რუდი ფერნანდესი ევროლიგის ტოპ-16-ის მე-3 კვირის MVP გახდა

მადრიდის „რეალის“ მცველი რუდი ფერნანდესი ევროლიგის ტოპ-16-ის მესამე კვირის MVP-დ დასახელდა, რასაც ტურნირის ოფიციალური ვებ-საიტიც ადასტურებს.

ხუთშაბათს მადრიდელებმა საკუთარ დარბაზში „ბაიერნი“ მიიღეს და ანგარიშით 111:87 გაიმარჯვეს. აღნიშნულ შეხვედრაში ფერნანდესმა თავის ანგარიშზე 24 ქულა, 5 მოხსნა, 3 გადაცემა და 1 ჩაჭრა ჩაიწერა. კალათბურთელის კარგი თამაშის ინდექსმა კი 30 ქულა შეადგინა.

მე-3 ტურში ყველაზე მაღალი რეიტინგი ცსკა-ს ცენტრს ნენად კრსტიჩს ჰქონდა (33), თუმცა მისი გუნდი ბელგრადის „პარტიზანთან“ დამარცხდა.

ცსკა-ს ფორვარდმა სონი უიმსმა და „ჟალგირისის“ უკანახაზელმა ჯასტინ დენტომნმა კი 27 ქულის დაგროვება შეძლეს.

ალექსანდრე მატევოსოვი