დევისმა შაკილ ო’ნილი რეკორდი გაიმეორა

„დეტროიტ პისტონსთან“ ეროვნული საკალათბურთო ასოციაციის რეგულარული ჩემპიონატის მატჩში ენტონი დევისმა ბრწყინვალე შედეგი აჩვენა – „ნიუ-ორლეანის“ ლიდერმა 39 ქულა, 13 მოხსნა და 8 ბლოკი მიითვალა.

ამით მან რამდენიმე სტატისტიკურ წარმატებასაც მიაღწია. პირველ რიგში, თავისი კლუბის ისტორიაში ის პირველია, რომელმაც რეგულარულ ჩემპიონატში ბლოკების რაოდენობით დევიდ უესტს აჯობა. ამჟამად დევისის ბლოკშოთების რაოდენობა 437-ს შეადგენს.

ასევე, დევისი ბოლო 30 წელიწადში ჰაკიმ ოლაჯიუვონისა და დუაიტ ჰოვარდის შემდეგ მეორეა, ვინც რეგულარულ ჩემპიონატში მინიმუმ 39 ქულა, 13 მოხსნა და 8 ბლოკი მიითალა.

და ბოლოს, ენტონი 1973/74 წლების სეზონიდან მეორეა, ვინც 8 ბლოკშოთი 22 წლამდე დააგროვა. აქამდე მსგავსი შედეგით მხოლოდ ლეგენდარული შაკილ ო’ნილი გამოირჩეოდა.