დინამო ერთპიროვნულად გალიდერდა
სუპერლიგის მეოთხე ტურის ცენტრალურ შეხვედრაში ერთმანეთის წინააღმდეგ გათამაშების ლიდერები, დაუმარცხებლად მოასპარეზე თბილისის „დინამო“ და „რუსთავი“ წარსდგნენ.
სპორტის სასახლეში შეკრებილი გულშემატკირები აღნიშნულ შეხვედრაში დაძაბული დაპირისპირების მოლოდინში იყვნენ, თუმცა მასპინძლებმა პირველივე წუთებიდან შეძლეს მნიშვნელოვანი უპირატესობის მოპოვება და სასტარტო მეოთხედიც მათი გამარჯვებით, 25:11 დასრულდა. სოლიდური უპირატესობა მეორე პერიოდში კიდევ უფრო გაიზარდა, რაც პირველ რიგში ლეჟავას და ლონდარიძის კარგი თამაშით იყო განპირობებული. საბოლოოდ, დიდ შესვენებაზე თბილისელები 19-ქულიანი უპირატესობით გავიდნენ – 46:27.
შეხვედრას ინტრიგა მესამე პერიოდში დაუბრუნდა, როდესაც სტუმრებმა სხვაობა 7 ქულამდე შეამცირეს, რაც ჰამსის და დვალიშვილის ზუსტი ტყორცნებით მოახერხეს. აღსანიშნავია, რომ ამ დროისთვის „დინამოელთა“ რიგებში ერთ-ერთი საუკეთესო, ილია ლონდარიძე 4 პერსონალურის გამო ირაკლი ხოშტარიამ სათადარიგოთა სკამზე დასვა, რაც ანგარიშზეც აისახა. საბოლოოდ, ყველლაფერი მატჩის ბოლო წუთებზე გადაწყდა. საკმაოდ დაძაბულად მიმდინარე მეოთხე პერიოდის დასკვნით ნაწილში „დინამომ“ უეკთ იასპარეზა და ზედიზედ მეოთხე გამაარჯვებასთან ერთად ცხრილში ერთპიროვნული ლიდერობაც მოიპოვა.
მატჩის საუკეთესო ბომბარდირი 30 ქულით „დინამოელი“ ბესიკ ლეჟავა გახდა, ხოლო რუსთაველთა შემადგენლობაში საუკეთესოები ჭოჭუა (20 ქ.) იყო
მარიამ ნიშნიანიძის ფოტოები
