ესპანეთი მსოფლიოს ჩემპიონია! არგენტინა ვერცხლს დასჯერდა
15 სექტემბერს ჩინეთში მიმდინარე მსოფლიოს საკალათბურთო ჩემპიონატის ფინალი შედგა ესპანეთისა და არგენტინის ნაკრებებს შორის. მართალია, ექსპერტები ფინალის ფავორიტად ესპანეთს მიიჩნევდნენ, თუმცა საფრანგეთთან ნაჩვენები დიდებული თამაში “ალბისელესტეს” გულშემატკივრებს გამარჯვების იმედს აძლევდა.
დაუმარცხებლების ფინალი სრულად ესპანეთის ნაკრების უპირატესობით წარიმართა. ნახევარფინალში ავსტრალიასთან ნათამაშები ორი ოვერტაიმის მიუხედავად არგენტინელები უფრო დაღლილები ჩანდნენ. სკარიოლოს ბიჭებმა პირველივე წუთებში მოიპოვეს უპირატესობა 0-7 გაქცევით და მას შემდეგ წინ იყვნენ.
ესპანეთმა პირველი მეოთხედი 23-14 მოიგო, რასაც მოჰყვა შედარებით თანაბარი თამაში მეორე მეოთხედში. პირველი ტაიმი ევროპელთა უპირატესობით 43-31 დასრულდა. ვითარება არც მეორე ტაიმში შეცვლილა – მესამე მეოთხედში ესპანეთმა 23-16 მოიგო, ხოლო ბოლო ათ წუთში ესპანეთმა ერთადერთი ქულით მოიგო 29-28.
ასე რომ, ესპანეთმა არგენტინას 95-75 სძლია.ფინალში ყველაზე შედეგიანი 24 ქულითა და ერთი მოხსნით გაბრიელ დეკი გახდა. ესპანელების მხრიდან კი მარკ გასოლი გამოირჩა 14 ქულით, 7 მოხსნითა და 7 პასით.
