ჯინობილის უჩინარი სამქულიანი, რომელიც მსაჯმა არ ჩათვალა (ვიდეო)
“სპურსის” მცველმა, მანუ ჯინობილიმ გუშინდელ მატჩში კურიოზული 3-ქულიანი ჩააგდო, რომელიც მსაჯებმა ვერ დაინახეს და შესაბამისად, არც ჩათვალეს. ეს მატჩი “სან ანტონიო სპურსის” გამარჯვებითა და “ნიკსის” დამარცხებით დასრულდა (100:91).
ძნელი სათქმელია, პასის გაკეთებას სცდილობდა ჯინობილი, თუ ეს სპეციალურად, მეტოქის დასაბნევად გაშვებული სამქულიანი იყო, მაგრამ, რაც მთავარია, ნასროლმა მიზანს მიაღწია.
“გაგიჟებული ვიყავი! როდესაც ასეთ ბურთს აგდებ, ბუნებრივია, რომ უნდა ჩათვალონ. შესაძლოა, უცნაურად მოგეჩვენოთ, მაგრამ ყველანაირი წესის დაცვით არის ჩაგდებული,” – ციტირებს ჯინობილის სიტყვებს ESPN.
თავდაპირველად მსაჯებმა არგენტინელის ეს გასროლა ორ ქულად შეაფასეს. თუმცა, მესამე მეოთხედის დასრულების შემდეგ ვიდეოგამეორების საშუალებით კიდევ ერთხელ ნახეს ეს ეპიზოდი და “სპურსს” კიდევ ერთი ქულა დაუმატეს.
Even the refs couldn't believe this Manu pass went in the hoop ? pic.twitter.com/YGM1sSCeUL
— Bleacher Report (@BleacherReport) January 3, 2018
