ზაზა ფაჩულიას “ატლანტასთან” სეზონის მატჩი ჰქონდა, თუმცა “დეტროიტმა” წააგო

“დეტროიტ პისტონის” ცენტრმა, ზაზა ფაჩულიამ სეზონის ერთ-ერთი საუკეთესო მატჩი ჩაატარა ყოფილ გუნდთან, “ატლანტა ჰოუქსთან”. ზაზამ “არწივების” წინააღმდეგ 19 წუთში 7 ქულა (3-4), 8 მოხსნა (2 მეტოქის ფარზე), 3 ასისტი, 2 ჩაჭრა და 2 დაფარება დააგროვა.

ფაჩულიას მოედანზე ყოფნის დროს “დეტროიტი” 8 ქულით ამარცხებდა “ატლანტას”, თუმცა “ცუდ ბიჭებს” მხოლოდ მე-4 მეოთხედში გამოფხიზლებამ არ უშველა და გუნდი 98-95 დამარცხდა. მატჩის ბედი პრაქტიკულად სათადარიგო მოთამაშეებმა გადაწყვიტეს და 18-18 ქულა ვინს კარტერსა და ლუკ გალოვეის ჰქონდათ.

წაგებისა და უარყოფითი (15-16) ბალანსის შექმნის მიუხედავად, “დეტროიტი” აღმოსავლეთ კონფერენციაში კვლავ მე-8 პოზიციაზეა და საპლეიოფო ზონაში რჩება.