ფაჩულიას ექვსქულიანი

ზაზა ფაჩულიამ დალას მავერიკსის შემადგენლობაში მეორე მატჩი ჩაატარა. ტეხასურ დერბიში დალასელები სტუმრად ჰიუსტონ როკეტსს შეხვდნენ და 27 ქულით (82:109) განადგურდნენ.

წინა მატჩისგან განსხვავებით, ფაჩულია ამჯერად ხუთეულში არ ყოფილა. ქართველმა ცენტრმა 15 წუთი ითამაშა და 6 ქულა, 4 მოხსნა და 1 პასი მიითვალა. ზაზამ 5-დან 2 ორქულიანი და 2-დან ორივე საჯარიმო ჩააგდო. სასტარტო ხუთეულში ცენტრის პოზიციაზე ბებერმა სამუელ დალამბერმა ითამაშა, რომელმაც 21 წუთში 6 ქულა და 8 მოხსნა მიითვალა.

დალასელთა მწვრთნელმა ისევ არ ათამაშა გუნდის ლიდერი დირკ ნოვიცკი, ხოლო დერონ უილიამსს, უესლი მეთიუზს, ჩენდლერ პერსონსს და ჯავალი მაკგის ტრავმები აწუხებთ.

მომდევნო საგამოფენო მატჩს დალასელები 13 ოქტომბერს, სტუმრად ოკლაჰომასთან გამართავენ.