9 დეკემბერს, პირველი ლიგის პლეიაუტის საპასუხო მატჩები გაიმართება.
13:00 საათზე „ბორჯომი“ და მარტვილის „მერანი“ დაუპირისპირდებიან ერთმანეთს. აღნიშნული შეხვედრა, დიდთოვლობის გამო, ბორჯომის ნაცვლად „მცხეთა პარკზე“ გაიმართება. ამ გუნდების პირველი მატჩი მარტვილელებმა 2:0 მოიგეს.
მეორე წყვილის საპასუხო შეხვედრაში ტყიბულის „მეშახტე“ წალენჯიხის „სქურს“ ქუთაისში უმასპინძლებს. აღნიშნული შეხვედრაც 13:00 საათზე დაიწყება. პირველი მატჩის ანგარიში 0:0 -ია.
წყარო: Gff.Ge
დღეს უმაღლესი ლიგის ბოლო – მე-14 ტურის შეხვედრები გაიმართა.
თეთრ ჯგუფში საჩხერის “ჩიხურამ” “ცხინვალი” “დინამო არენაზე” მიიღო. ამ მატჩს გადამწყვეტი მნიშვნელობა ჰქონდა სტუმრებისთვის, რადგან ისინი მხოლოდ მოგების შემთხვევაში დარჩებოდნენ უმაღლეს ლიგაში.
შეხვედრა საჩხერლების უპირატესობით წარიმართა. ისინი თავიდან სამბურთიანი უპირატესობით გავიდნენ წინ. პირველი მათგანი “ჩიხურას” მოთამაშემ, გიორგი გაბედავამ 29-ე წუთზე შეაგდო. ტატანაშვილმა კი 62-ე და 67-ე წუთებზე მოახერხა დუბლის შესრულება. 68-ე წუთზე მაქაცარიამ შეძლო ერთი ბურთის გაქვითვა. წერტილი 90-ე წუთზე კიდევ ერთი გატანილი გოლით საჩხერლებმა დასვეს. საბოლოოდ, მატჩი, ანგარიშით, 4-1 დასრულდა.
ამ გამარჯვების შემდეგ საჩხერლებმა 29 ქულა დააგროვეს. ხოლო, “ცხინვალმა” კი ვერ შეძლო “გურიასთვის” გადასწრება და გათამაშება მე-7 ადგილზე დაასრულა. შესაბამისად, ეს გუნდი ამიერიდან პირველ ლიგაში იასპარეზებს.
25 ნოემბერს, საქართველოს ეროვნული ჩემპიონატის პირველი ლიგის მე-18 ტურის მატჩები გაიმართა და ამით გათამაშების რეგულარული სეზონი დასრულდა.
წითელ ჯგუფში, ვანის „სულორმა“ და „ჭიათურამ“ ბოლო ტურში მოახერხეს პლეი-ოფის საგზურის მოპოვება. ვანელები მცხეთაში „ვიტ-ჯორჯიას“ ესტუმრნენ და 2:1 გაიმარჯვეს, ჭიათურელებმა კი, საკუთარ მოედანზე უშუალო კონკურენტი „საპოვნელა“ მიიღეს და 34-ე წუთზე ზაზა ნადირაძის გატანილი ერთადერთი გოლის წყალობით დაამარცხეს მეტოქე.
მე-18 ტურში არ შემდგარა ხარაგაულის „ჩხერიმელასა” და ხონის „იმერეთის” დაპირისპირება.მოგეხსენებათ, ორივე მათგანი სფფ-ის სადისციპლინო და დავების განმხილველი კომიტეტის გადაწყვეტილებით, მოხსნილია პირველი ლიგის მიმდინარე გათამაშებიდან და აღნიშნულ შეხვედრაში ჩაეთვალათ წაგება.
პირველი ლიგის მე-18 ტურის დარჩენილი შეხვედრების შედეგები:
25 ნოემბერი
თეთრი ჯგუფი:
რუსთავი – კოლხეთი ხობი 8:0
მერანი – სამგურალი 3:0
ლიახვი – მეშახტე 1:3
წითელი ჯგუფი:
სქური – ოდიში 3:5
ბორჯომი – გარდაბანი 2:0
პირველი ლიგის პლეი-ოფი ორ ეტაპად გაიმართება. პირველი ეტაპის მატჩები 28 ნოემბერსა და 2 დეკემბერს გაიმართება, მეორე ეტაპისა კი, 5-9 დეკემბერს.
დღეს გამართული ბოლო ტურის შემდეგ უკვე ცნობილია პირველი ეტაპის წყვილები:
„ა“ – 28.11 ლიახვი – ბორჯომი
„ბ“ – 28.11 ჭიათურა – მეშახტე
„გ“ – 28.11 კოლხეთი ხობი – სქური
„დ“ – 28.11 სულორი – მერანი
პლეი-ოფში გამარჯვებული ორი გუნდი კი, პირველი ლიგის წითელი და თეთრი ჯგუფის პირველ და მეორე გუნდებთან ერთად საქართველოს ეროვნული ჩემპიონატის რანგით მეორე ლიგაში თამაშის უფლებას მოიპოვებს. ჯგუფებში ორ-ორი საუკეთესო ვიტ ჯორჯია და გაგრა, ასევე რუსთავი და სამგურალი არიან.
გუშინ სქარათველოს ფეხბურთის ფედერაციის გენერალურმა მდივანმა , დავით მუჯირმა საგანგებო პრესკონფერენცია გამართა. მისი განცხადებით, სფფ-ის სადისციპლინო კომიტეტმა პირველი ლიგის მეოთხე ტურის შეხვედრა, რომელიც “მერანსა” “რუსთავს” შორის გაიმართა, გარიგებულად სცნო. ორივე კლუბს დაეკისრა სანქციები: ჯარიმა – 10 000 ლარი, ჩამოაკლდათ ექვსი ქულა სატურნირო ცხრილში და ნახსენები მატჩი, ანგარიშით, 0:3 წაგებად ჩაეთვალათ.
აღნიშნულ ფაქტთან დაკავშირებით ს.კ. “რუსთავის” ოფიციალური ფან-კლუბი განცხადებას ავრცელებს.
“ს.კ. “რუსთავის ” ფან-კლუბი აღშფოთებას გამოვთქვამთ საქართველოს ფეხბურთის ფედერაციის მიერ მიღებული გადაწყვეტილების გამო. ფედერაციისგან, კერძოდ მისი გენერალური მდივნისგან, დავით მუჯირისგან ვითხოვთ დეტალურ პასუხს და ფაქტებს თუ რის საფუძველზე მოხდა კლუბის დაჯარიმება და სანქციების დაწესება. არანაირი მოწმე და არანაირი ვიდეომასალა არ არსებობს ამ საქმესთან დაკავშირებით, შესაბამისად, საფუძვლიანი ეჭვი გვიჩნდება რომ ფედერაციას არ სურს ს.კ რუსთავმა უმაღლესი მიზნებისთვის იბრძოლოს. ჩვენ საუბარი გვქონდა კლუბის ხელმძღვანელობასთან, მწვრთნელთან და ფეხბურთელებთან. დარწმუნებით შეგვიძლია ვთქვათ, რომ არანაირი დანაშაული ჩვენ კლუბს აღნიშნული მატჩის მიმართ არ მიუძღვის. მოვითხოვთ სასწრაფოდ გააუქმონ დაკისრებული საქნციები და ბოდიში მოიხადონ ამ ყოვლად გაუაზრებელი გადაწყვეტილების გამო,” – ნათქვამია გულშემატკივრების განცხადებაში.
დღეს პირველი ლიგის შეხვედრები გაიმართა…
თეთრ ჯგუფში იყო გამოსარჩევი მატჩი, რომელშიც ერთმანეთს რუსთავის “რუსთავი” და ცხინვალის “ლიახვი” დაუპირისპირდნენ. თამაში მასპინძელთა უპირატესობით წარიმართა. ანგარიშის გახსნა რუსთაველთა მოთამაშემ, ჩიმაკაძემ მოახერხა მე-13 წუთზე. 29-ე წუთზე სიჭინავამ შეაგდო, ხოლო სამ წუთში კი ჩიმაკაძემ დუბლი შეასრულა და სამამდე გაზარდა უპირატესობა. 37-ზე დუბლის ავტორმა მესამედ მოახერხა მეტოქის კარის აღება. “ლიახვმა” პირველი ტაიმის დასასრულს ერთი გოლი გაქვითა. ეს გიორგი ჯოხაძემ გააკეთა.
მეორე ნახევარში ისევ სტუმრებმა გაიტანეს და 4-2 გახდა ანგარიში. საბოლოო წერტილი რუსთაველთა მოთამაშემ, ციცვიძემ 69-ე წუთზე დასვა და მის გუნდს 5-2 გაამარჯვებინა. ამ მოგებით “რუსთავს” სამი ტურის შემდეგ ასპროცენტიანი შედეგი – 9 ქულა აქვს და მის ჯგუფს ერთპიროვნულად ლიდერობს.
დღეს საქართველოს ფეხბურითს ფედერაციის პრეზიდენტობის ერთ-ერთი კანდიდატი, საქართვლელოს ნაკრების ექს-პაპიტანი, ლევან კობიაშვილი უმაღლესი და პირველი ლიგის კლუბების წარმომადგენლებს შეხვდა. შეხვედრის დროს მხარეებმა ქართული ფეხბურთის მართვის და განვითარების გეგმა და ფინანსური მხარე განიხილეს.
„ძალიან საინტერესო შეხვედრა იყო. აბსოლიუტურად ღია და გახსნილი. კლუბებს ვაჩვენე, თუ როგორ წარმომიდგენია ქართული ფეხბურთოს განვითარება. ეს მნიშვნელოვანია, რადგან ჩემს გეგმაში ეროვნულ ჩემპიონატს განსაკუთრებული ადგილი უკავია“, – განუცხადა კობიაშვილმა ტელეკომპანია „იმედს“.
შეგახსენებთ, რომ კობიაშვილი ფეხბურთის ფედერაციის კანდიდატი ოფიციალურად ხვალ, 14:00 საათზე დახდება. მის კანდიდატად წარდგენას თბილისის „დინამო“ აპირებს. თბილისური კლუბის პრეზიდენტის რომან ფიფიას თქმით, „დინამო“ კობიაშვილს მხარს სრულიად უჭერს, რადგან ქართულ ფეხბურთში ცვლილებების დრო დადგა.
19 მაისს პირველ ლიგაში დასკვნითი ტურის მატჩები გაიმარტა. ა ჯგუფში მხოლოდ უმაღლესში გადასასვლელი პლეიოფის საგზური იყო გასაკრვევი, რომელის მფლობელიც თბილისის “ლოკომოტივი” გახდა. რკინიგზელებმა ბათუმის “ადელს” 8 უპასუხო გოლი გაუტანეს და მიუხედავად “ლაზიკას” გამარჯვებისა, ზუგდიდელებს გადასწრების შანსი არ მისცეს. შეგახსენებთ, რომ ჯერ კიდევ წინა ტურში გახდა ცნობილი, რომ ა ჯგუფს სტუ და “ადელი” დატოვებდნენ, რომლებიც მომდევნო სეზონს მეორე ლიგაში დაიწყებენ.
გაცილებით საინტერესოდ განვითარდა მოვლენები ბ ჯგუფში, სადაც პლეიოფის საგზურის მფლობელმა “ბორჯომმა” გადასარჩენად მებრძოლ “მეშახტეს” უმასპინძლა და 0:3 დამარცხდა. ამ გამარჯვებით ტყიბულელებმა პირველ ლიგაში ადგილის შენარჩნება შეძლეს. “გაგრასა” და ხობის “კოლხეთის” დაპირისპირება გუნდირი ჩხუბის გამო ჩაიშლა.
შეგახსენებთ, რომ უმაღლესი ლიგის საგზურები მოიპოვეს “საბურთალომ” და თერჯოლის “საპოვნელამ”. პლეიოფში კი თბილისის “ლოკომოტივი” და “ბორჯომი” ჯერ ერთმანეთს შეხვდებიან, გამარჯვებული კი ურთიერთობას უმაღლესი ლიგაში მე-14 ადგილზე გასულ გუნდთან გაარკვევენ. პირველი ლიგიდან მეორეში გავარდნენ სტუ, “ადელი” და წალენჯიხის “სქური”.
პირველი ლიგაში ბოლოს წინა, 35-ე ტურის მატჩები შედგა. ა ზონის ლიდერმა “საბურთალომ” მორიგი მატჩი მოიგო. ამჯერად თბილისელებმა “სასკოს” მინიმალური ანგარიშით, 1:0 სძლიეს. გამარჯვება მოიპოვა “ლოკომოტივმაც”, რომელიც პლეიოფში მოსახევდრად იბრძვის. ამავე ზონაში უკვე გადაწყდა, რომ პირველ ლიგას დატოვებენ სტუ და “ადელი”.
ბ ზონაში კი პლეი ოფის საგზური “ბორჯომმა” თერჯოლაში “საპოვნელას” დამარცხების შედეგ მოიპოვა. ბორჯომელთა ორივე კონკურენტმა, “გაგრამ” და “ბეთლემმა” გასულ ტურში წააგეს და ბოლო ტურისთვის ინტირგაც აღარ დატოვეს.
ა ჯგუფი
ადელი 3-4 ჩხერიმელა
ჭიათურა 1-2 ლაზიკა
სტუ 1-5 სამგურალი
მაჭახელა 0-3 ლოკომოტივი
სასკო 0-1 საბურთალო
ბ ჯგუფი
ხობი 3-1 სქური
მერცხალი 1-0 გაგრა
მეშახტე 2-1 ბეთლემი
საპოვენლა 0-2 ბორჯომი
ალგეთი 3-0 დინამო 2 ტექნიკური შედეგი
დასასრულს უახლოვდება პირველი ლიგის გათამაშება, სადაც დღეს 34-ე ტურის მატჩები გაიმართა. როგორც უკვე იცით მომდევნო სეზონში უმაღლესი თამაშის უფლება “საბურთალომ” და “საპოვენლამ” უკვე მოიპოვეს, სეზონის ბოლოს კი ბრძოლა პლეიოფის საგზურისთვის მიმდინარეობს, რომელიც დღევანდელი შედეგების გათვალისწინებით დიდი ალბათობით “ლოკომოტივს” და “გაგრას” ერგებათ, თუმცა ბრძოლა, როგორც ჩანს, უკანასკნელ ტურამდე გაგრძელდება და განსაკუთრებით ეს ბ ჯგუფს ეხება.
ა ჯგუფი
ჩხერიმელა 2-0 ლაზიკა
ჭიათურა 0-5 საბურთალო
სამგურალი 2-1 სასკო
ლოკომოტივი 6-0 სტუ
ადელი 3-4 მაჭახელა
ბ ჯგუფი
ბეთლემი 3-1 საპოვნელა
გაგრა 2-1 მეშახტე
სქური 2-0 მერცხალი
ალგეთი 4-0 ხობი
დინამო 2 0-3 ბორჯომი (ტექნიკური შედეგი)
პირველი ლიგის ორივე ჯგუფში 33-ე ტურის მატჩები შედგა, რის შემდეგაც უმაღლესში გადასასვლელ პლეიოფში მოსახვედრად მდგომარეობა კიდევ უფრო დაიძაბა.
ა ჯგუფში “ლოკომოტივმა” “ლაზიკას” ზედიზედ მეორე წაგებით ისარგებლა, “სასკო” დაამარცხა და ზუგდიდელებთან სხვაობა 1 ქულამდე შეამცირა.
საინტერესოდ განვითარდა მოვლენები ცხრილის ქვედა ნაწილშიც. ადგილის შესანარჩუნებლად მებრძოლმა სტუ-მ გასავარდნად განწირული “ადელი” უპრობლემოდ დაამარცხა. სტუნდენტების მთავარმა კონკურენტმა, “ჩხერიმელმა” კი კურიოზული შემთხვევის გამო ტექნიკური მარცხი მიიღო და სტუ-ს გადასწრების საშუალება მისცა.
საინტერესო მატჩები შედგა ბ ჯგუფში, სადაც მოწინავე ოთხეულის გუნდები დაუპირისპირდნენ ერთამნეთს. “საპოვენლამ” თერჯოლაში “გაგრას” დამარცხება ბოლო წუთზე გატანილი გოლით შეძლო, “ბორჯომმა” კი ქედის “ბეთლემს” სძლია საკუთარ მოედანზე და მეორე პოზიციაზე გადავიდა.
ა ჯგუფი
მაჭახელა – ჩხერიმელა (არ შედგა)
სტუ 2-0 ადელი
სასკო 3-5 ლოკომოტივი
ჭიათურა 0-4 სამგურალი
ლაზიკა 1-3 საბურთალო
ბ ჯგუფი
მერცხალი 1-0 ალგეთი
მეშახტე 2-2 სქური
საპოვენლა 1-0 გაგრა
ბორჯომი 1-0 ბეთლემი
ხობი 3-0 დინამო 2 (ტექნიკური შედეგი)
დღეს ხელვაჩაურის „მაჭახელასა“ და ხარაგაულის „ჩხერიმელას“ შორის საქართველოს პირველი ლიგის 33-ე ტურის მატჩი უნდა გამართულიყო, თუმცა ხსენებულ შეხვედრაში ხარაგაუელებს ტექნიკური მარცხი საინტერესო მიზეზით არ ჩაეთვალათ.
მატჩის დაწყებამდე რამდენიმე წუთით ადრე გაირკვა, რომ „ჩხერიმელა“ „მაჭახელასთან“ შეუთანხმებლად მატჩზე იგივე ფერის ფორმებით გამოდიოდა, რა ფერის ფორმებითაც მის მეტოქეს უნდა ეთამაშა. მასპინძლებმა „ჩხერიმელას“ თხოვნა არ დააკმაყოფილეს და ფორმის ფერის შეცვლაზე უარი თქვეს, რის შემდეგაც ტექნიკური გამარჯვება 3:0 ჩაეთვალათ.
ცნობისთვის, „მაჭახელა“ ამჟამად 39 ქულით პირველი ლიგის მეშვიდე ადგილს იკავებს, „ჩხერიმელა“ კი 33 ქულით გასავარდნ ზონაში იმყოფება.
პირველი ლიგის 32-ე ტურის მატჩები ა ჯგუფის შემდეგ ბ ჯგუფშიც გაიმართა. ცენტრალური მატჩი პლეი ოფისთვის მერძოლი “გაგრას” და “ბორჯომის” დაპირისპირება გახლდათ, რომელიც მიხეილ მესხის სათადარიგო მოედანზე გაიმართა. მატჩი მასპინძელთა უპირატესობით დაიწყო და მე-13 წუთზე “გაგრა” ბაქრაძის გოლით დაწინაურდა. მეორე ნახევარში “ბორჯომმა” კობესაშვილის გოლით კი გაათანაბრა, თუმცა საბოლოოდ გამარჯვება მაინც გაგრელებმა, ცოცხალაშვილის მიერ 74-ე წუთზე გატანილი გოლით მოიპოვეს და მეორე პოზიციაზე აღზევდნენ, რომელიც უმაღლესი ლიგისთვის ბრძოლის შანსს იძლევა.
ბ ჯგუფი
სქური 3-2 საპოვნელა
ალგეთი 0-0 მეშახტე
ხობი 2-2 მერცხალი
დინამო II 0-3 ბეთლემი (ტექნიკური შედეგი)
გაგრა 2-1 ბორჯომი
