გუშინ ესპანეთის ლა ლიგა სანტანდერის მე-13 ტურში “ვალენსიამ” “ბარსელონა” მიიღო და ფრე, 1-1 გააგორა. როგორც იქნა, კატალონიელებმა ქულები დაკარგეს და ახლა მასსა და მადრიდულ გუნდებს, “რეალსა” და “ატლეტიკოს” შორის ჩამორჩენა რვა ქულაა.
გთავაზობთ კარიკატურას იმასთან დაკავშირებით, თუ რა რეაქცია ჰქონდათ დედაქალაქურ გუნდებს ცხრილის ლიდერის ფრეზე.
დღეს ლა ლიგის მე-12 ტურის მატჩში “ატლეტიკომ” “რეალი” მიიღო და მეტოქესთან უგოლო ფრე გააგორა.
მადრიდული დერბის შემდეგ, ზინედინ ზიდანმა პრესკონფერენცია გამართა.
“არ ვთვლი, რომ პანიკაში უნდა ჩავვარდეთ. წინ კიდევ ბევრი შეხვედრაა. ჩვენსა და “ბარსელონას” შორის დიდი დაშორებაა, თუმცა ეს შეიცვლება. კატალონიელები ყველა თამაშს ვერ მოიგებენ. ხოლო, “რეალი” კი ამის გამოყენებას ეცდება და ჩამორჩენას აღმოფხვრის. კარგად გამოვიყურებოდით, თუმცა გოლი დაგვაკლდა.”
“ვწუხვარ ფეხბურთელების გამო, რადგან მათ მეტი დაიმსახურეს. მათ ნამდვილად ვერ გავაკრიტიკებ. სიმშვიდე – ეს სწორი გზაა. დღეს მართლა მშვენივრად ვითამაშეთ და, უბრალოდ, არ გაგვიმართლა. ამას ვერ ვიტყვი “ტოტენჰემსა” თუ “ხირონაზე”, თუმცა “ატლეტიკოს” კართან რამდენიმე რეალური მომეტი შევქმენით.”
“არ ვიცი, რამოსის ცხვირთან დაკავშირებით, რა ხდება. მგონი, ის გატეხილია. ის მომენტი და, ასევე, სხვა რამდენიმე შეჯახება კარგად ვერ დავინახე, ამიტომ ვერ შევაფასებ არბიტრებს. მათ უბრალოდ თავისი საქმე ჰქონდათ გასაკეთებელი, გამოვიდნენ მოედანზე და იმსაჯეს,” – აცხადებს “ზიზუ”.
მადრიდის “რეალის” მწვრთნელის, ზინედინ ზიდანის სამწვრთნელო სტილის ერთ-ერთი მახასიათებელი ნიშანი მუდმივი როტაციაა. იგი ამ ამ პრინციპს არც ამ სეზონში ღალატობს.
საგულისხმოა, რომ ფრანგმა სპეციალისტმა ლა ლიგის უკანასკნელ, მე-11 ტურში ძირითად შემადგენლობაში ხესუს ვალიეხო დააყენა. ახალგაზრდა მცველი აღმოჩნდა 23-დან 23-ე მოთამაშე იმ ფეხბურთელებს შორის, რომლებიც ამ სეზონში ლა ლიგის ან ჩემპიონთა ლიგის შეხვედრებში პირველივე წუთიდან იმყოფებოდნენ სასტარტოში.
“ბლანკოსმა” გასულ ზაფხულში ალვარო მორატა და ხამეს როდრიგესი გაუშვა, თუმცა ახალაგზრდებით მიიღო შევსება: ტეო ერნანდესი, დანი სებალოსი, მარკოს ლორენტე, ბორხა მაიორალი, აჩრაფ ჰაკიმი. სწორედ მათ შეძლეს და რამდენიმე თამაშში დაიწყეს პირველივე წუთიდან თამაში.
აქვე იმასაც გეტყვით, რომ ლა ლიგა სანტანდერის თერთმეტი შეხვედრიდან ყველაზე ხშრად ძირითად შემადგენლობაში სერხიო რამოსი (10) იყო. ამ მხრივ მეორე პოზიციას კაზემირო (9) იკავებს.
დღეს ჩემპიონთა ლიგის ჯგუფური ეტაპის მეოთხე ტურში მადრიდის “რეალი” ინგლისის დედაქალაქ ლონდონს ესტუმრება და “უემბლიზე” “ტოტენჰემს” დაუპირისპირდება.
პრინციპული შეხვედრის წინ “ბლანკოსის” მთავარმა მწვრთნელმა, ზინედინ ზიდანმა ჟურნალისტებთან ისაუბრა.
“წინ დიდი გამოწვევაა. თუმცა, ენთუზიასმით და ვნებით ვართ აღვსილები. ყველაფერს ვიზამთ, რომ სასურველ შედეგს მივაღწიოთ. ამ სეზონში ბევრი რთული მომენტი გვქონდა. რა თქმა უნდა, არ მომწონს წაგების შეგრძნება. ახლა კიდევ ერთი დიდი დაბრკოლება გვაქვს წინ – შესაბამისად, არსებობს დიდი გამარჯვების მოპოვების შანსიც. როცა საქმე რთულად მიდის, უფრო მეტად გვინდა, რომ მოვიგოთ.”
“არ ვფიქრობ, რომ “ჟირონასთან” გამართული შეხვედრა “რეალში” ჩემი მწვრთნელობის პერიოდში ჩატარებულ მატჩებში ყველაზე ცუდი იყო. ეს ფეხბურთია და, როცა აგებ, აანალიზებ ამ შედეგის გამომწვევ ფაქტორებს. ჩენ ნამდვილად არ ვითამაშეთ კარგად და ამ ხარვეზებს აუცილებლად აღმოვფხვრით. კატალონიელებთან დაპირისპირებაზე მეტს აღარ ვფიქრობთ. ახლა წინ ახალი შეხვედრაა. შეიძლება, ბევრს გაუკვირდეს, მაგრამ თავს მშვენივრად ვგრძნობთ და ჩემპიონთა ლიგაზე გამარჯვების მოპოვებას ვაპირებთ,” – აცხადებს “ზიზუ”.
ლა ლიგა სანტანდერის მეათე ტურის მატჩის (“ჟირონას” წინააღმდეგ) წინ, მადრიდის “რეალის” მთავარმა მწვრთნელმა, ზინედინ ზიდანმა პრესკონფერენცია გამართა.
“ლა ლიგიდან” ახალი ამბავი არ გვაქვს. ამიტომ, კატალონიშაი მივდივართ და “ჟირონას” ვეთამაშებით. მხოლოდ და მხოლოდ, ერთ რამეზე ვფიქრობ და ეს ხვალინდელი შეხვედრაა. ვიცი, ახლა იმ მხარეში დიდი ხმაური და არეულობაა. თუმცა, ეს ჩვენ არ გვეხება.”
“ნავასი ტრავმირებულია. კიკო კასილია კი, მზადაა. ის იმ ქალაქში ითამაშებს, სადაც დაიბადა. “ჟირონასთან” რთული დაპირისპირება გველის. მათ სტადიონზე თამაში მარტივი არაა. თუმცა, არც იმაზე ვფიქრობთ, რომ იქ არასდროს გვითამაშია. ჯერ კვირას, შემდეგ კი ოთხშაბათს გასვლაზე გვაქვს თამაშები. მაგრამ ასეთ რეჟიმს მიჩვეულები ვართ. დარწმუნებული ვარ, ყველაფერს თავს კარგად გავამრთევთ,” – აცხადებს “ზიზუ”.
გავრცელდა ინფორმაცია, რომ თუ კატალონიის დამოუკიდებლობა ამ უიქენდზე გამოცხადდება, შესაძლოა, “რეალის” ვიზიტი ჟირონაში გადაიდოს.
აღნიშნულთან დაკავშირებით ზინედინ ზიდანმა ისაუბრა.
“არაფერზე ვღელავთ. ჩვენს გეგმაში არაფერი იცვლება. უსაფრთხოების ზომები ისეთივე იქნება, როგორც ყოველთვის არის. ისე ვითამაშებთ, როგორც ამას აქამდე ვაკეთებდით. გვინდა, ფეხბურთი ვითამაშოთ და ვაჩვენოთ კარგი შოუ.”
“დარწმუნებული ვარ, გაძლიერებული უსაფრთხოება იქნება, რათა გაუთვალისწინებელი შემთვევები თავიდან იქნას აცილებული,” – აცხადებს ზიზუ.
კატალონიაში დაძაბული სიტუაციაა. ადგილობრივების უმრავლესობა რეფერენდუმის გზით დამოუკიდებლობას ითხოვს. სწორედ ამ პერიოდში (29 ოქტომბერი) იქ მადრიდის “რეალი” ჩაფრინდება და ადგილობრივ “ჟირონას” დაუპირისპირდება.
ხვალ “ბლანკოსი” ესპანეთის კოპა დელ რეის 1/16 ფინალში “ფუენლაბრადას” შეერკინება. მადრიდელთა მთავარმა მწვრთნელმა წინასამატჩო პრესკონფერენციაზე კატალონიაში ვიზიტზეც გაამახვილა ყურადღება.
“იქ მხოლოდ ფეხბურთის სათამაშოდ მივდივართ. რა თქმა უნდა, ჩვენს უსაფრთხოებაზეც ვფიქრობთ. თუმცა, ახლა მთავარი შეხვედრისთვის სათანადოდ მომზადებაა. ყველაფერს გავაკეთებთ, რომ შინ სამი ქულით დავბრუნდეთ,” – აცხადებს “ზიზუ”.
ფრანგმა კოპა დელ რეის შეხვედრაზეც ისაუბრა.
“ტურნირის ფორმატი შეცლვილია და ეს, როგორც მწვრთნელს ან ფეხბურთელს, არასდროს მომიგია. იმედი მაქვს, წელს ამას მოვახერხებ. ხვალინდელ მატჩში დამაჯერებელი გამარჯვების მოპოვებას შევეცდებით,” – ამბობს ზიდანი.
ხვალ ლა ლიგა სანტანდრის მეცხრე ტურში მადრიდის “რეალი” “ეიბარს” დაუპირისპირდება.
შეხვედრის წინ ჟურნალისტებს “ბლანკოსის” მთავარი მწვრთნელი, ზინედინ ზიდანი ესაუბრა.
“თავს მსოფლიოს საუკეთესო მწვრთნელად არ ვთვლი. თუმცა, მივიჩნევ, რომ მსოფლიოს საუკეთესო კლუბში ვმუშაობ. რთული გრაფიკი გვაქვს. ყოველ სამ დღეში ვთამაშობთ და ვიცით, რომ შესვენებამდე მიყოლებით შვიდი თამაში უნდა ჩავატაროთ.მაგალითად, ჩემპიონთა ლიგის შეხვედრის შემდეგ ორი დღე გვქონდა ძალების აღსადგენად. ახლა თავს კარგად ვგრძნობთ.”
“ტოტენჰემთან” დაპირისპირება რთული გამოდგა. “ბერნაბეუზე” თამაში მოგვწონს, მაგრამ ის შედეგი, რაც დავაფიქსირეთ, ნამდვილად არ იყო სასიამოვნო ჩვენი გულშემატკივარისთვის. არ ვღელავ, რადგან დარწმუნებული ვარ, ჯგუფურ ეტაპს დავძლევთ. ხალხს დაავიწყდა, რომ ამ სეზონში უკვე ორი ტიტული მოვიგეთ და ერთი ტურნირი დეკემბერში უნდა ვითამაშოთ.”
“კრიტიკა ბენზემაზე? მხოლოდ მას კი არა, ყველას აკრიტიკებენ. კარიმს 60 გოლი არ გააქვს, თუმცა იტანს 30-ს და აკეთებს 40 საგოლე გადაცემას,” – ამბობს ზიდანი.
მადრიდის “რეალი” ლა ლიგა სანტანდერის მეცხრე ტურის შეხვედრას “ეიბართან” ჩაატარებს. აღნიშნულ დაპირისპირებაში “ბლანკოსს” კეილორ ნავასი და რაფაელ ვარანი ვერ დაეხმარებიან. ეს ფეხბურთელები ხუთშაბათს გამართულ ვარჯიშზე განმარტოვებით ირჯებოდნენ.
გარეთ ბეილი, მატეო კოვაჩიჩი და დანიელ კარვახალი ისევ ლაზარეთში იმყოფებიან.
ხუთშაბათს განცალკევებით ვარჯიშობდა და შემდეგ გუნდს შეუერთდა მთავარი მწვრთნელის შვილი, ლუკა ზიდანი. მეკარემ, როგორც ჩანს, დაზიანება მოიშუშა. ამავე დროს, ძირითად გუნდთან ერთად არის 17 წლის კიპერი, მოჰა რამოსი, რომელიც გასულ ტურში, “ხეტაფესთან” და “ტოტენჰემ ჰოტსპურთან” სათადარიგოთა სკამზე იჯდა.
დღეს ჩემპიონთა ლიგის ჯგუფური ეტაპის მეორე ტურში მადრიდის “რეალმა” და ლონდონის “ტოტენჰემმა” ქულები გაიყვეს (1-1).
მატჩის შემდეგ ჟურნალისტებს მადრიდელთა მწვრთნელი, ზინედინ ზიდანი ესაუბრა.
“ბედნიერები არ ვართ, რადგან სახლში ვთამაშობდით. როცა საკუთარ კედლებში ვატარებთ შეხვედრას, ყოველთვის გამარჯვება გვინდა. ამ მატჩში ორი შესანიშნავი მეკარე თამაშობდა. ისინი კარგად იცავდნენ კარს და არ უშვებდნენ გოლს, შესაბამისად, ეს ლოგიკური შედეგი იყო.”
“პრობლემა ნაადრევად გაშვებული გოლია. თუ შენ ამას მეტოქის წინააღმდეგ აკეთებ, ეს იდეალურია. თუმცა, როცა პირველი უშვებ გოლს, ეს ერთით უკან გადადგმული ნაბიჯია. მათ კარგად იცოდნენ, როგორ დაეცვათ თავი. ამიტომ, გაგვიჭირდა.”
“საბოლოოდ, ფრე ვითამაშეთ. თუმცა, “უემბლიზე” გამარჯვებას ვეცდებით. ჩვენ არ გვჭირდება ბევრი ცვლილება. ვითამაშეთ მშვენივრად, ფეხბურთელები კარგად გაისარჯნენ და პრესინგზეც დაუღალავად იმუშავეს. გვაქვს შვიდი ქულა – ვნახოთ, როგორ განვითარდება მოვლენები,” – აცხადებს ზიდანი.
მადრიდის “რეალის” ყოფილმა ფეხბურთელმა, ჟულიო ბაპტისტამ, ზინედინ ზიდანზე ისაუბრა.
ბრაზილიის ნაკრების ყოფილი წევრის თქმით, “სამეფო კლუბის” მოთამაშეები ზიზუს ბრმად ენდობიან.
“ზიდანს შესანიშნავი სამწვრთნელო კარიერა აქვს, ის გასაოცარ სამუშაოს ასრულებს მადრიდში. ფეხბურთელები მას ბრმად ენდობიან და ეს ფრანგს დიდ უპირატესობას ანიჭებს. მას შემდეგ, რაც ის “რეალს” წვრთნის, გუნდის თამაში გაუმჯობესდა და სტაბილურად გამოიყურებიან, სწორედ ეს ეხმარება, მათ ტიტულების მოგებაში. ფრანგი სპეციალისტი ნდობას ფანებისგანაც გრძნობს. ეს ყველაფერი კი, მუშაობის წყნარად გაგრძელების შესაძლებლობას აძლევს,” – განაცხადა ჟულიო ბაპტისტამ.
ხვალ მადრიდის “რეალი” ჩემპიონთა ლიგაზე ლონდონის “ტოტენჰემს” მიიღებს.
“ბლანკოსის” მეკარე, კეილორ ნავასი სანაკრებო პაუზის შემდეგ, ესპანეთში კუნთის ტრავმით დაბრუნდა. მან ლა ლიგის მერვე ტურის შეხვედრა (“ხეტაფესთან”) გამოტოვა. თუმცა, გუშინ იგი ვარჯიშზე გამოჩნდა და ნორმალურად გარჯაც შეძლო. შესაბამისად, არის საკმაო ალბათობა იმისა, რომ იგი “სპურსების” წინააღმდეგ ასპარეზობას შეძლებს.
“კეილორმა მშვენივრად ივარჯიშა დ აარანაის დსიკომფორტს არ გრძნობს,” – განაცხადა ზინედინ ზიდანმა პრესკონფერენციაზე.
