმანეთის წინააღმდეგ 18 მატჩი აქვთ ჩატარებული. უპირატესობით ქუთაისელები სარგებლობენ, რომლებმაც 11-ჯერ შესძლეს მეტოქის დამარცხება. “სპარტაკმა” გამარჯვების მოპოვება 4-ჯერ შესძლო, ხოლო 3 მატჩი ფრედ დასრულდა.
12 სექტემბერი, ზესტაფონი, 18:00
ტური ზესტაფონში, იმერული დერბით დასრულდება. ორივე გუნდს მოსალოდნელზე სუსტი სტარტი ჰქონდა და გულშემატკივართა მრავალ კითხვებს პრასუხს ალბათ მეხუთე ტურის შეხვედრა გასცემს.
აღნიშნული მატჩის პირდაპირი რეპორტაჟის ხილვა საზოგადოებრივი მაუწყებლის პირველი არხის პიდაპირ ეთერში იქნება შესაძლებელი.
დღეს, საქართველოს ქალაქებში უმაღლესი ლიგის მესამე ტურის დარჩენილი მატჩები გაიმართა. გთავაზობთ შეხვედრების შედეგებს.
შუქურა 1-1 ჩიხურა
გოლები: კუჭუხიძე 45′ (0:1); ჩელებაძე 54′ (1:1)
კოლხეთი 1-1 ზუგდიდი
გოლები: ლომია 55′ (0:1); ამბროლაძე 90′ (1:1)
მერანი 3-1 ტორპედო
გოლები: ჩიმაკაძე 36′ (1:0); ფონიავა 47′ (2:0); ჩიმაკაძე 78′ (3:0); კვერნაძე 90′ (3:1)
სიონი 2-2 სამტრედია
გოლები: ბაკურაძე 42′ (0:1); დოლიძე 74′ (0:2); სირაძე 88′ ; 90′ (2:2)
ვიტ ჯორჯია 0-1 სპარტაკი
გოლი: ივანიშვილი 57′
მეტალურგი 0-0 გურია
დღეს, უმაღლესი ლიგის მესამე ტური ორი შეხვედრით გაიხსნა.
გორში ადგილობრივმა “დილამ” ბათუმის “დინამოს” უმაპსინძლა და მინიმალური ანგარიშით დამარცხდა. შეხვედრის ერთადერთი გოლი მატჩის 45-ე წუთზე ირაკლი ჩირიკაშვილმა გაიტანა.
ტურის ცენტრალურ შეხვედრაში, რომელიც ზესტაფონში გაიმართა გამარჯვება თბილისის “დინამომ” იზეიმა. ანგარიში მასპინძლებმა მე-5 წუთზე სარდალიშვილის გოლით გახსნეს, თუმცა “დინამომ” პაუნაშვილის ძალისხმევით ზუსტად ერთ წუთში გაათანაბრა.
“ზესტაფონი” კიდევ ერთხელ 52-ე წუთზე ჯაბა დვალის ულამაზესი გოლით დაწიუნაურდა და მატჩის ბოლო წუთებამდეც იგებდა. მაგრამ, 86-ე და 88-ე წუთებზე ირაკლი ძარიას დუბლმა “დინამოს” ზედიზედ მესამე გამარჯვება მოუტანა.
ხვალ ტურის დარჩენილი მატჩები გაიმართება:
შუქურა – ჩიხურა
კოლხეთი – ზუგდიდი
მერანი – ტორპედო
სიონი – სამტრედია
მეტალურგი – გურია
ვიტ ჯორჯია – სპარტაკი
უმაღლესი ლიგის მესამე ტურის მატჩების დიდი ნაწილი კვირას გაიმართება, თუმცა ცენტრალურ შეხვედრას შაბათს ზესტაფონი უმასპინძლებს.
23/08/14
ზესტაფონი – დინამო თბილისი
ზესტაფონი “დავით აბაშიძე”, 18:00
ზესტაფონში ადგილობრივი კლუბი გათამაშების ერთპიროვნულ ლიდერ “დინამო თბილისს” მიიღებს. გასულ ტურში გუნდებმა განსხვავებული შედეგები აჩვენეს. თბილისელებმა საკუთარ მოედანზე ბოლნისის “სიონს” მინიმალურად სძლიეს, ხოლო “ზესტაფონი” სტუმრად “ჩიხურასთან” დამარცხდა.
მნიშვნელოვანი მატჩის წინ რამდენიმე დღით ადრე “ზესტაფონში” საკადრო ცვლილებებიც მოხდა. იმერული კლუბი კაპიტანმა ღონღაძემ დატოვა, რომელიც კარიერას “ჩიხურაში” გააგრძელებს.
ამ გუნდებს შორის გამართულ შეხვედრებში უპირატესობა თბილისელებს აქვთ. დღემდე დინამო თბილისი და ზესტაფონი ეროვნულ ასპარეზზე ერთმანეთს 33-ჯერ შეხვედრიან. დედაქალაქელებმა მეტოქე 18 შემთხვევაში დაამარცხეს, 6 მატჩი ფრედ დასრულდა, 9 შეხვედრაში კი ყვირილისპირებემა იმარჯვეს.
დილა – დინამო ბათუმი
გორი, “თენგიზ ბურჯანაძე”, 17:00
ტურის პირველი შეხვედრა გორში გაიმართება, სადაც ადგილობრივ “დილას” ბათუმის “დინამო” ესტუმრება.
გორელები მიმდიანრე ჩემპიონატში ჯერჯერობით წაგების გარეშე ასპარეზობენ. “სპარტაკის” დამარცხების შემდეგ ყველაზე ახალგაზრდა სპეციალისტის მიერ გაწვრთნილმა “დილამ” ქუთაისიდან ქულის წამოღება შესძლო.
ჩემპიონატი წარუმატებლად დაიწყეს ბათუმელებმა, თუმცა მეორე ტურში “დინამომ” უმნიშვნელოვანეს ზღვისპირულ დერბიში “კოლხეთი” დაამარცხა და მესამე ტურის მატჩს კარგ ხასიათზე ხვდება
24/08/14
სიონი – სამტრედია
თბილისი, “მიხეილ მესხი”, 17:00
საშინაოდ ქცეულ “მიხეილ მესხზე” ბოლნისის “სიონი” უმაღლეს ლიგაში დაბრუნებულ “სამტრედიას” მიიღებს.
მესამე ტურის შეხვედრას ორივე გუნდი აქტივში სამი ქულით ხვდება. თუ ბოლნისელებმა გამარჯვების მოპოვება პირველ მატჩში შესძლეს, სამტრედიელებმა ეს გასული ტურის შეხვედრაში, “ვიტ ჯორჯიასტან” მოახერხეს.
“სიონიც” და “სამტრედიაც” მიმდინარე სეზონში მაღალი ადგილებისთვის აპირებენ ბრძოლას, რაც მათი შემადგენლობიდან გამომდინარე საკმაოდ რეალურიც არის. ამიტომ, მესხზე საინტერესო მატჩის მოლოდინში უნდა ვიყოთ.
შუქურა – ჩიხურა
ქობულეთი, “ჩელე არენა”, 17:00
სასტარტო ორ ტურში დაუმარცხებელი “შუქურა” საკუთარ მოედანზე “ჩიხურას” მიიღებს.
სამქულიანი სტარტის შემდეგ მეორე ტურში ქობულეთელებმა ლანჩხუთში უგოლო ფრე ითამაშეს და საკუთარ აქტივში უკვე ოთხი ქულა აქვთ. თუმცა მესამე ტურში მეტოქეც წინა ორ გუნდზე გაცილებით ძლიერია. მიუხედავად ლიდერების წასვლისა, “ჩიხურა” მაინც ანგარიშგასაწევ ძალად რჩება.
მეტალურგი – გურია
რუსთავი, “ფოლადი”, 17:00
ჩემპიონატის ყველაზე “მოუმზადებელი” გუნდები ერთმანეთს რუსთავში დაუპირისპირდებიან. “მეტალრუგმაც” და “გურიამაც” უმაღლესი ლიგისთვის მზადება საკმაოდ გვიან დაიწყეს.
“მეტალურგი” გათამაშების ერთ-ერთი ყველაზე ახალგაზრდული გუნდია, “გურიაში” კი საკადრო ცვლილებები ჯერ არ დასრულებულა. ლანჩხუთელებს აშკარად აქვთ შეთამაშების პრობლემა, რაც მათ შედეგებზეც აისახება.
კოლხეთი – ზუგდიდი
ლანჩხუთი, “ევგრაფი შევარდნაძე”, 17:00
“კოლხეთმა” და “ზუგდიდმა” პირველ ორ ტურში გამარჯვების მოპოვება ვერ მოახერხეს. ეგ კი არა, ფოთელებმა ორივე შეხვედრა წააგეს. არადა “კოლხებს” შემადნგელობაც საკმოად ნორმალური ჰყავთ და სრულფასოვანი შეკრებაც გაიარეს, რასაც “ზუგდიდზე” ვერ ვიტყვით. მუმლაძის შეგირდები ჩემპიონატი დაწყებამდე რამდენიმე დღით ადრე შეიკრიბნენ.
მერანი – ტორპედო
სამტრედია, “ეროსი მანჯგალაძე”, 17:00
ტურში ნეიტრალურ მოედანზე გასამრთი კიდევ ერთი შეხვედრა “მერანი” – “ტორპედო” იქნება. მარტვილელები ქუთათურებს სამტრედიაში უმასპინძლებენ.
ჩემპიონატჩი ორივე მატჩის წაგების შემდეგ ლობასის შეგირდებმა თასის შეხვედრაში “საპოვნელა” დაამარცხეს და მნიშვნელოვანი თამაშის წინ ხასიათი ოდნავ გამოისწორეს.
მეტოქისგან განხვავებით ჯერჯერობთ წაუგებლად ასპარეზობს “ტორპედო” ჩემპიონატის სასტარტო ორ ტურში მოპოვებული 4 ქულის შემდეგ ძოძუაშვილის შეგირდებმა სათასო დაპირისპირებაშიც იყოჩაღეს და ხარაგაულის “ჩხერიმელას” სძლიეს.
ვიტ ჯორჯია – სპარტაკი
მცხეთა, “მცხეთა პარკი”, 17:00
მცხეთაში “ვიტ ჯორჯია” ცხინვალის “სპარტაკს” მიიღებს. მესამე ტურის წინ ორივე გუნდს აქტივში სამი ქულა აქვს. საინტერესოა ის გარემოება, რომ “ვიტ ჯორჯიამაც” და “სპარტაკმაც” გამარჯვებები მარტვილის “მერანთან” მოიპოვეს. “ვეტერინერებმა” ეს პირველ ტურში მოახერხეს, ხოლო ცხინვალელებმა – მეორეში.
დღეს, უმაღლესი ლიგის პირველი ტურის კიდევ სამი მატჩი გაიმართა. აღსანიშნავია, რომ სამივე მატჩი ერთნაირი ანგარიშით დასრულდა. ცენტრალურ მატჩში გაახალგაზრდავებულმა “დინამომ” საკუთარ მოედანზე “სამტრედიას” ორი უპასუხო გოლი გაუტანა.
გოლები: ჩისკო 55′ ; პაპუნაშვილი 73′
გოლები: მოდებაძე 30′ ; კვეკვესკირი 41′
გოლები: მათე კვირკვია 14′ ; 37′
