ჭდე: ზესტაფონი

როგორც უკვე მოგახსენეთ, უამინდობით გამოწვეული რამდენიმედღიანი პაუზის შემდეგ, ზესტაფონელები მწვანე მინდორზე ვარჯიშს დაუბრუნდნენ. ორმაგად სასიამოვნო გახლავთ ის, რომ დღევანდელი ვარჯიში ზემოიმერული კლუბის მშენებარე ბაზის მესამე საფეხბურთო მოედანზე გაიმართა.

ზესტაფონელთა ბაზაზე ამოქმედებულ პირველ და მეორე მოედნებზე უკრაინიდან შემოტანილი ბალახის რულონებია დაგებული. რაც შეეხება სპორტული კომპლექსის მესამე საფეხბურთო მოედანს, ის ორი “წინამორბედისაგან” განსხვავებით უნიკალური გახლავთ. საქმე იმაშია, რომ რულონების დაგების ნაცვლად, ამ მოედანზე 2012 წლის 23 ოქტომბერს უკრაინული კომპანია “ლიდია-პარკის” წარმომადგენელთა მეთველყურეობით, სპორტულ ობიექტებზე გამოყენებისათვის განკუთვნილი ამერიკული ფირმა “ჟაკლინის” თესლი დაითესა…

დათესვის შემდეგ გასული 15 თვის განმავლობაში მინდორი ჯერ “ლიდია-პარკის”, შემდეგ კი კომპანია “Lawns of Georgia”-ს სპეციალისტების სისტემატური მეთვალყურეობის ქვეშ იმყოფებოდა და კარგი ხარისხით ცნობილ ზესტაფონურ საფეხბურთო მოედნებს შორის სადღეისოდ საუკეთესო გახლავთ.

მართალია, რამდენიმე დღის წინ ახალი მინდორი ფეხბურთელთა ერთმა ჯგუფმა მწრთნელებთან ერთად “დააჭაშნიკა”, თუმცა პირველი სრულფასოვანი ვარჯიში სწორედ დღეს, ნათლისღებას გაიმართა.

აქვე შეგახსენებთ იმას, რომ ხვალ, 20 იანვარს, საფეხბურთო კლუბ “ზესტაფონის” დუბლშემადგენლობა “ბენდელას” თასის გათამაშებაში ს.კ. “ქუთაისთან” ქუთაისის “ტორპედოს” ბაზაზე გასამართი მატჩით ჩაებმება. რაც შეეხება მარგველთა პირველ გუნდს, მიმდინარე წლის პირველი ამხანაგური მატჩი 21 იანვარს გაიმართება – ზემოიმერლები მარტვილის “მერანს” საკუთარ ბაზაზე უმასპინძლებენ. მატჩი 15:30 საათზე დაიწყება.

ჩვენ კი გთავაზობთ ფოტორეპორტაჟს, რომელიც საფეხბურთო კლუბ “ზესტაფონის” საწვრთნელი ბაზის მესამე მოედანზე პირველი ვარჯიშის მიმდინარეობას ასახავს.

FCZestafoni.GE

მცირე შესვენების შემდეგ, მარგველები ისევ ზესტაფონში შეიკრიბნენ და ეროვნული ჩემპიონატის საგაზაფხულო სტადიის მატჩებისათვის მზადება განაგრძეს.

გუშინ საღამოს ზესტაფონელებმა ფეროშენადნობთა ქარხნის სამმართველოს მახლობლად მდებარე ხელოვნურსაფარიან სტადიონზე ივარჯიშეს. გია გეგუჩაძემ გუნდი ისევ ფიზიკური კონდიციების გაუმჯობესებაზე ამუშავა – ნახევარსაათიანი კროსი ჯერ ივან ვუჩეტიჩის დავალებების შესრულებამ, შემდეგ კი ძალისა და გამძლეობის მომატებაზე გათვლილი ვარჯიშების კომპლექსმა შეცვალა.

დღეიდან იმერლები ასე მონატრებულ მწვანე გაზონს უბრუნდებიან. ზესტაფონის სტადიონის ადმინისტრაციისა და მინდვრების მომსახურე პერსონალის რამდენიმედღიანი შრომის შედეგად, კლუბის ბაზაზე ერთ-ერთი მინდვრის თოვლისაგან გაწმენდა, როგორც იქნა, მოხერხდა.

ხვალ, 20 იანვარს, საფეხბურთო კლუბ “ზესტაფონის” დუბლშემადგენლობა “ბენდელას” თასის გათამაშებაში ს.კ. “ქუთაისთან” სტუმრად გასამართი მატჩით ჩაებმება. რაც შეეხება მარგველთა პირველ გუნდს, მიმდინარე წელიწადში პირველ საკონტროლო მატჩს ის 21 იანვარს ჩაატარებს – საქართველოს ორგზის ჩემპიონები საკუთარ ბაზაზე მარტვილის საფეხბურთო კლუბ “მერანს” დაუპირისპირდებიან. სპარინგ-მატჩი 15:30 საათზე დაიწყება.

ჩვენ კი გთავაზობთ ფოტორეპორტაჟს, რომელიც გუშინდელი ვარჯიშის მიმდინარეობას ასახავს.

საფეხბურთო კლუბ ”ზესტაფონის” პრეს-სამსახური

იმერეთში მოსულმა თოვლმა ეროვნული ჩემპიონატის საგაზაფხულო ნაწილისათვის საფეხბურთო კლუბ ”ზესტაფონის” მზადების პროცესში მნიშვნელოვანი ცვლილებები შეიტანა.

გუშინ დილით ზესტაფონელებმა ისევ ქალაქის სპორტულ-გამაჯანსაღებელი ცენტრის დახურულ დარბაზში ივარჯიშეს, საღამოს კი გუნდმა ფიზიკური კონდიციების გაუმჯობესებაზე იმუშავა – სპორტსმენები თავიდან დავით აბაშიძის სახელობის სტადიონის სატრენაჟორო დარბაზში დაიტვირთნენ, შემდეგ კი მათ დათოვლილ მინდორზე გადაინაცვლეს და ვარჯიში ფეხბურთისათვის ესოდენ უჩვეულო ვითარებაში განაგრძეს.

უნდა ითქვას, რომ 16 იანვარს სავარჯიშო პროცესს გრიგოლ დოლიძე და ნაემეკა აჯურუ შეუერთდნენ. გუშინვე, სამშობლოში გაკეთებული ოპერაციისა და რეაბილიტაციის პირველი ეტაპის გავლის შემდეგ, საქართველოში დაბრუნდა გუნდის სერბი ლეგიონერი იგორ იელიჩი, რომელიც ინდივიდუალური პროგრამით მზადებას შეუდგა.

ხვალისთვის იმერელთა სამწვრთნელო შტაბს ორმხრივი შეხვედრა ჰქონდა დაგეგმილი, თუმცა უამინდობამ გია გეგუჩაძეს გეგმები შეაცვლევინა – ზესტაფონელთა თავკაცმა გუნდი შაბათამდე დაასვენა …

აქვე მოგახსენებთ იმის შესახებ, რომ მხარეთა შორის მიღწეული შეთანხმების საფუძველზე, კლუბის რიგები დატოვა ალჟირელმა ფორვარდმა მოჰამედ რეკრუკმა. “ზესტაფონში” აღარ იასპარეზებს ბოლო წლებში გუნდის უცვლელი გოლკიპერი და კაპიტანი როინ კვასხვაძეც – მას ჩვენს კლუბთან შრომითი ხელშეკრულების მოქმედების ვადა დაუსრულდა.

გთავაზობთ მცირე ფოტორეპორტაჟს, რომელიც ზესტაფონელთა დღევანდელი ვარჯიშის მიმდინარეობას ასახავს.

საფეხბურთო კლუბ ”ზესტაფონის” პრეს-სამსახური

საფეხბურთო კლუბ ”ზესტაფონის” პირველი გუნდი საფეხბურთო სეზონის განახლებისათვის მზადებას ზესტაფონში განაგრძობს.

გუშინ და დღეს ზესტაფონელებმა ძირითადად ფიზიკური კონდიციების გაუმჯობესებაზე იმუშავეს. 11 იანვარს დატვირთვის ტესტი ჩატარდა. სასიამოვნოა, რომ ფეხბურთელთა უმეტესობა დატვირთვებს ნორმალური მაჩვენებლებით გაუმკლავდა. აქვე უნდა ითქვას ისიც, რომ გუშინ სავარჯიშო პროცესს თეიმურაზ ღონღაძე და რენე ფერეირა დოს სანტოსი შეუერთდნენ.

დღევანდელი დილა ძირითადად სისწრაფისა და კოორდინაციის განვითარებაზე გათვლილ ვარჯიშებს დაეთმო. ვარჯიშის მიწურულს ფეხბურთელებს ბურთთან მუშაობის საშუალებაც მიეცათ. საღამოს ვარჯიშის მთავარი ამოცანები კი ძალისა და გამძლეობის მაჩვენებლების ამაღლება გახლდათ.

გია გეგუჩაძემ გუნდი ორ ნაწილად გაჰყო და სანამ ფეხბურთელთა ერთი ჯგუფი მთავარი მწვრთნელისა და მისი ასისტენტების (გურამ ასპინძელაშვილი და კახაბერ ჩხეტიანი) ხელმძღვანელობით დავით აბაშიძის სახელობის სტადიონის მწვანე გაზონზე იტვირთებოდა, მეორე ჯგუფი ივან ვუჩეტიჩის დავალებებს სატრენაჟორო დარბაზში ასრულებდა. ვარჯიშის პირველი ნაწილის დასრულების შემდეგ პირველმა და მეორე ჯგუფებმა ადგილები გაცვალეს.

გთავაზობთ მცირე ფოტორეპორტაჟს, რომელიც ზესტაფონელთა მზადების მიმდინარეობას ასახავს.

საფეხბურთო კლუბ ”ზესტაფონის” პრეს-სამსახური

10 იანვარს “ზესტაფონმა” 2014 წელს პირველი ვარჯიში გამართა. გუნდი სრული შემადგენლობით არ შეკრებილა – გრიგოლ დოლიძე, თეიმურაზ ღონღაძე, იგორ იელიჩი, რენე ფერეირა დოს სანტოსი და ნაემეკა აჯურუ სავარჯიშო პროცესს უახლოეს დღეებში შეუერთდებიან. ხვალიდან გია გეგუჩაძეს გუნდი ორჯერადი ვარჯიშების რეჟიმზე გადაჰყავ … ზესტაფონი გუნდს ზამთრისათვის უჩვეულოდ მზიანი ამინდით შეეგება და საახალწლო პაუზის დროს ფეხბურთს მონატრებული ადამიანების განწყობაზე დადებითად ამ გარემოებამაც იმოქმედა. ვარჯიშის დაწყებამდე გუნდის მთავარმა მწვრთნელმა გია გეგუჩაძემ ფეხბურთელებსა და გუნდის პერსონალს თავის კიდევ ერთი ასისტენტი კახა ჩხეტიანი წარუდგინა.

წყარო: https://www.facebook.com/fczesta