ილიას ზუროსი: “ამ გამარჯვებას გულშემატკივრებს ვუძღვნით”
საქართველოს საკალათბურთო ნაკრების მთავარმა მწვრთნელმა, ილიას ზუროსმა სლოვაკეთთან გამართული შეხვედრის შემდეგ ჟურნალისტებთან ისაუბრა.
“კიდევ ერთხელ მინდა, რომ ფანებს დიდი მადლობა გადავუხადო. როცა საქართველოში ვთამაშობთ, ჩვენ ექვსი მოთამაშე ვართ. გამარჯვებას სწორედ მათ ვუძღვნით. ეს ამ ციკლის ბოლო მატჩი იყო, მათი მხარდაჭერა კი ძალიან მნიშნველოვანია. წინ კიდევ ერთი შეხვედრაა, მონტენეგროში დადებითი შედეგის მისაღწევად მივდივართ.
როცა ძლიერი გუნდის წინააღმდეგ თამაშობ, ყველაფერს დაცვა წყვეტს. ვფიქრობ, მონტენეგროსთან დაცვის თამაში გაგვიჭირდება. რა თქმა უნდა, ჩვენი მთავარი მიზანი ევროპის ჩემპიონატის ფინალურ ეტაპზე თამაშის უფლების მოპოვებაა.
როდესაც შინ ამდენი გულშემატკივრების წინაშე ვთამაშობთ, კალათბურთელები ცდილობენ, რომ მათ სპექტაკლი შესთავაზონ, ხშირად ამის გამო ბურთს ვკარგავთ. როგორც მწვრთნელს, მე ეს არ მომწონს, მაგრამ ხანდახან ასეთი რამ ხდება.”
