„გოლდენ სტეიტმა“ „ოკლაჰომასთან“ სერიაში ანგარიში გაათანაბრა

დასავლეთ კონფერენციის ფინალური სერიის მეექვსე მატჩში „გოლდენ სტეიტ უორიორსმა“ გასვლაზე „ოკლაჰომა-სიტი თანდერი“ ანგარიშით 108:101 დაამარცხა და 1:3 მარცხის შემდეგ სერიაში ანგარიში გაათანაბრა.

შეხვედრის დასრულებამდე 6 წუთით ადრე „ოკლაჰომა“ 6 ქულით იგებდა, თუმცა გადამწყვეტი პერიოდი სტუმრებმა 21:8 მოიგეს. ამ პერიოდში „გოლდენ სტეიტის“ კალათბურთელებმა 11 სროლიდან 7 ჩააგდეს.

მატჩის ყველაზე შედეგიანი მოთამაშე 41 ქულით „უორიორსის“ უკანახაზელი კლეი ტომპსონი გახდა. წაგებულთა მხრიდან 29 ქულით კევინ დურანტი გამოირჩა, რომელმაც 8 მოხსნაც მიითვალა.

„ოკლაჰომა-სიტი თანდერი“ – „გოლდენ სტეიტ უორიორსი“ – 101:108 (23:20, 30:28, 30:27, 18:33)

ანგარიში სერიაში: 3:3