ზაზა ფაჩულია: “შინ თამაში მონტენეგროსთან უპირატესობას გვანიჭებს”
საქართველოსა და მონტენეგროს 7 სექტემბრის დაპირისპირება ევროშესარჩევ მატჩებში ცენტრალურია და ცხადია, ფიბა-ს ჟურნალისტების ყურადღებაც მიიქცია. საგანგებოდ ამ მატჩის წინ Fiba.com-ის ჟურნალისტი დიმიტრის საკისი ზაზა ფაჩულიას ესაუბრა და ქართველთა კაპიტანთან ინტერვიუმ აღნიშნული ვებ-გვერდის მთავარი თემის ადგილი დაიკავა.
-რას გეუბნებათ მონტენეგროს შტამბეჭდავი მოგებათა სერია საკვალიფიკაციოს დასაწყისში?
– მონტენეგრო ძალიან კარგი გუნდია. ისინი გაწონასწორებულები და კარგად გაწვრთნილები არიან და ყავთ გამოცდილი მოთამაშეები. თურქეთის ჩემპიონატიდან მე ვიცნობ მათ მწვრთნელს – ბოგდან ტანიევიჩს. მას ბევრ ძალიან კარგ გუნდთან აქვს ნამუშევარი და აქვს ძალიან წარმატებული კარიერა. თუმცა ვფიქრობ, რომ ჩვენი უპირატესობა იმაში მდგომარეობს, რომ სახლში ვთამაშობთ და თუკი გულშემატკივრები ბოლომდე გვერდით დაგვიდგებიან და გულმხურვალედ გვიქომაგებენ, ერთიანი ძალისხმევით გამარჯვებას შევძლებთ.
– ფიქრობთ თუ არა, რომ ოთხშბათის თამაში საკვანძოა საქართველოსთვის?
– ცხადია, თუკი მოვიგებთ, დიდი ნახტომს გავაკეთებთ საკვალიფიკაციოდან ევრობასკეტისკენ. ჩვენ უნდა დავიცვათ ჩვენი მოედანი და შევასრულოთ დავალებები, რომლებსაც მწვრთნელი მოგვცემს. ჭკუით უნდა ვითამაშოთ, დავეხმაროთ ერთმანეთს როგორც დაცვაში, ასევე თავდასხმაში. ეს არ იქნება ადვილი თამაში, მაგრამ როგორც ვთქვი, საშინაო მატჩია და ეს უფრო ჩვენს წისქვილზე ასხამს წყალს, ყოველ შემთხვევაში ამის იმედი მაქვს.
– თქვენ მრავალგზის გითამაშიათ ნიკოლა ვუჩევიჩის წინააღმდეგ NBA-ში და ამჯერად რას უნდა ელოდოს გულშემატკივარი?
-სანაკრებო თამაშები უფრო განსხვავებულია, NBA კი სხვა. NBA-ში სხვა სტილი და სისტემაა, რომელიც განსხვავებულია ევროპული კალათბურთისგან. ნიკოლას წინააღმდეგ თამაშს რაც შეეხება, ეს ნამდვილად სახალისო იქნება, ორი გამოცდილი მოთამაშე ისევ დაუპირისპირდება ერთმანეთს, თუმცა ეს გუნდური სპორტია და ყველაფერი მაინც გუნდურობაზეა დამოკიდებული. ვუჩევიჩი დიდებული მოთამაშეა, ეს მან წლების მანძილზე დაამტკიცა, თუმცა ჩვენ ორივენი ჩვენ-ჩვენი გუნდებისთვის ვიბრძოლებთ.
– 8 წლის შემდეგ საქართველოს ჰყავს ახალი მთავარი მწვრთნელი დაშესაბამისად, აქვს ახალი სათამაშო სტილი. ამის ფონზე შეძლებთ, იყოთ ისეთივე ეფექტური და გამორჩეული, როგორიც ადრე?
– ჩვენ გვყავდა ასევე ძალიან კარგი მწვრთნელი – იგორ კოკოშკოვი, რომელმაც ბევრი გააკეთა როგორც ჩვენთვის, ისე მთლიანად ქართული კალათბურთისთვის.ის ჩვენ დაგვეხმარა წარმატების მოპოვებაში. მაშინ B დივიზიონიდან დავიწყეთ, აგვიყვანა A დივიზიონში და გაგვიყვანა ევრობასკეტზე ზედიზედ 3-ჯერ. ახლა კი ილიას ზუროსთან ერთად განსხვავებული სტილით ვვარჯიშობთ, სხვა მიდგომებით. სამწვრთნელო პროცესი ისეთი რამაა, რომ ახალი ყოველთვის შეგიძლია შეიძინო, სწორედ დეტალებია ისეთი რამ, რაც თამაშის განსხვავებულ სტილს ქმნის. ის ძალიან გამოცდილია და კარიერის მანძილზე ბევრი ძლიერი გუნდი გაუწვრთნია და სასიამოვნოა მასთან მუშობა. ზუროსი დიდ ყურადღებას აქცევს დაცვას და საკმაოდ ახლო ურთიერთობა აქვს მოთამაშეებთან. მას გულით უნდა მოაგებინოს გუნდს. ვიმედოვნებ, რომ ჩვენი მცდელობები წარმატებული იქნება და ისევ ევრობასკეტის საგზურს ისევ მოვიპოვებთ.
– თუ გახვალთ, ეს იქნება ზედიზედ მეოთხე ევრობასკეტი. რას ნიშნავს ეს ფაქტორი თქვენთვის?
– ჩემთვის ძალიან სასიამოვნოა, რომ ჩემს ქვეყანას წარმოვადგენ. ეს არის უდიდესი პატივი და პასუხისმგებლობა და ხალხმა (გულშემატკივარმა) იმდენი რამ მომცა წლების განმავლობაში, რომ ეს ერთგვარი სამაგიეროს სიკეთით გადახდა იქნება. ჩვენი ქვეყნის წარმოჩენა, თამაშების მოგება და ევრობასკეზე გასვლა იქნება უდიდესი წარმატება ჩვენი ქვეყნისათვის. ასე რომ, პირადად ჩემთვის ეს დიდი პასუხისმგებლობაა როგორც კაპიტნისთვის, ისე როგორც გუნდის ერთ-ერთი მოთამაშისთვის.
