კოტე ტუღუში ნაკრების შემადგენლობით კმაყოფილია
როგორც მოგახსენეთ, დღეს საქართველოს საკალათბურთო ეროვნულ ფედერაციაში ნაკრების გაფართოებული სია დასახელდა. პრესკონფერენციას ნაკრების მთავარი მწვრთნელის იგორ კოკოშკოვის ერთ-ერთი ასისტენტი კოტე ტუღუში დაესწრო, რომელმაც ჟურნალისტებს ამჟამად არსებული მდგომარეობის შესახებ უამბო.
„გაფართოებულ სიას ყველანი ნახავდით. ამჟამად ტრავმირებული მოთამაშეები არ გვყავს. ბოლო დროს მსგავსი პრობლემა ყოველთვის გვქონდა. კარგია, რომ ამ მიზეზით დღეს არავინ გვაკლია. იმედია, ევროპის ჩემპიონატს ასევე ოპტიმალური შემადგენლობოით შევხვდებით. თუ ეს ასე იქნება, მაშინ უმაღლესი მიზნებისთვის უნდა ვიბრძოლოთ.
ეს საბოლოო გაფართოებული სიაა, არავის დამატება აღარ შეგვიძლია.
ნიკოლოზ ცქიტიშვილთან პირადად არ გვისაუბრია. მის კანდიდატურას განვიხილავდით, თუმცა ამ ეტაპზე გადაწყდა, რომ მას ნაკრებში არ გამოვიძახებთ.
გორგოძე ნაკრების ახალწვეულია. ყველანი ვთანხმდებით< რომ მას აკრგი სეზონი ჰქონდა. ნაკრებთან ერთად ის ძალიან დიდ გამოცდილებას მიიღებს, რაც გუნდასაც გამოადგება.
რაც შეეხება ჯანელიძეს, ამ ახალგაზრდა მოთამაშის სტატისტიკას თვალს ყოველთვის ვადევნებდი. ის ათლეტური და ძლიერია, იტალიაში მას ასევე კარგი სეზონი ჰქონდა“, – განაცხადა ტუღუშმა.
