ოდომმა ნარკოტიკებზე 50 ათას დოლარზე მეტი დახარჯა

ნარკოდილერმა, რომლისგანაც ლამარ ოდომმა მარიხუანა არაერთხელ შეიძინა, RadarOnline-თან საუბრისას განაცხადა, რომ ბოლო სამი წლის განმალობაში კალათბურთელმა კოკაინზე 50 ათას დოლარზე მეტი დახარჯა.

ნარკოდილერის თქმით, ”კლიპერსის” ყოფილმა მოთამაშემ მარიხუანა 10 თებერვალს, ”ნიუ-იორკ ნიქსთან” მატჩის წინაც მოწია. აღნიშნულ შეხვედრაში ფორვარდმა პარკეტზე 22 წუთის განმალობაში ითამაშა და მაყურებლებს თავი 2 ქულით, 7 მოხსნით და 5 გადაცემით დაამახსოვრა.

”მას გართობა უყვარს. სიმართლე რომ გითხრათ, იგი საკმაოდ კარგი ადამიანია. თუმცა, პრობლემებმა მას უსიამოვნებები მოუტანეს. რაც შეეხება ”ნიქსთან” მატჩს – ეს სიმართლეა, რადგან იმ დღეს ნარკოტიკები მას მე მივყიდე და ჩემი თვალითაც ვნახე, თუ როგორ ეწეოდა იგი მარიხუანას. მაშინ, მან დაახლოებით 16 ათასი დოლარი დახარჯა”, – განაცხადა ნარკოდილერმა.

ალექსანდრე მატევოსოვი