All Star 2015 – გუნდების შემადგენლობები ცნობილია
ხვალ, “თბილისი მოლი” სუპერლიგის ყველა ვარსკვლავი მატჩ-აქციას უმაპსინძლებს. შეხვედრაში მონაწილეობას ეროვნული ჩემპიონატის საუკეთესო მოთამაშები მიიღებენ, რომლებიც გამოკითხვის და მწვრთნელთა გადაწყვეტილების შედეგად შეირჩნენ.
წლევანდელი “ოლსტარი” თბილისის და რეგიონის გუნდების დაპირისპირების ფორმატჩი ჩატარდება. სასტარტო ხუთეულები გულშემატკივართა გამოკითხვის შედეგად შეირჩა. თბილისელთა შემადგენლობა ასე გამოიყურება: გიორგი ცინცაძე (შსს-აკადემია), ნოდარ გოგოძე (ოლიმპი), ბესიკ ლეჟავა (დინამო), კოკა ტომარაძე (ოლიმპი), გიგი ბაქრაძე (ოლიმპი).
თბილისის გუნდს ირაკლი ხოშტარიას და კოტე ტუღუშის დუეტი უთავკაცებს, რომლებმაც ხუთეულს შედმეგი მოთამაშეები დაამატეს: ბექა წივწივაძე, ბექა ჩიკვილაძე, გიორგი შარაბიძე (შსს-აკადემია), ნუგზარ აბულაძე (ოლიმპი), მერაბ ბოქოლიშვილი (მგზავრები-არმია), ილია ლონდარიძე, გიორგი ორმოცაძე (დინამო).
რეგიონის გუნდის სასტარტო ხუთეულში ბიჯეი იანგი, ირაკლი მიქელაძე (ბათუმი), ანატოლი ბოისა, გიორგი ბარბაქაძე (ქუთაისი) და აკაკი დვალიშვილი (რუსთავი) მოხვდნენ. გუნდის მწვრთნელების, მიხეილ ბერუაშვილის და მალხაზ კოხრეიძის გადაწყვეტილებით კი შემადგენლობას ნიკ კელოგი (ბათუმი), ზაურ ფაშაევი (ქუთაისი), გოგა ცეკვავა, მიხეილ ჭოჭუა (რუსთავი) და სამი “სოხუმელი, გიორგი ჯგერენაია, გრიგოლ შვანგირაძე და ირაკლი ჩლაიძე გააძლიერებენ.
ყველა ვარსკვლავის მატჩთან ერთად გაიმართება სამქულიანების და ჩატენვების კონკურსები. სამქულიანების კონკურსში მონაწილეობას 6 საუკეთესო შედეგის მქონე კალათბურთელი და შარშანდელი კონკურსის გამარჯვებული მიიღებენ. ესენი არიან: გიორგი ბარბაქაძ (ქუთაისი), ლუკა ქარაძე (მგზავრები-არმია), ნიკ კელოგი (ბათუმი), ლევან ცეკვავა (რუსთავი), ბესიკ ლეჟავა (დინამო), აკაკი ლომოური (შსს) და შარშანდელი გამარჯვებული, გრიგოლ შვანგირაძ (სოხუმი).
ჩატენვების კონკურსში კი ერთამანეთს ირაკლი ალხანაიძე (ოლიმპი), გეგი ბაქრაძე (ოლიმპი), აკაკი დვალიშვილი (რუსთავი), გრიგოლ შვანგირაძე (სოხუმი), გიორგი ბარბაქაძე (ქუთაისი), დავით ბარბაქაძე (ქუთაისი), ოთარ ბულიავა (მგზავრები-არმია)< და ბი ჯეი იანგი (ბათუმი) გაეჯიბრებიან.
შეხვედრა ხვალ თბილისი-მოლში 14:00 საათზე აიღებს სტარტს.
მარიამ ნიშნიანიძის ფოტოები
