რონალდუ: “უმჯობესია, დაიწყო ცუდად და დაამთავრო კარგად”

2016 წლის ევროპის ჩემპიონატის პირველ ნახევარფინალურ მატჩში პორტუგალიის ნაკრებმა უელსი ანგარიშით 2:0 დაამარცხა. შეხვედრის საუკეთესო ფეხბურთელად “სელესაოს” ლიდერი კრიშტიანუ რონალდუ დასახელდა, რომელმაც გოლიც გაიტანა და საგოლე გადაცემაც გააკეთა. რონალდუმ მატჩის შემდეგ კომენტარი გააკეთა.

“თავიდანვე სწორედ ეს გვინდოდა. გრძელი გზა გამოვიარეთ, თუმცა ჩვენ გვჯეროდა საკუთარი თავის და ბოლომდე ვიბრძოლეთ. უმჯობესია, დაიწყო ცუდად და დაამთავრო კარგად. პორტუგალიის ნაკრების ფეხბურთელებმა, მწვრთნელებმა და სამედიცინო პერსონალმა ეს წარმატება დაიმსახურა.

იმედი მაქვს, ფინალური მატჩის შემდეგ სახეზე ღიმილი და სიხარულის ცრემლები მექნება. ყოველთვის ვამბობდი, რომ პორტუგალიისთვის რაღაცის გაკეთება მინდოდა. ოცნებას მივუახლოვდით”, – აღნიშნა მატჩის შემდეგ რონალდუმ.