გოგა ბითაძემ მადრიდის “რეალთან” ორმაგი დუბლი შეასრულა – “ბუდუჩნოსტმა” გაიმარჯვა (ვიდეო)

18 იანვარს, ევროლიგის მორიგ ტურში გოგა ბითაძის “ბუდუჩნოსტმა” საკუთარ კედლებში ლიგის ერთ-ერთი საუკეთესო გუნდი, მადრიდის “რეალი” მიიღო და მეტოქე 73:60 დაამარცხა.

19 წლის ქართველი ცენტრი სასტარტო შემადგენლობაში არ ყოფილა, თუმცა მან პარკეტზე 26:33 წუთი გაატარა და შეიძლება, ითქვას, ბრწყინვალე მატჩი ჩაატარა. საწყის წუთებში გოგას ორჯერ დაუფარეს, მაგრამ ამის შემდეგ მეტოქეებს მისი შეჩერება უჭირდათ. ბითაძემ “რეალის” წინააღმდეგ ორმაგი დუბლი შეასრულა. მის ანგარიშზე 13 ქულა, 10 მოხსნა, 3 ბლოკი და 1 ჩაჭრაა.

ბითაძეზე მეტი ქულა მხოლოდ მის თანაგუნდელ ნორის კოულს ჰქონდა, რომელმაც შეხვედრაში 14 ქულა ჩააგდო.

Solo 19 anni d'età ma nessun timore reverenziale contro i campioni d'Europa per Goga Bitadze.#EurolegaTipopic.twitter.com/NrCoWaKjEJ

— La Giornata Tipo (@parallelecinico) January 18, 2019