ჭდე: ვისენტე დელ ბოსკე

დელ ბოსკე: „ჰოლანდიასთან სერიოზული ბრძოლა გველის“

Posted on by Alix
ესპანეთის ნაკრების მთავარმა მწვრთნელმა ვისენტე დელ ბოსკემ მსოფლიოს 2014 წლის ჩემპიონატის ჯგუფური ეტაპის კენჭისყრის შდეგების თაობაზე ისაუბრა.
შეგახსენებთ, რომ „ფურია როხას“ ჯგუში ჰოლანდიის, ჩილესა და ავსტრალიის ნაკრებები მოხვდნენ.
„ჯერ კიდევ კენჭისყრამდე, ვამბობდი, რომ ჰოლანდიის ნაკრებთან ერთ ჯგუფში მოვხვდებოდით. ყველაფერი ასეც მოხდა. ბოლო დროს ეს ნაკრები ცოტა შეიცვალა. თუმცა, მას რობენი, ვან პერსი, ვან დერ ვაარტი და სნეიდერი კვლავ ეყოლება. ასე რომ, წინ ურთულესი მატჩი გველის“, – განაცხადა ფეხბურთის ესპანელმა სპეციალისტმა.
ალექსანდრე მატევოსოვი

დელ ბოსკე: „საქართველო – ძლიერი მეტოქეა“

Posted on by Alix
საქართველოსთან ანგარიშით 2:0 მოგებული შეხვედრის შემდეგ, ესპანეთის ნაკრების თავკაცი ვისენტე დელ ბოსკე ჟურნალისტებს გაესაუბრა.
„მნიშვნელოვანი გამარჯვება მოვიპოვეთ. კმაყოფილი ვარ, რომ სამი ქულის აღება მოვახერხეთ. გვაქვს მიზეზი იმისა, რომ საკუთარ თავით ვიამაყოთ. საქართველო – ძლიერი მეტოქეა, თუმცა ჯგუფში ფინეთისა და საფრანგეთის სახით ასევე რთული მეტოქეები გვყავდა. ამ საკვალიფიკაციო ციკლის დაწყების წინ ჩვენი მიზანი პირველი ადგილის დაკავება იყო. კარგია, რომ ამ მიზანს მივაღწიეთ“, – განაცხადა „ფურია რუხას“ მთავარმა მწვრთვნელმა.
ალექსანდრე მატევოსოვი

დელ ბოსკე: „მუნდიალზე ჯერ არ გავსულვართ“

Posted on by Alix

ესპანეთის ეროვნული ნაკრების მთავარი მწვრთვნელი ვისენტე დელ ბოსკე აცხადებს, რომ საქართველოსთან ჩასატარებელ მატჩს მისი ფეხბურთელები სერიოზულობით უნდა მიუდგნენ.

„მსოფლიოს ჩემპიონატის საკვალიფიკაციო ეტაპის დასრულებას ჯგუფში პირველი ადგილის დაკავებით ვგეგმავთ, ყველაფერი ჩვენს ხელშია. მიმდინარე ციკლისას, ორი არც ისე სასიამოვნო მატჩი გავმართეთ. ფინეთთან და საფრანგეთთან შემდგარ შეხვედრებს ვგულისხმობ. ყველაფრის მიხუედავად, საზოგადოება ამბობს, რომ ესპანეთის ნაკრებს მუნდიალის საგზური უკვე ჯიბეში აქვს. მართალია, საქართველოს ინგლისისა და იტალიის დონის ნაკრები არ ჰყავს, თუმცა დაწყებული საქმე ლოგიკურ დასასრულამდე უნდა მივიყვანოთ. დამშვიდებული ჯერ არ ვარ, მიუხედავად იმისა, რომ მსოფლიო ჩემპიონატამდე ერთი ნაბიჯი გვაშორებს“, – განაცხადა „ფურია როხას“ თავკაცმა.

შეგახსენებთ, რომ ესპანეთისა და საქართველოს ნაკრებებს შორის მატჩი სამშაბათს, 15 ოქტომბერს თბილისის დროით 22 საათსა და 50 წუთზე დაიწყება.

 ალექსანდრე მატევოსოვი

დელ ბოსკე: „გვინდა, ნაკრებში თამაშის შესაძლებლობა ყველას მივცეთ“

Posted on by ბექა დოგრაშვილი

ესპანეთის ნაკრების მთავარი მწვრთნელი ვისენტე დელ ბოსკე თავის ფეხბურთელებს მოუწოდებს, რომ ჩილესთან გასამართ მატჩს სერიოზულად მიუდგნენ. ცნობისთვის, შეხვედრა ესპანეთისა და ჩილეს ნაკრებებს შორის ხვალ, შვეიცარიაში შედგება. „ფურია როხას“ თავკაცი ამბობს, რომ წინა მატჩთან შედარებით, გუნდი გადასხვაფერებული შემადგენლობით ითამაშებს.

„ჩვენ გამოვიყენებთ შესაძლებლობას, რომ ბელორუსისა და საქართველოს ნაკრებებთან მომდევნო თვეში გასამართი მატჩებისთვის ყველა სათანადოდ მოემზადოს. გვინდა, ნაკრებში თამაშის შესაძლებლობა ყველას მივცეთ. თუ ჩილეს ნაკრებს სერიოზულად არ მივუდგებით, პრობლემები გვექნება. ჩვენი მეტოქე მაღალ დონეზე თამაშობს და ყოველთვის უტევს. ჩვენ გვყავს ფეხბურთელთა ჯგუფი, რომელმაც ნაკრებისთვის ბევრი რამ გააკეთა და კიდევ გააკეთებს, თუმცა ეროვნული გუნდის კარს არავის ვუკეტავთ“, – დელ ბოსკეს სიტყვები  AS-მა გამოაქვეყნა.

ამხანაგური მატჩი ესპანეთისა და ჩილეს ნაკრებებს შორის ხვალ, თბილისის დროით 21:00 საათზე დაიწყება.

ბექა დოგრაშვილი

დელ ბოსკემ, კასილასი ნაკრებს შეეწირაო

Posted on by ბექა დოგრაშვილი

ესპანეთის ეროვნული ნაკრების მთავარი მწვრთნელი ვისენტე დელ ბოსკე შეეცადა, აეხსნა ის მიზეზები, თუ რატომ დაკარგა იკერ კასილასმა მადრიდის „რეალის“ მთავარ პოსტზე ჟოზე მოურინიოს მუშაობის პერიოდში გუნდის ძირითად შემადგენლობაში ადგილი. „ფურია როხას“ ხელმძღვანელის თქმით, კასილასი „რეალისა“ და „ბარსელონას“ ესპანელ ფეხბურთელთა შერიგებას ცდილობდა, რაც შეიძლება გამხდარიყო მიზეზი იმისა, რატომაც აითვალწუნა მოურინიომ ის.

„ესპანეთის ნაკრებისთვის მძიმე პერიოდში, როდესაც „რეალსა“ და „ბარსელონას“ შორის დაძაბული მატჩები იმართებოდა, კასილასი „ფურია როხას“ წინსვლისა და ტიტულების მოგების საშუალებას აძლევდა. მაგალითად, ასე მოვიგეთ ევროპის ჩემპიონატი. ის სიმშვიდის დასადგურებას, ფეხბურთელთა შერიგებას ცდილობდა. შეიძლება სწორედ ამას მოეხდინა იკერისთვის მავნე ზეგავლენა. კასილასი ნაკრებში ერთ-ერთი მთავარი ფიგურა იყო, რომელიც სრულ ჰარმონიას ინარჩუნებდა“, – ციტირებს დელ ბოსკეს სიტყვებს „როიტერი“.

ბექა დოგრაშვილი