“სოხუმის” რეკორდი
სუპერლიგის მეექვსე ტურის უკანასკენლ შეხვედრაში “სოხუმმა” “მაკაბის” უმასპინძლა და დიდი ანგარიშით დაამარცხა, 129-74 სოხუმელებმა პირველივე წუთებიდან მოახერხეს უპირატესობის მოპოვება და მთელი შეხვედრის განმავლობაში არ გაუშვიათ მატჩის სადავეები ხელიდან. ზღვისპირელები საქმეს პროსიონალურად მიუდგნენ და ბოლო მეოთხედამდე არ მოეშვნენ, მიუხედავად იმისა რომ გამანადგურებელი ანგარიშით იგებდნენ. აქტიურად მიმართავდნენ პრესინგს მეტოქის ნახევარზე. ამის გამო ახალგაზრდა მაკაბელებს ხშირად ბურთის ამოტანაც კი უჭირდათ. სოხუმელთა შემადგენლობაში გმოირჩეოდნენ ჯექსონი, სიმონს ჯერომე და ირაკლი ჩლაიძე. ასევე კარგი მატჩი ჩაატარა ნიკა მეტრეველმა. თუმცა, ვაჟა კვარაცხელიას გუნდის რეალური ძალა ლიდერებთან გამოჩნდება. “მაკაბის” მისია კი, როგორც გუნდის მწვრთნელებმა არაერთხელ აღნიშნეს, ახალგაზრდა მოთამაშეების დაოსტატებაა.
აღსანიშნავია, რომ სოხუმელებმა ეს მატჩი სარეკორდო ანგარიშით მოიგეს და “ქუთაისის” ძველ რეკორდს (117 ქულა) 12 ქულით აჯობეს. საინტერესოა, რომ ქუთათურებმა საკუთარი რეკორდი სწორედ “მაკაბისთან” დაამყარეს.
მატჩისშემდგომი პრესკონფერენცია
ვაჟა კვარაცხელია(,,სოხუმის’’ მთავარი მწვრთნელი): მადლობა ,,მაკაბის’’ გუნდს და მადლობა ბატონ ჯამლეტს ამ გუნდის დაბრუნებისთვის. რევაზაშვილები ძალიან პერსპექტიული ბავშვები არიან, ასევე ფერიაშვილიც, ძალიან კარგი თაობა იზრდება, მათგან 2 მაინც მოხვდება ეროვნულ ნაკრებში. წარმატებებს ვუსურვებ მათ მომავალში.
მიხეილ ხუხაშვილი(,,მაკაბის’’ მწვრთნელი): თამაში არ გამოგვივიდა, ტრადიციასავით ჩამოყალიბდა, რომ ,,მაკაბი’’ ბევრს აგებს. თუმცა, უნდა აღვნიშნო, რომ ბიჭების უმეტესობისთვის ეს უმაღლეს ლიგაში ასპარეზობის პირველი სეზონია. ჩვენი მიზანია აღვზარდოთ რევაზაშვილები, 4 ძალიან ნიჭიერი ძმა და ასევე ფერიაშვილი. სოხუმშიც ძალიან ბევრი ახალგაზრდა და ნიჭიერი კალათბურთელია და სწორედ მათი განვითარება უნდა იყოს ჩვენი ყველას საერთო მიზანი. მადლობა ,,სოხუმს’’ ასეთი ლამაზი თამაშისთვის. სამწუხაროდ, ჩვენს ბიჭებს დღეს არაფერი გამოუვიდათ.
რატი ბააკაშვილი(სოხუმი): ვგეგმავდით ამ გამარჯვებას, პირველივე მეოთხედში მოვიპოვეთ დიდი უპირატესობა და არ გაგვიჭირდა ამის შენარჩუნება. დავეთანხმები მწვრთნელებს, ,,მაკაბი’’ ახალგაზრდული გუნდია და წარმატებებს ვუსურვებ მას, რევაზაშვილის და ფერიაშვილის წინააღმდეგ თამაში მართლაც რთულია.
მატჩის სტატისტიკური მონაცემები: http://superleague.ge/results.php?lang=ge&gameid=758
