გაბრიჩიძე: „იმედია, ევრობასკეტზე პირველი ადგილიდან გავალთ“
დღეს, საქართველოს კალათბურთის ეროვნული ფედერაციის საპრესკონფერენციო დარბაზში, ნაკრების ახალი მთავარი მწვრთნელი, ბერძენი ილიას ზუროსი წარადგინეს. პრესკონფერენციას ასევე საქართველოს კალათბურთის ეროვნული ფედერაციის პრეზიდენტი მიხეილ გაბრიჩძე და ვიცე-პრეზიდენტი ვლადიმერ ბოისა დაესწრნენ. Fanebi.com-ი მიხეილ გაბრიჩიძის კომენტარს წარმოგიდგენთ.
„ძალიან მნშვნელოვანი წელი გვაქვს. ქალთა ახალგაზრდული ჩემპიონატის მასპინძლობის გარდა, რა თქმა უნდა, 2017 წლის ევრობასკეტის შესარჩევი ეტაპი გველის. ევრობასკეტი ამ ფორმატით ბოლოჯერ ტარდება. ფიბა-ს ახალი, ფეხბურთის მსგავსი სისტემა შემოაქვს, რაც საქართველოს მსგავს ქვეყანას მსოფლიო ჩემპიონატზე გასვლის უფრო დიდ შანსს აძლევს.
მნიშვნელოვანია, ნაკრების მატჩები სხვა ქალაქებშიც ჩავატაროთ. ყველამ ვიცით, რომ სერიოზულ ჯგუფში ვართ.
თავკაცის პოსტისთვის რამდენიმე კანდიდატი გვყავდა. შეხვედრების შემდეგ არჩევანი ზუროსზე გავაკეთეთ. ის ნაკრებს ორი წლის განმავლობაში გაწვრთნის. იმედია, ევროპის ჩემპიონატზე პირველი ადგილიდან გავალთ. 30 წელია, რაც ზუროსი კალათბურთში მოღვაწეობს. იმედია, მისი ცოდნა საქართველოს ნაკრებს გამოადგება“, – განაცხადა გაბრიჩიძემ.
