ვესტბრუკი: ფაჩულია ბინძური მოთამაშეა
“ოკლაჰომას” კალათბურთელმა, რასელ ვესტბრუკმა “გოლდენ სტეიტთან” გამართული შეხვედრის შემდეგ ჟურნალისტებთან ისაუბრა და თქვა, რომ ზაზა ფაჩულია ბინძური მოთამაშეა.
როგორც იცით, 25 თებერვალს, “გოლდენ სტეიტმა” “ოკლაჰომა” 112:80 დაამარცხა. შეხვედრის მესამე მეოთხედში, ერთ-ერთ ეპიზოდში რასელ ვესტბრუკმა ბურთი კალათში ვერ ჩააგდო, მოხსნაზე კი ის და იანგი იბრძოდნენ, იქვე იყო ფაჩულიაც. სამივე კალათბურთელი წაიქცა, თუმცა ზაზა ვესტბრუკის ფეხებზე დაეცა, რასაც ინტერნეტსივრცეში დიდი გამოხმაურება მოჰყვა.
“თქვენ როგორ ფიქრობთ, რა მოხდა? ისეთ კითხვას ნუ დამისვამთ, რაზეც პასუხი იცით. რა თქმა უნდა, მან ეს განზრახ გააკეთა. მას არავინ შეხებია და ჩემს ფეხებზე დაეცა, რათა ტკივილი მოეყენებინა. არის თუ არა ის ბინძური მოთამაშე? დიახ, რა თქმა უნდა”, – უთხრა ვესტბრუკმა ჟურნალისტებს.
“Don’t ask me a dumb question you know the answer to.”
Russell Westbrook thinks Zaza is A dirty player, talks about Zaza falling on his legs.
Via @royceyoung pic.twitter.com/zhalw6ZJsk
— Ballislife.com (@Ballislife) February 25, 2018
