გარნეტმა 2014/15 წლების სეზონის შემდეგ, შესაძლოა, კარიერა გააგრძელოს

„ბრუკლინ ნეტსის“ ფორვარდს კევინ გარნეტს ჯერჯერობით არ გადაუწყვეტია, გახდება თუ არა მოახლოებული სეზონი მისთვის ბოლო. 38 წლის ვეტერანი ახალ სეზონში მეოთხე მოთამაშე გახდება, რომელიც ეროვნულ საკალათბურთო ასოციაციაში ოცს ან ოცზე მეტ სეზონს ჩაატარებს.

„როგორც აქამდე ვთქვი, როდესაც მოტივაცია აღარ მექნება, წავალ. თუმცა ახლა ეს დრო ჯერ არ დამდგატა. ჩემი მოტივაცია მაღალ დონეზეა.

ვაღიარებ, ბოლო სამი წლის განმავლობაში ცხოვრებაზე და იმ ადგილზე ვფიქრობდი, რომელსაც კალათბურთი მასში იკავებს. დიახ, ასეთი ფიქრები ზოგჯერ მიჩნდება. დადგება დრო, როცა საბოლო გადაწყვეტილებასაც მივიღებ. მე ისეთი ადამიანი ვარ, რომ გადაწყვეტილებებს არ ვიცვლი, ასე რომ, როდესაც წასვლას დავაპირებ, უკან აღარ დავიხევ“, – განაცხადა კევინმა.