18-წლამდელთა ნაკრები ისრაელთან 73:94 დამარცხდა

საქართველოს 18-წლამდელთა ნაკრებს ევროპის ჩემპიონატის „ბ“ დივიზიონის რიგით მესამე მატჩში ისრაელი შეხვდა, თუმცა არჩილ ჟღენტის გაწვრთნილმა გუნდმა ვერც ებრაელების დამარცხება მოახერხა. ქართველებმა მორიგ მეტოქესთან 73:94 წააგეს.

მატჩის ბედი მესამე მეოთხედში გადაწყდა, მანამდე კი ქართველები ასე თუ ისე წარმატების შანსს ინარჩუნებდნენ. საწყისი მეოთხედის 18:26 წაგების შემდეგ ჩვენებმა მეორე ათწუთეული 20:19 მოიგეს და დიდ შესვენებაზე 7-ქულიანი ჩამორჩენით გავიდნენ.

მესამე პერიოდში ისრაელის უპირატესობა ეჭვს არ იწვევდა. 19 ქულით მოგებული 10-წუთეულის შემდეგ მატჩის ბედი საბოლოოდ გადაწდა. ისრაელმა ავსტრიის შემდეგ საქართველოც დაამარცხა, ჟღენტის გუნდი კი ჯგუფში ერთადერთია, გამარჯვება რომ არ უზეიმია.

ისრაელთან საუკეთესო შედეგი ლუკა ზაქრაძემ აჩვენა – 18 ქულა. ტურნირზე პირველი ქართული ორმაგი დუბლი ვილი ისიანმა დააფიქსირა, რომელმაც 12 ქულა და 10 მოხსნა მიითვალა. გიგი გოგობერიშვილმა 9 ქულას 4 პასიც მოაყოლა, ხოლო დავით ლომიძემ შეხვედრა 8 ქულით დაასრულა.

საქართველოს ნაკრები ჯგუფის ბოლოსწინა მატჩს ისლანდიასთან გამართავს, რომელსაც 3-დან 2 გამარჯვება აქვს და პლეი ოფში გასვლის კანდიდატია.

ევროპის ჩემპიონატი. „ბ“ დივიზიონი. ბულგარეთი. სოფია. 26 ივლისი

ისრაელი 94:73 საქართველო

26:18, 19:20, 30:11, 19:24

საქართველო: ზაქრაძე (18), ლომიძე (8), გუგეშაშვილი (4ქ, 4პ), ისიანი (12ქ, 10მ), ტურძელაძე (6ქ, 5მ); მაჭავარიანი (3), კუტალაძე (3), მასხულია (2), გოგობერიშვილი (9ქ, 4პ), რევაზაშვილი (6ქ, 5მ), გაგუა (2), ცირეკიძე

სრული სტატისტიკა: http://u18men.fibaeurope.com/enDivB/cid_vxfp6gWIJ5oSOkc7ox4BA3.gameID_10086-D-8-3.compID_8aYeHlfuGF-mF5IqO8aFH1.season_2014.roundID_10086.teamID_.html

D ჯგუფი

24 ივლისი      საქართველო – ავსტრია         54:57

25 ივლისი      ესტონეთი – საქართველო     89:59

26 ივლისი      ისრაელი – საქართველო        94:73

———————————————————-

27 ივლისი      საქართველო – ისლანდია      17:00

28 ივლისი      გერმანია – საქართველო        22:30

gbf.ge