რივალდო: “არ ჩახვიდეთ ბრაზილიაში ოლიმპიადაზე”

ბრაზილიის ნაკრების ყოფილი ფეხბურთელი რივალდო რიო დე ჟანეიროში წელს გასამართ ოლიმპიურ თამაშებზე დასწრების მსურველებს ბრაზილიაში გამგზავრებისგან თავის შეკავებას ურჩევს. მისი ეს განცხადება რიოში ყაჩაღების მიერ 17 წლის გოგონას მკვლელობას მოჰყვა.

“რიო დე ჟანეიროში ყაჩაღებმა 17 წლის გოგონა მოკლეს. ბრაზილიაში ვითარება სულ უფრო მძიმდება. ვინც ბრაზილიაში ოლიმპიური თამაშების საყურებლად აპირებს ჩამოსვლას, მოვუწოდებ, რომ დარჩნენ თავიანთ ქვეყანაში. აქ თქვენს სიცოცხლეს საფრთხის ქვეშ დააყენებთ. აღარაფერს ვამბობ აქ არსებულ საავადმყოფოებზე, რომლებიც ცუდ მდგომარეობაშია. ქვეყანაში პოლიტიკური არეულობაა. ღმერთმა ქნას, ჩვენს ბრაზილიაში სიტუაცია შეიცვალოს”, – წერს რივალდო სოციალურ ქსელში.

A photo posted by Rivaldo Ferreira (@rivaldooficial) on May 7, 2016 at 3:53pm PDT