ევროპის ლიგის მეოთხედფინალურ ეტაპზე “ანდერლეხტის” წინააღმდეგ გამართულ მატჩში “მანჩესტერ იუნაიტედის” თავდამსხმელმა ზლატან იბრაჰიმოვიჩმა მარჯვენა მუხლის ჯვარედინი მყესები დაიშავა მიიღო და მოედანს შესაძლოა, მომავალი წლის იანვრამდე ვერ დაუბრუნდეს. პრესაში იმასაც კი წერდნენ, რომ ამ ტრავმის გამო შესაძლოა, შვედმა ფეხბურთელმა კარიერა დაასრულოს, მაგრამ ზლატანმა განაცხადა, რომ დანებებას არ აპირებს და მოედანს უფრო ძლიერი დაუბრუნდება.
“პირველ რიგში, მადლობას გიხდით მხარდაჭერისა და სიყვარულისთვის. ახალი ამბავი არ არის, რომ ტრავმა მივიღე, რის გამოც გარკვეული ხნით ფეხბურთს ჩამოვშორდები. ამ პერიოდს უკან მოვიტოვებ და უფრო ძლიერი დავბრუნდები. მხოლოდ მე გადავწყვეტ, როდის მოვა გაჩერების დრო და არავინ სხვა. დანებება არ არის ვარიანტი. მალე შევხვდებით”, – დაწერა სოციალურ ქსელში იბრაჰიმოვიჩმა.
