კობი ბრაიანტი: „ლეიკერსის“ დატოვებაზე არც კი ვფიქრობ“

„ლოს-ანჯელეს ლეიკერსის“ უაკანხაზელი კობი ბრაიანტი გუნდის დატოვებას არ აპირებს, მიუხედავად იმისა, რომ კალიფორნიელებს ასეთი ცუდი სტარტი (0-4) 1957 წლიდან არ ჰქონიათ.

„ჩემს წასვლასთან დაკავშირებული საუბრების შესახებ ვიცოდი. თუმცა, წასვლას არ ვაპირებ. „ლეიკერსისადმი“ საკმაოდ ლოიალური ვარ.

ჩემთვის რთული მომენტების გადატანა იგივეა, რაც გამარჯვება და წარმატების მიღწევა. მე პასუხს ვაგებ იმაზე, რომ მაქსიმალურად უკეთესები ვიყოთ.

ხელიშ ჩაქნევა არ შეგვიძლია. წინ ძალიან გრძელი სეზონი გველის. არჩეული კურსის დაცვა მნიშვნელოვანია. ყველაფერი მხოლოდ ამ შემთხვევაში შეიცვლება.

კლუბთან ერთად ბევრს მივაღწიე და წარმატებულ კალათბურთელად აქ ჩამოვყალივდი. კარგ დროს ზეიმი, ხოლო ცუდ დროს გაქცევა არ შეიძლება. კლუბის დატოვებაზე არც კი მივიქრია“, – ციტირებს 36 წლის კალათბურთელს „იაჰუ სპორტსი“.