კოტე ტუღუში: “საკუთარ კედლებში ტურნირის მოგება ძალიან მნიშვნელოვანი იყო”

საქართველოსა და ბელორუსს შორის გამართული თბილისის მერიის თასის დასკვნითი მატჩის შემდეგ შეხვედრა საქართველოს ნაკრების მწვრთნელის ასისტენტმა კოტე ტუღუშმა და მატჩის ყველაზე შედეგიანმა მოთამაშემ, თორნიკე შენგელიამ შეაფასეს.

კოტე ტუღუში: “ვულოცავ ყველას. საკუთარ კედლებში ტურნირის მოგება ძალიან მნიშვნელოვანი იყო. დღეს საკმაოდ ძლიერ გუნდს ვეთამაშეთ. ასეთი სპარინგები ჩვენს გუნდს ძალიან კარგ სამსახურს გაუწევს. სანიკიძეს და სანაძეს ტრავმები გაუმიზეზდათ. იმედია საკვალიფიკაციო მატჩებისთვის ისინი სრულ მზადყოფნაში იქნებიან. გიორგი შერმადინი ნაკრებს მეორე წრიდან შეურეთდება”. 

თორნიკე შენგელია: “მადლობა ბელორუსის ნაკრებს ჩამოსვლისთვის. ასეთი თამაშები ძალიან მნიშვნელოვანია. მიხარია, რომ გამარჯვება მოვიპოვეთ. რა თქმა უნდა, იყო ხარვეზები, რასაც საკვალიფიკაციო მატჩებისთვის გამოვასწორებთ. დიდი მადლობა გულშემატკივრებს”.