კონსტანტინიდისი: “ჩვენს ნაკრებში არაპროფესიონალი კალათბურთელები თამაშობენ”
ალბანეთის საკალათბურთო ნაკრების მთავარმა მწვრთნელმა, ანტონის კონსტანტინიდისმა ევროპის 2017 წლის ჩემპიონატის შესარჩევ ეტაპზე, საქართველოს ნაკრებთან განცდილი მარცხის შემდეგ ჟურნალისტებთან ისაუბრა.
“უპირველეს ყოვლისა, მინდა, რომ საქართველოს ნაკრებს გამარჯვება მივულოცო. ამ ჯგუფში ჩვენთვის ყველა მატჩი რთული და მნიშნვნელოვანია. ჩვენი გუნდი ამხანაგურ მატჩებს ვერ ატარებდა და კალათბურთელებს გამოცდილება აკლიათ. წარმოიდგინეთ, რა რთულია ჩვენთვის ისეთი კალათბურთელების წინააღმდეგ თამაში, როგორებიც ფაჩულია, სანიკიძე და შენგელია არიან. ამ ეტაპზე, ჩვენ ამ ჯგუფისათვის მზად არ ვართ, თუმცა უნდა ვცადოთ და ბოლომდე ვიბრძოლოთ.
სწორედ გამოცდილების ნაკლებობის გამოა, რომ ზოგ ეპიზოდში კარგად ვთამაშობთ, ზოგ ეპიზოდში კი ცუდად. საქართველოს ნაკრებს წარმატებას ვუსურვებ. ჯგუფი ძალიან რთულია, პირველ ადგილზე ვინ გავა, ამის თქმა გამიჭირდება.
ჩვენ არაპროფესიონალი მოთამაშეები გვყავს, პროფესიონალი რამდენიმეა, რომლებიც ნაკრებში არ ჩამოვიდნენ. ამის გამო, ახალგაზრდებს შანსს ვაძლევ, რომლებიც გამოცდილებას იღებენ. “
